အလုပ်ရှင် အလုပ်သမားများအတွက် အလုပ်သမားဥပဒေရေးရာ အသိပညာပေးဆွေးနွေးခြင်း




အလုပ်မှရပ်စဲခံရသည့် အလုပ်သမားများအတွက် အလုပ်ထုတ် နစ်နာကြေး

အကြောင်းအမျိုး မျိုးကြောင့် အလုပ်မှရပ်စဲခံရသည့် အ လုပ်သမားများအတွက် အလုပ်ရှင် မှပေးရမည့် အလုပ်ထုတ်နစ်နာကြေး များကို မူလက လုပ်သက်သုံးနှစ်အ ထက်ရှိသည့် လုပ်သားများအား နို့ တစ်ကြေးတစ်လစာနှင့် အလုပ်ထုတ် နစ်နာကြေး လေးလစာ စုစုပေါင်း ငါးလစာသာ အလုပ်သမားမှ ခံစားခွင့် ရရှိမည်ဖြစ်သော်လည်း ယခုပြောင်းလဲ သတ်မှတ်ချက်တွင် လုပ်သက်အပိုင်း အခြားအလိုက် အမြင့်ဆုံးလုပ်သက် ၂၅ နှစ်ရှိသူသည် အလုပ်ထုတ်နစ်နာ ကြေးငွေကို ၁၃ လစာအထိ ခံစားခွင့် ရရှိမည်ဖြစ်ကြောင်း ပြောင်းလဲထုတ် ပြန်ခဲ့ခြင်းဖြစ်သည်။

အလုပ်သမား၊ အလုပ်အကိုင် နှင့် လူမှုဖူလုံရေးဝန်ကြီးဌာန၏ အ မိန့်ကြေညာစာအမှတ် (၈၄/၂၀၁၅) ဖြင့် ဇူလိုင် ၃ ရက်တွင် ထုတ်ပြန်ခဲ့ ခြင်းဖြစ်ပြီး ထိုသို့ပြင်ဆင်ထုတ်ပြန် နိုင်ရန်အတွက် အစိုးရ၊ အလုပ်ရှင် ကိုယ်စားလှယ်များ၊ အလုပ်သမား ကိုယ်စားလှယ်များ၊ ဥပဒေပညာရှင် များ၊ အလွှာအသီးသီးမှ ပညာရှင်များ ကိုဖိတ်ခေါ်ပြီး ညှိနှိုင်းဆွေးနွေးမှုများ ကို နှစ်နှစ်ကြာပြုလုပ်ပြီးနောက် ၎င်း အဆိုပြုနှုန်းထားကို ထုတ်ပြန်ခြင်း ဖြစ်ကြောင်း အဆိုပါဝန်ကြီးဌာနမှ သိရသည်။

အလုပ်သမားဝန်ကြီးဌာနမှ အဆင့်မြင့်အရာရှိတစ်ဦးက ''အရင် အလုပ် ထုတ်နစ်နာကြေးက လုပ်သက် သုံးနှစ်အထက်ရှိတဲ့ အလုပ်သမားပဲ ဖြစ်ဖြစ်၊ လုပ်သက်နှစ် ၂၀ ရှိတဲ့ အ လုပ်သမားပဲဖြစ်ဖြစ် တစ်ပြေးညီတည်း ဖြစ်နေ တယ်။ အခု အသစ်ပြင်ဆင် ထုတ်ပြန်ချက်ကတော့ အဲဒီလိုမဟုတ် ဘဲ လုပ်သက်အလိုက် နစ်နာကြေး ခံစားခွင့်တွေကို ပြောင်းလဲထုတ်ပြန် တာဖြစ်ပါတယ်'' ဟု ပြောသည်။

ယခင်အလုပ်ထုတ်ခံရသည့် လုပ်သားများအတွက် အလုပ်ရှင်မှ နစ်နာကြေးပေးရာတွင် လုပ်သက်သုံး လမပြည့်သူများအား နို့တစ်ကြေး တစ်လစာ၊ လုပ်သက်သုံးလမှ တစ်နှစ် ရှိသူများအား နို့တစ်ကြေး တစ်လစာ နှင့် အလုပ်ထုတ်နစ်နာကြေးတစ်လ စာ စုစုပေါင်းနှစ်လစာ၊ လုပ်သက်တစ် နှစ်မှ နှစ်နှစ်ရှိသူများအား နို့တစ် ကြေးတစ်လစာနှင့် အလုပ်ထုတ်နစ် နာကြေး နှစ်လစာ ပေါင်းသုံးလစာ၊ လုပ်သက် နှစ်နှစ် အထက်ရှိသူများ အား နို့တစ်ကြေးတစ်လစာနှင့် အလုပ်ထုတ်နစ်နာကြေး သုံးလစာပေါင်း လေးလစာ၊ လုပ်သက်သုံးနှစ်အထက် ရှိသူများအား နို့တစ်ကြေးတစ်လစာ နှင့် အလုပ်ထုတ်နစ်နာကြေး လေး လစာ ပေါင်းငါးလစာကို နစ်နာကြေး ပေးလျော်ရမည်ဖြစ်သည်။

ထို့အပြင် ယခု အသစ်ထပ်မံပြ ဋ္ဌာန်းချက်တွင်-လုပ်သက်ခြောက်လ ပြည့်ပြီး တစ်နှစ်မပြည့်ပါက နစ်နာ ကြေးလဝက်စာ၊ လုပ်သက် တစ်နှစ် ပြည့် ပြီး နှစ်နှစ်မပြည့်ပါက နစ်နာ ကြေးတစ်လစာ၊ လုပ်သက်နှစ်နှစ်ပြည့် ပြီး သုံးနှစ်မပြည့်ပါက နစ်နာကြေး တစ်လခွဲစာ၊ လုပ်သက်သုံးနှစ်ပြည့် ပြီးမှ လေးနှစ်မပြည့်ပါက နစ်နာကြေး သုံးလစာ၊ လုပ်သက်လေးနှစ်ပြည့် ပြီး ခြောက်နှစ်မပြည့်ပါက နစ်နာကြေး လေးလစာ၊ လုပ်သက်ခြောက်နှစ်ပြည့် ပြီး ရှစ်နှစ်မပြည့်ပါက နစ်နာကြေး ငါးလစာ၊ လုပ်သက်ရှစ်နှစ်ပြည့်ပြီး ၁၀ နှစ်မပြည့်ပါက နစ်နာကြေးခြောက် လစာ၊ လုပ်သက် ၁၀ နှစ်ပြည့်ပြီး နှစ် ၂၀ မပြည့်ပါက နစ်နာကြေး ရှစ်လစာ၊ လုပ်သက်နှစ် ၂၀ ပြည့်ပြီး ၂၅ နှစ်မ ပြည့်ပါက နစ်နာကြေး ၁၀ လစာနှင့် လုပ်သက် ၂၅ နှစ်အထက် ရှိပါက နစ်နာကြေး ၁၃ လစာအထိ ပြောင်းလဲသတ်မှတ်ပြဋ္ဌာန်းခဲ့ခြင်းဖြစ် သည်။

ဇူလိုင် ၃ ရက်နောက်ပိုင်းမှ စတင်ကာ အလုပ်မှရပ်စဲခံရသည့် အလုပ်သမား များအားလုံးအတွက် ရရှိမည့် အဆိုပါနစ်နာကြေးသည် ယခုထုတ်ပြန်ချက် အတွင်း အကျုံး ဝင်မည်ဖြစ်သည်။



ရေကြီးနစ်မြုမှုများကြောင့် လယ်ဧက ၁၀ သိန်းကျော် ပျက်စီး အကူအညီများ အစောတလျင်ပေးရန် FAO နှင့် WFO တို့ပြော


ဇူလိုင်လနှင့် သြဂုတ်လအတွင်း ရေကြီးမှုများကြောင့် လယ်မြေဟက်တာ ငါးသိန်း (ဧက ၁၂သိန်းကျော်) ပျက်စီးခဲ့ရပြီး ဆိတ်၊ နွား၊ ဝက်ကောင်ရေ နှစ်သိန်းခွဲ သေဆုံးခဲ့ခြင်းကြောင့် လယ်သမားတို့အတွက် အကူအညီများ လိုအပ်လျက်ရှိနေသည်ဟု စားနပ်ရိက္ခာ စိုက်ပျိုးရေး အဖွဲ့နှင့် ကမ္ဘာ့ စားနပ်ရိက္ခာ အစီအစဉ်တို့က အောက်တိုဘာ ၂၀ ရက်က ပူးတွဲ ထုတ်ပြန်ကြေညာသည်။ “ထိခိုက် ဆုံးရှုံးခဲ့ရသော လယ်သမားများ အထူးသဖြင့် ဆင်းရဲမှုကြောင့် ပိုမို ထိခိုက်လွယ်သော အမျိုးသမီးဦးဆောင်သည့် အိမ်ထောင်စုများအတွက် မွေးမြူရေး တိရစ္ဆာန်များ၊ မျိုးစေ့များ၊ ဓာတ်မြေသြဇာနှင့် လယ်ယာသုံး ပစ္စည်း ကိရိယာများ ကူညီကြရန်” ဟု ထုတ်ပြန်ချက်တွင် ပါရှိသည်။ ကမ္ဘာ့ စားနပ်ရိက္ခာ စိုက်ပျိုးရေး အဖွဲ့နှင့် ကမ္ဘာ့ စားနပ်ရိက္ခာ အစီအစဉ်တို့သည် ရေကြီးနစ်မြုပ်မှုဒဏ် ခံခဲ့ကြရသည့် ချင်းပြည်နယ်၊ ရခိုင်ပြည်နယ်၊ ပဲခူးတိုင်း၊ မကွေးတိုင်းနှင့် ဧရာဝတီတိုင်းတို့တွင် ဆန်းစစ်မှုများ ပြုလုပ်ပြီးနောက် ထုတ်ပြန်ကြေညာခဲ့ခြင်းဖြစ်သည်။

စားနပ်ရိက္ခာ စိုက်ပျိုးရေး အဖွဲ့၏ မြန်မာနိုင်ငံ ဌာနေကိုယ်စားလှယ် Ms BUI THI LAN က “ဒီရေကြီး နစ်မြုမှုတွေကြောင့် ပျက်စီးဆုံးရှုံးရခြင်း တစ်ဝက်လောက်ဟာ စိုက်ပျိုးရေး ကဏ္ဍမှာ ဖြစ်ပြီး ထိုဒေသနေ ပြည်သူတွေဟာ စိုက်ပျိုးရေးနှင့် မွေးမြူရေးဖြင့်သာ အသက်မွေးနေရပါတယ်။ သူတို့ရဲ့ အရေးပေါ် လိုအပ်ချက်တွေကို ဖြည့်ဆည်းပေးရမှာ ဖြစ်သလို လယ်ယာ ပြန်လည်ထူထောင်ရေး ကိုလည်း ကူညီပေးရမှာ ဖြစ်ပါတယ်” ဟု ပြောသည်။

ရေကြီးမှုများကြောင့် မြန်မာနိုင်ငံ၏ စီးပွားရေး တိုးတက်ဖွံ့ဖြိုးမှုနှုန်းနှင့် ဆင်းရဲနွမ်းပါးမှု တိုက်ဖျက်ရေးတို့ကို ထိခိုက်လာနိုင်သည်ဟု ထုတ်ပြန်ချက်တွင် ဆိုထားကာ လိုအပ်ချက်များ ဖြည့်ဆည်းပေးရန်လည်း ကမ္ဘာ့ စားနပ်ရိက္ခာ အစီအစဉ်က တိုက်တွန်းထားသည်။

“ဒီလို ဆောင်ရွက်မှသာ အရေးပေါ် သုံးဖို့ လိုအပ်တဲ့ ငွေကြေး ရှာဖွေနိုင်မှာဖြစ်ပြီး ဘာဝဘေး အန္တရာယ်များ ကြုံတွေ့ပြီးချိန်တွင် စောလျင်စွာ ပြန်လည် ထူထောင်နိုင်ဖို့လည်း ထုတ်လုပ်မှု စွမ်းအားများ အသင့်ဖြစ်နေမှာပါ” ဟု လည်း ကမ္ဘာ့ စားနပ်ရိက္ခာ အစီအစဉ်၏ မြန်မာနိုင်ငံ ကိုယ်စားလှယ်နှင့် နိုင်ငံညွှန်ကြားရေးမှူး DOM SCALPELLI က ပြောသည်။

ထိုသို့မဟုတ်ပါက အစားအစာ လုံလောက်မှု လျော့ကျသွားနိုင်ပြီး အာဟာရ မပြည့်ဝခြင်း ဖြစ်ပေါ်လာမည်ဟု ဆိုထားပြီး လယ်သမားတို့၏ ပိုင်ဆိုင်မှုများကို ရောင်းကာ အကြွေးနွံထဲ ပိုမိုနစ်မြုပ်သွားနိုင်သည်ဟုလည်း စားနပ်ရိက္ခာ စိုက်ပျိုးရေး အဖွဲ့နှင့် ကမ္ဘာ့ စားနပ်ရိက္ခာ အစီအစဉ်တို့က သတိပေးထားသည်။





ဈေးကွက်သတင်းအချက်အလက်နှင့် စီးပွားရေးဆိုင်ရာ ဟောပြောပွဲ








မွေးမြူရေး၊ ရေလုပ်ငန်း နှင့် ကျေးလက်ဒေသ ဖွံ့ဖြိုးရေး ဝန်ကြီးဌာနသို့ အကြွေးကျန် ပေးဆပ်ရန် ပျက်ကွက်သည့် လုပ်ငန်းရှင်များအား တရားစွဲဆို ဆောင်ရွက်လျက်ရှိ

မွေးမြူရေး၊ ရေလုပ်ငန်း နှင့် ကျေးလက်ဒေသ ဖွံ့ဖြိုးရေး ဝန်ကြီးဌာန သို့ အကြွေးကျန် ပေးဆပ်ရန် ပျက်ကွက်သည့် လုပ်ငန်းရှင်များအား အများနှင့်ဆိုင်သော ပစ္စည်း ကာကွယ်ရေး ဥပဒေပုဒ်မ ၃ ဖြင့် တရားစွဲဆို ဆောင်ရွက်လျက် ရှိကြောင်း ဝန်ကြီးဌာနမှ ယနေ့ သတင်း ထုတ်ပြန်သည်။

ပြည်ထောင်စု လွှတ်တော် ၁၂ ကြိမ်မြောက် အစည်းအဝေးတွင် ပြည်သူ့ လွှတ်တော် ကိုယ်စားလှယ် ဒေါ်စန္ဒာမင်းက ပြည်သူ့ ငွေစာရင်း ပူးပေါင်းကော်မတီ၏ အစီရင်ခံစာ ဆွေးနွေးရာတွင် မွေးမြူရေး၊ ရေလုပ်ငန်း နှင့် ကျေးလက်ဒေသ ဖွံ့ဖြိုးရေး ဝန်ကြီးဌာနမှ ကျပ် ၃၁.၇၉၃ ဘီလီယံ ပေးသွင်းရန် ကျန်ရှိနေပြီး၊ နိုင်ငံတော်ကို ပေးသွင်းရန် ငွေပမာဏ အများဆုံး ကျန်ရှိသည့် ဝန်ကြီး ဌာနဖြစ်ကြောင်း ဆွေးနွေးခဲ့သည်။

အဆိုပါ ကြွေးကျန် ကျပ် ၃၁.၇၉၃ ဘီလီယံ နှင့်ပတ်သက်၍ ကြွေးကျန် စာရင်းများကို စစ်ဆေးသည့်အခါ ဌာနမှ အလွဲသုံးစား ပြုလုပ်ထားခြင်းမျိုး မဟုတ်ပဲ လုပ်ငန်းရှင်များမှ ဌာနသို့ ပေးရန်ကျန် ရှိသည့် ကြွေးမြီများ ဖြစ်သည် ဟု သတင်း ထုတ်ပြန်သည်။

မွေးမြူရေး၊ ရေလုပ်ငန်း နှင့် ကျေးလက်ဒေသ ဖွံ့ဖြိုးရေး ဝန်ကြီးဌာနသည် ကြွေးကျန် လုပ်ငန်းရှင်များအား အများနှင့်ဆိုင်သော ပစ္စည်း ကာကွယ်ရေး ဥပဒေ ပုဒ်မ ၃ ဖြင့် တရားစွဲဆိုမည်ဖြစ်ပြီး၊ တရား စွဲဆိုခြင်းမပြုမီ ကြွေးကျန်မှာ ကျပ် ၃၂.၅၈၄ ဘီလီယံ ရှိပြီး၊ ကြွေးကျန်လုပ်ငန်းရှင် ၁၀ ဦး၏ ကြွေးမြီ အပြေအကျေ ပေးဆပ်မှု အပါအင် ကြွေးကျန် ပေးဆပ်မှုမှာ ၉ ရာခိုင်နှုန်းကျော်ရှိပြီး၊ ယခုအချိန်တွင် ကြွေးကျန် ကျပ် ၂၉.၄၂၂ ဘီလီယံ ကျန်ရှိနေကြောင်း၊ ကြွေးမြီ အကျေပေးဆပ်သူ ၁၀ ဦးအနက် အမှု ၂ မှု ရုပ်သိမ်းခဲ့ပြီး ၈ မှုမှာ ဆောင်ရွက်ဆဲ ဖြစ်ကြောင်း၊ ကြွေးကျန်သူများ နှင့်ပတ်သက်၍ တရားရုံးတင်ပြီး ၂ မှု၊ တရားရုံးတင်ရန် ဆောင်ရွက်ဆဲ အမှု ၅၁ မှု ရှိကြောင်း သိရသည်။

ကြွေးကျန် အများဆုံး လုပ်ငန်းရှင် ၁၀ ဦးထံမှ ရရန်ငွေ ကျပ် ၂၅.၅၉၂ ဘီလီယံ ကျော်ရှိကြောင်း သိရသည်။

(Xinhua)





တရားမျှတမှု တောင်းဆိုနေသော မြန်မာလူငယ်နှစ်ဦး


ဝင်းဇော်ထွန်း ပေးခဲ့သောစာ

မြန်မာလုပ်သား နှစ်ဦးအား ဗြိတိန်နိုင်ငံသား နှစ်ဦးကို သတ်ဖြတ်ကြောင်း မျက်မြင်သက်သေ အပါအ၀င် အထောက်အထား တိတိကျကျမရှိဘဲ တရားခံဟု စွပ်စွဲပြီး ဖမ်းဆီးမှု ပြုလုပ်ကတည်းက ဝေဖန်ခံနေရသည့် ထိုင်းရဲတပ်ဖွဲ့ သည် ၎င်းတို့တင်သွင်းထားသည့် တရားလိုပြသက်သေကိုးဦးကို ဇူလိုင် ၈ ရက်မှ ၁၀ ရက်အထိ သုံး ရက်ကြာ စစ်ဆေးရာတွင်လည်း သက်သေများ၏ ထွက်ဆိုချက်များက ထိုင်းရဲတပ်ဖွဲ့က တင်သွင်းထားသော မှုခင်းအချက်များနှင့် ကွဲလွဲ မှုများ ထပ်မံထွက်ပေါ်လာခဲ့သည်။

မှုခင်းဆရာဝန် ရဲမှူးကြီး ထွက်ဆိုသော ဟန်နာ၏ မိန်းမအင်္ဂါပေါ်တွင် ဒီအင်န်အေနှစ်ခုနှင့်စအိုတွင် ဒီအင်န်အေတစ်ခု စုစုပေါင်း ဒီအင်န်အေသုံးခု တွေ့ရှိခြင်းကြောင့် လူသတ်မှုတွင် ပါဝင်သူများမှာ လူသုံးဦးဖြစ်နေခြင်း၊ သေဆုံးသူ ဟန်နာ၏ ညာဘက်လက်ကြားတွင် အနီရောင်ပျော့ပျော့ဆံပင် တွေ့ရှိထားသည်ဟု ထွက်ဆိုရာ မြန်မာလုပ်သားနှစ်ဦး၏ ဆံပင်များသည် အနက်ရောင်များဖြစ်ပြီး မာနေခြင်း၊ အဆိုပါဆံပင် သက်သေကို ဒီအင်န်အေ စစ်ဆေးမထားခြင်းနှင့် ပျောက်ဆုံးနေခြင်း စသည့် သက်သေထွက်ချက်များက မြန်မာလုပ်သားနှစ်ဦးအပေါ် စွပ်စွဲချက်များကို သက်သာရာရစေခဲ့သည်။

အင်းဒတ်ခ်ျဘားပိုင်ရှင် ဖီမွန်က သေဆုံးသူ ဒေးဗစ်သည် မှောက်ခုံအနေအထားဖြင့် တွေ့ရှိကြောင်း ထွက်ဆိုခဲ့ပြီး ရဲတပ်ဖွဲ့၏ ဓာတ်ပုံ သက်သေတွင် ပက်လက်အနေ အထားဖြစ်နေခြင်း၊ သေဆုံးသူ ဟန်နာ၏ ကိုယ်ပေါ်တွင် ပ၀ါအစိမ်းရောင်ရှိနေသည်ဟု မှုခင်း ဓာတ်ပုံများတွင် တွေ့ရသော်လည်း ဖီမွန်က အဆိုပါပ၀ါရှိမနေခြင်း စသည့် ကွဲလွဲချက်များက ထိုင်းရဲတပ်ဖွဲ့အနေဖြင့် အမှုကို သေသေချာချာ မသုံးသပ်ဘဲ စွဲချက်တင်ခဲ့သည်မှာ ထင်ရှားနေကြောင်း အမှုလိုက်ပါကူညီနေသည့် မြန်မာရှေ့နေများက ပြော သည်။

အထူးသဖြင့် အမှုတွင် သံသယဖြစ်ဖွယ် အကောင်းဆုံးဖြစ်သည့် လိပ်ကျွန်းသူကြီး၏ညီ အင်းဒတ်ခ်ျဘားပိုင်ရှင် ဖီမွန်၏ ထွက်ချက်များမှာ ထိုင်းရဲတပ်ဖွဲ့က သက်သေတင်သွင်းသည့် အထောက်အထားများနှင့် ကွဲလွဲနေ ခြင်းပင်ဖြစ်သည်။

လိပ်ကျွန်းလူသတ်မှုဖြစ်စဉ် တရားလိုပြသက်သေများကို သုံးရက်ဆက်တိုက်စစ်ဆေးပြီးချိန်အထိ မြန်မာလုပ်သား နှစ်ဦးမှာ အမှုတွင် ပါဝင်ငြိစွန်းနေခြင်း မရှိသေးကြောင်း မြန်မာသံရုံးအထူး အဖွဲ့မှ ရှေ့နေဦးအောင်မျိုးသန့်က ပြောသည်။

ထိုင်းရဲတပ်ဖွဲ့က တင်ပြသည့်တရားလိုပြသက်သေ လေးဦးကို ဇူလိုင် ၈ ရက်တွင် စတင်စစ်ဆေးခဲ့သည်။ သေဆုံးသူ ဗြိတိန်စုံတွဲ အလောင်းကို စတင်ကိုင်တွယ်သည့် အမှုစစ်ရဲအရာရှိတစ်ဦး၊ လိပ်ကျွန်းဆေးဆရာဝန်၊ AC-2 ဘားပိုင်ရှင်၏ညီ အင်းဒတ်ခ်ျ ဘားပိုင်ရှင် ဖီမွန်နှင့် ဘားစားဖိုမှူးတစ်ဦးတို့ကို ကော့စမွီမြို့နယ် တရားရုံး၌ ထိုင်းနိုင်ငံ စံတော်ချိန် နံနက် ၉ နာရီခွဲမှ ည ၈ နာရီခွဲထိ စစ်ဆေး ခဲ့ခြင်းဖြစ်သည်။

ပထမဆုံး တရားလိုပြသက်သေဖြစ်သည့် လိပ်ကျွန်းလူသတ်မှု အမှုစစ်ရဲအရာရှိက အမှုစဖြစ်သည့် နံနက် ၇ နာရီခန့်တွင် နိုင်ငံခြားသားအလောင်း နှစ်လောင်းတွေ့သည်ဟု ၎င်းထံ ဖုန်းဝင်လာခဲ့သည်။ ၁၀ နာရီခန့်တွင် နောက်ထပ်ဖုန်းတစ်ကြိမ် ထပ်မံဝင်လာပြီး ရေတက်ချိန် ရောက်နေ၍ အလောင်းကို မည်သို့စီမံရမည်ကို ၎င်းအားမေးမြန်းခြင်းဖြစ်ကြောင်း အမှုစစ်ရဲအရာရှိက တရားရုံးတွင် ထွက်ဆိုခဲ့သည်။

‘‘ရေတက်ချိန်ရောက်နေလို့ အလောင်းကို ဘယ်လိုလုပ်ရမလဲလို့ မေးတော့ နေရာရွှေ့ခိုင်းထားလိုက်တယ်လို့ ပြောတယ်။ မိန်းမ အလောင်းကို သေချာကိုင်တွယ်ဖို့ ပြောတယ်။ မိန်းမအလောင်းကို နေရာရွှေ့ထားတယ်။ နေ့ခင်း ၁၁ နာရီလောက်မှာ လိပ်ကျွန်းကို ရောက်သွားတယ်ပြောတယ်။ သဲပြင်ပေါ်မှာ ခုခံတိုက်ခိုက်ထားတဲ့ ခြေရာတွေ တွေ့ပြီး အမျိုးသမီးက မုဒိမ်းကျင့်ခံရတယ်လုိ့ ပြောတယ်။ ပေါက်တူးရယ်၊ ကွန်ဒုံးရယ်၊ ဖိနပ်ရယ်၊ ဆေးလိပ်တို သုံးခုတွေ့တယ်လို့ ပြောတယ်။ အနီးအနားက မသင်္ကာသူတွေကို စစ်ဆေးတယ်လို့ ပြောတယ်’’ဟု အမှုစစ်ရဲအရာရှိ ၏ ထွက်ဆိုချက်ကို တရားခွင်တွင် နားထောင်ခဲ့ရသည့် ရှေ့နေ ဦးအောင်မျိုးသန့်က ပြန်ပြောပြခြင်းဖြစ်သည်။

အမှုစစ်ရဲအရာရှိအပြီးတွင် တရားလိုပြသက်သေ အင်းဒတ်ခ်ျ ဘားပိုင်ရှင် ဖီမွန်ကို ဆက်လက် စစ်ဆေးသည်။ ဘားပိုင်ရှင် ဖီမွန်သည် အခင်းဖြစ်ပွားချိန်က သံသယရှိဖွယ်စာရင်းတွင် ပါဝင်သူဖြစ်ပြီး ထိုင်းရဲတပ်ဖွဲ့က ဒီအင်န်အေ (မျိုးရိုးဗီဇ)နှင့် အခြားစစ်ဆေးမှုများ ပြုလုပ်ပြီး အပြစ်မရှိဟုဆိုကာ ပြန်လွှတ်ပေးခဲ့သူဖြစ်သည်။

ဖီမွန်၏ ထွက်ဆိုချက်တွင် မြန်မာအမျိုးသမီး မဥမ္မာဆိုသူက ကမ်းခြေတွင် အလောင်းတွေ့ ကြောင်းပြော၍ သွားကြည့်ခဲ့ပြီး ယောက်ျားအလောင်းကို မှောက်ခုံအနေအထားဖြင့် ဦးစွာတွေ့ခဲ့ ကြောင်း ဆိုသည်။

ရုံးတော်သို့ ထိုင်းရဲတပ်ဖွဲ့ တင်ထားသည့် ဓာတ်ပုံသက်သေတွင် ယောက်ျားအလောင်းဓာတ်ပုံမှာ ပက်လက်အနေအထားဖြစ်ပြီး ဖီမွန်ထွက်ဆိုသကဲ့သို့ မှောက်ခုံအနေအထားဓာတ်ပုံကို တရားရုံးတွင် ထိုင်းရဲများ တင်မထားခဲ့ပေ။

ထို့အပြင် အမှုတွင် အရေး ကြီးအချက်ဖြစ်သည့် သေဆုံးသူ အမျိုးသမီးဟန်နာ၏ ကိုယ်ပေါ်ရှိ မျက်နှာသုတ်ပ၀ါမှာ ၎င်း၏ မျက်နှာသုတ်ပ၀ါမဟုတ်ကြောင်း ငြင်းဆိုထားသည်။

‘‘ဟန်နာရဲ့ ကိုယ်ပေါ်မှာက မျက်နှာသုတ်ပ၀ါအစိမ်းရောင်က ကျွန်တော်မသိဘူး။ ကျွန်တော် ရောက်တဲ့အချိန်မှာ မျက်နှာသုတ် ပ၀ါမရှိဘူး။ ကျွန်တော်သုံးနေတာကလည်း အညိုရောင်ပါ’’ဟု ဖီမွန်က ထွက်ဆိုသွားသည်။ သို့သော် ထိုင်းရဲတင်ပြထားသည့် ဓာတ်ပုံ သက်သေတွင် ဟန်နာ့ကိုယ်ပေါ်တွင် ပ၀ါအစိမ်းရောင်အုပ်ထားပြီး ဖီမွန်ကမူ ဟန်နာ့ကိုယ်ပေါ်တွင် ပ၀ါမရှိကြောင်း ထွက်ဆိုသွားခြင်းဖြစ်သည်။

‘‘ပထမနေ့က ထွက်ဆိုချက်တွေက ပထမအမှုစစ်ရဲနဲ့ ဆရာဝန်ရဲ့ ထွက်ချက်တွေမှာ ကွဲလွဲမှုတွေ ရှိနေတာ တွေ့ရတယ်။ ဘာဖြစ်လို့လဲဆိုတော့ အမှုစစ်ရဲက သေသူဟန်နာရဲ့ တန်ဆာကို ကြည့်ရုံနဲ့ ရဲ အတွေ့အကြုံအရ မုဒိမ်းကျင့်ထား ရတယ်ဆိုတာ သိတယ်လို့ပြော တယ်။ ဒါပေမဲ့ဆရာဝန်ရဲ့ ထွက် ဆိုချက်ကတော့ အဲဒီလိုယုံကြည် ရုံနဲ့ မုဒိမ်းကျင့်ထားတယ်လို့ ပြောလို့မရဘူးလို့ ထွက်ဆိုသွားတယ်’’ဟု ကွဲလွဲချက်အချို့ကို ဦးအောင်မျိုးသန့်က ထောက်ပြသည်။ ထို့အပြင် အမှုစစ်ရဲကအခင်းဖြစ်ပြီး နောက်လဆန်း ၃ ရက်အထိ ဆရာဝန်နှင့် အဆက်အသွယ်ရှိနေ ကြောင်း ပြောသော်လည်း ဆရာဝန်ကမူ ထိုရက်များတွင် ရဲနှင့် ၎င်းတို့ လုံးဝဆက်သွယ်မှု မရှိဟု ထွက်ဆိုသွားသည်။

‘‘နောက်တစ်ခါစားဖိုမှူးလုပ် တဲ့ သူကို စစ်တဲ့အခါမှာလည်း သူ က ဘာမှ မပြောနိုင်ဘဲနဲ့ ဂစ်တာ ကို AC-2 ဘားထဲက ခုံလောက်မှာတွေ့လို့ နှစ်ရက်၊ သုံးရက်တီးသေးတယ်လို့ ပြောတယ်။ နောက်မှ ဒီဂစ်တာဟာ အမှုနဲ့ သက်ဆိုင်တယ် ပြောလို့ လာသိမ်းသွားတယ်လို့ ပြောတယ်။ ဒါက ပထမဆုံးနေ့ထွက်ဆိုမှု ကွဲလွဲချက်တွေပါ’’ဟု အမှုကွဲလွဲချက်များနှင့် ပတ်သက်၍ ရှေ့နေဦး အောင်မျိုးသန့်က ပြောသည်။

ဇူလိုင် ၉ ရက်တွင် အမှုဖြစ်ပွားရာ၌ အသုံးပြုခဲ့သည့် ပေါက်တူး၏ပိုင်ရှင် မြန်မာနိုင်ငံ သား ဦးအို၊ လိပ်ကျွန်းရှိ အနှိပ် သည်အမျိုးသမီးတစ်ဦးနှင့် ထိုင်းရဲ အရာရှိတစ်ဦးတို့ကို စစ်ဆေးခဲ့သည်။

‘‘ပေါက်တူးပိုင်ရှင် ဦးအိုက သူ့ပေါက်တူး နည်းနည်းလေးနေ ရာရွေ့နေလို့ ပြန်သိမ်းထားတယ် ပြောတယ်။ ပေါက်တူးမှာ သွေးစွန်းနေတာတွေလည်း သတိမထားမိလို့ မသိဘူးလို့ထွက်ဆိုထားတယ်’’ ဟု ရှေ့နေဦးအောင်မျိုးသန့် က ပေါက်တူးပိုင်ရှင်ဦးအို၏ ထွက်ဆိုချက်များကိုပြောပြသည်။

လိပ်ကျွန်းရှိ အနှိပ်သည်အ မျိုးသမီးအား စစ်ဆေးရာ ‘‘သူက ဘားတွေမှာ ဘီယာသောက်ပြီး ကမ်းစပ်ကို အပေါ့သွားတယ်လို့ ပြောတယ်။ သစ်ငုတ်တိုပေါ်မှာ လူသုံးယောက်ဂစ်တာတီးနေကြတယ်လို့ ပြောတယ်။ ဒီလူတွေက ဘယ်သူတွေလဲ ထိုင်းလား၊ အင်္ဂလိပ်လား၊ မြန်မာလားမေးတော့ မှောင်နေလို့ ဘာမှ မသိရဘူးလို့ ပြောတယ်။ နောက်ပြီး ဘာသီချင်းဆိုနေတာလဲမေးတော့ အင်္ဂလိပ် သီချင်းဆိုနေတာလို့ ပြောသွား တယ်’’ဟု ရှေ့နေ ဦးအောင်မျိုးသန့်က ပြောသည်။

သက်သေများဆက်လက် စစ်ဆေးသည့် ဇူလိုင် ၉ ရက်တွင် ထိုင်းရဲတပ်ဖွဲ့က တင်သွင်းထားသည့် သက်သေလိပ်ကျွန်းတွင် နေထိုင်သူ မြန်မာအမျိုးသမီး မဥမ္မာမှာ တရားရုံးသို့ လာရောက်ခြင်းမရှိကြောင်း သတင်းရရှိ သည်။

တရားလိုပြသက်သေများကို ဒုတိယမြောက်နေ့ စစ်ဆေးပြီး ချိန်အထိ သက်သေများ၏ထွက်ဆိုချက်များသည် မြန်မာလုပ်သား နှစ်ဦးအား အမှုတွင်ပါဝင်နေခြင်း မတွေ့ရသေးကြောင်း ရှေ့နေဦး အောင်မျိုးသန့်က ဆိုသည်။

ဇူလိုင် ၁၀ ရက်တွင် ရဲမှူး ကြီး မှုခင်းဆရာဝန်နှင့် ရဲအရာရှိတစ်ဦးတို့ကို စစ်ဆေးခဲ့ခြင်းဖြစ်သည်။ ရဲမှူးကြီးမှုခင်းဆရာဝန် အား စစ်ဆေးရာတွင် ‘‘ဟန်နာရဲ့ တန်ဆာပေါ်မှာ DNA နှစ်မျိုးတွေ့

ပြီး စအိုမှာ DNA တစ်မျိုးတွေ့တယ်လို့ ပြောလိုက်ခြင်းအားဖြင့် ဒီကလေး မလေးကို မုဒိမ်းကျင့်တာ သုံးယောက်ဆိုတဲ့ သဘောဖြစ်နေပါတယ်။ တကယ်လို့ ကလေးနှစ် ယောက်က ကျူးလွန်မယ်ဆိုရင် တောင် DNA နှစ်မျိုးပဲတွေ့ရမှာ ပါ။ အခု DNA သုံးမျိုးတွေ့တယ် လို့ ထွက်ဆိုသွားပါတယ်။ နောက် တစ်ချက်က ဟန်နာရဲ့ဒဏ်ရာမှာ က ပခုံးမှာမည်းမည်းလေးဒဏ်ရာ တစ်ခုရှိတယ်လို့ပြောပါတယ်။ ဒီ ဒဏ်ရာက ပေါက်တူး ဒဏ်ရာလား မေးတော့ပေါက်တူး ဒဏ်ရာမဖြစ် နိုင်ဘူးလို့ပြောသွားပါတယ်။ သံသယဖြစ်စရာက ကျည်ဆန်ကဲ့သို့ သော ဒဏ်ရာပုံစံမျိုးဖြစ်နေပါ တယ်’’ဟု ရှေ့နေဦးအောင်မျိုး သန့်က ပြောသည်။

ထို့ပြင် ရဲအရာရှိတစ်ဦးကို စစ်ဆေးရာတွင် အန်နာ၏ညာ ဘက်လက်သူကြွယ်နှင့် လက်ခ လယ်ကြားတွင် အနီရောင်ဆံပင် ပျော့ပျော့ နှစ်လက်မအရှည် တွေ့ရှိကြောင်း ထွက်ဆိုသော်လည်း DNA စစ်ဆေးခဲ့ခြင်းမရှိကြောင်းရုံးတော်ကို ထွက်ဆိုသွားသည်ဟု သိရသည်။

‘‘အဲဒီဆံပင်ကလည်း ရဲတပ်ဖွဲ့ဆီမှာ မရှိတော့ဘူးလို့ပြောရပါတယ်။ မြန်မာကလေးနှစ်ယောက် ရဲ့ ဆံပင်က မပျော့ပါဘူး။ အမာတွေပါ။ နောက်ပြီး အနီရောင် လည်း မဟုတ်ပါဘူး’’ဟု ရှေ့နေ ဦးအောင်မျိုးသန့်ကပြောသည်။

လိပ်ကျွန်းလူသတ်မှုသည် ထိုင်းအစိုးရကိုယ်တိုင် အမှုဆင် တည်ဆောက်ထားခြင်းဖြစ်သော ကြောင့် မြန်မာအစိုးရဘက်မှ အင် တိုက်အားတိုက် ပါဝင်ဖြေရှင်းမှ အမှုမှန် ပေါ်ပေါက်မည်ဖြစ် ကြောင်း မြန်မာသံရုံးအထူးအဖွဲ့မှ ဦးကျော်သောင်းကပြောသည်။

‘‘ထိုင်းရဲတပ်ဖွဲ့က အမှုတည် ဆောက်လိုက်ကတည်းက အမှား မှားအယွင်းယွင်းတည်ဆောက် လိုက်တာပါ။ လွတ်လပ်ပေါ့ပါးစွာ နေချင်တဲ့မြန်မာအလုပ်သမားနှစ် ယောက်က အချိန်လွန်နေထိုင်တာ ကိုအခွင့်ကောင်းယူပြီး ဆွဲထည့် လိုက်တာပါ။ အစိုးရကိုယ်တိုင်အမှုဆင်ထားတာမို့ မြန်မာအစိုးရ ဘက်က ပါဝင်စေချင်ပါတယ်။ အမှုက နက်နဲသိမ်မွေ့ပါတယ်။ နည်းပညာတွေ၊ CCTV ကိစ္စတွေ၊ DNA တွေ့ရှိချက်တွေ ကျွမ်းကျင်တဲ့ဘာသာပြန်ကိစ္စတွေအားနည်း နေတာကို မြန်မာအစိုးရကအလေးအနက် စဉ်းစားပေးစေချင်ပါ တယ်’’ဟု ဦးကျော်သောင်းကပြော သည်။

ဖမ်းဆီးခံမြန်မာလုပ်သားနှစ်ဦးသည် လူသတ်တရားခံများမဟုတ်ကြောင်း ရာနှုန်းပြည့်ယုံ ကြည်မှုရှိသည်ဟု လိပ်ကျွန်းလူ သတ်မှုကိုစောင့်ကြည့်လေ့လာနေသူ မြန်မာနိုင်ငံသား လင်းယုန်မာန်ကပြောသည်။

‘‘သူတို့နှစ်ယောက်က အရင် ကအမှုဟောင်းလည်းမရှိဘူး။ အမှု ဖြစ်ပြီးလည်း သာမန်ပဲနေနေတာ။ ကယောင်ချောက်ချားဖြစ်တာတွေ လည်းမရှိဘူး’’ဟု လင်းယုန်မာန် ကဆိုသည်။

လိပ်ကျွန်းလူသတ်မှုတွင် သက်သေထွက်ဆိုပေးရန် ထိုင်းရဲ တပ်ဖွဲ့က တရားလိုပြသက်သေ ၆၅ ဦးတင်သွင်းထားပြီး မြန်မာသံ ရုံးအထူးအဖွဲ့က သက်သေ ၃၁ ဦး တင်သွင်းထားသည်။ လိပ်ကျွန်းလူသတ်မှုကို ဇူလိုင်နှင့် သြဂုတ်တို့ တွင် ခြောက်ကြိမ်စီ စုစုပေါင်း(၁၂)ကြိမ် ရုံးထုတ်စစ်ဆေးမည်ဖြစ်ပြီး အဆိုပါရုံးချိန်းများ၌ တရားလိုပြ သက်သေများကိုသာ စစ်ဆေးမည် ဖြစ်သည်။ မြန်မာဘက်မှတင်သွင်း ထားသည့် တရားခံပြသက်သေများကို စက်တင်ဘာ ၁ ရက်မှစ၍ နှစ်ရက်ဆက်တိုက် စစ်ဆေးမည် ဖြစ်ပြီး စက်တင်ဘာ ၂၂ မှ ၂၅ ရက်အထိ ဆက်လက်စစ်ဆေးမည် ဖြစ်ရာ စုစုပေါင်း (၆)ကြိမ် ရုံး ထုတ်စစ်ဆေးမည်ဖြစ်ကြောင်း ရှေ့နေဦးအောင်မျိုးသန့်က ပြောသည်။

 ငြိမ်းချမ်း





အနိမ့်ဆုံးလုပ်ခအတည်ဖြစ်ပြီး အဆိုပါနှုန်းအားမပေးနိုင်ဟုဆိုကာ လုပ်ငန်းပိတ်သိမ်းမှုများဖြစ်လာပါက အလုပ်လက်မဲ့ ဖြစ်ခြင်းကို ထိန်းသိမ်းနိုင်ရန် ကြိုတင်ပြင်ဆင်ထား


လုပ်ခသတ်မှတ် ချက်အပေါ် အလုပ်ပိတ်သိမ်းခြင်းများ ဖြစ် လာမည်ဆိုပါက ပိတ်သိမ်း မည့်စက်ရုံများမှ အလုပ်သမားများ အလုပ်လက် မဲ့ဖြစ်ခြင်းကို ထိန်းနိုင် ရန် ပြည်နယ်နှင့် တိုင်းဒေသများရှိ လုပ်ငန်းအမျိုးအစား အလိုက် လုပ် သားလိုအပ်ချက်ရှိသည့် စက်ရုံများ ၏ အလုပ်ခေါ်စာများကို ကြိုတင်ပြင် ဆင်ထားကြောင်း အလုပ်သမားဝန် ကြီးဌာန အမြဲတမ်းအတွင်း ဝန် ဦးမျိုး အောင်က ပြောသည်။ အလုပ်ရှင်များအနေဖြင့် စက် ရုံပိတ်သိမ်းမည်ဆိုပါက အလုပ်ရှင် သဘောဆန္ဒအရ ပိတ်သိမ်းနိုင်ကြောင်း၊ သို့သော် ဥပဒေပါလုပ်ထုံးလုပ်နည်း အတိုင်း အလုပ်သမားကို တစ်လကြို တင်နို့တစ်ပေးကာ အလုပ်ထုတ်နစ် နာကြေးပေး၍ ပိတ်သိမ်းနိုင်ကြောင်း၊ ဥပဒေပါလုပ်ထုံးလုပ်နည်းအရသာ ပိတ်ရမည်ဖြစ်ကြောင်းလည်း ဦးမျိုး အောင်က ဆိုသည်။

''ဝန်ကြီးဌာနက အခုဆိုရင် ပြည် နယ်နဲ့တိုင်းအနှံ့မှာ အလုပ်သမားညွှန် ကြားရေးဦးစီးဌာနက ဦးစီးမှူးတွေ ကိုမှာထားတယ်။ အလုပ်ခေါ်စာလို တဲ့ အလုပ်ရှင်တွေကို ရှာထားလို့မှာ ထားပါတယ်။ လက်ရှိ အလုပ်အကိုင် တွေ လိုနေတာတွေလဲရှိပါတယ်။ ဝန်ကြီးဌာနလဲ သက်ဆိုင်ရာနယ်မြေ အလိုက်မှာ အလုပ်သမားလိုအပ်တယ် ဆိုတဲ့ စက်ရုံအလုပ်ရုံစာရင်းတွေကို ရထားတယ်။ ဖြစ်လာခဲ့လို့ရှိရင်လဲ ဒါတွေကိုလုပ်လို့ရအောင် ပြင်ဆင် ထားတယ်'' ဟု အမြဲတမ်းအတွင်း ဝန် ဦးမျိုးအောင်က ပြောသည်။

လက်ရှိတွင်လည်း ရွှေပြည်သာ ရှိ အီလန်မြန်မာစက်ရုံလိုနေရာမျိုး ၌ပင် လုပ်သားလိုအပ်ချက်ရှိနေကြောင်း ဦးမျိုးအောင်က ပြောသည်။

ထိုသို့ ဝန်ကြီးဌာန၏ ပြောဆို မှုနှင့်ပတ်သက်၍ မြန်မာနိုင်ငံအလုပ် သမားသမဂ္ဂများအဖွဲ့ချုပ်ဥက္ကဋ္ဌ ဦးအောင်လင်းက ''လုပ်ငန်းရှင်တွေ က အလုပ်သမားနှစ်သိန်းကျော် အ လုပ်လက်မဲ့ဖြစ်သွားမယ်ဆိုတဲ့ ခြိမ်း ခြောက်မှုက လုပ်သားတွေကြားထဲမှာ အတော်ကိုတုန်လှုပ်မှုဖြစ် သွား စေတယ်။ အခုက အလုပ်သမားက စီးပွားရေးစနစ်တစ်ခုကို လှုပ်အောင် မလုပ်ဘဲ အလုပ်ရှင်တွေက လှုပ် အောင်လုပ်နေတယ်။ အဲဒီလိုလုပ် နေတဲ့ သူတွေက ဖြစ်လာမယ့်ပြဿ နာအပေါ်မှာ အဓိကတာဝန်ရှိသူ တွေဖြစ်တယ်။ တာဝန်ရှိသူတွေ တာ ဝန်ခံဖို့လိုတယ်။ ကျွန်တော်တို့အလုပ်သမားတွေ အနေနဲ့ အဲဒီလိုဖြစ် အောင်လုပ်တဲ့ အလုပ်ရှင်တွေနဲ့ လက်မတွဲတော့ဘူး'' ဟု ပြောသည်။

နိုင်ငံခြားရင်းနှီးမြှုပ်နှံမှုဖြင့် ဝင် ရောက်လာသည့် တရုတ်နှင့် ကိုရီး ယားအထည်ချုပ်လုပ်ငန်းရှင် ၁၀၀ နီးပါးအနေဖြင့် တစ်နေ့ရှစ်နာရီလုပ်ခ ကျပ် ၃၆၀၀ သတ်မှတ်ပါက လုပ်ငန်း ပိတ်သိမ်းကာ ပြန်သွားမည်ဟု ဇူလိုင် ၃ရက်က တရားဝင်ပြောဆိုထားပြီး ၎င်းတို့၏လုပ်ငန်းများတွင် အလုပ်လုပ် ကိုင်နေသည့် အလုပ်သမားနှစ်သိန်း ကျော်ရှိနေသည့်အတွက် ၎င်းအလုပ် သမားများ အလုပ်လက်မဲ့ဖြစ်နိုင် ကြောင်း ပြောဆိုထားသည်။



အဆိုပြုလုပ်ခ ကျပ် ၃၆၀၀ ကို အလုပ်ရှင်များမပေးနိုင်မှု ထင်သာမြင်သာရှိရန် ဝင်ငွေထွက်ငွေစာရင်းမှန်များကို ရှင်းလင်းပြ ရန် လိုအပ်၊ အမှန်တကယ်မပေးနိုင်ဟု ထင်ရှားပါက လိုအပ်ချက်များအပေါ် ညှိနှိုင်းပံ့ပိုးမှုများ ပြုလုပ်ပေးသွား မည်

အဆိုပြုလုပ်ခ ကျပ် ၃၆၀၀ ကို မပေးနိုင်သည့် အလုပ် ရှင်များအနေဖြင့် လုပ်ခမပေးနိုင်ခြင်း အပေါ် ထင် သာမြင် သာရှိစေရန် ဝင် ငွေ ထွက်ငွေစာရင်းမှန်များကို ရှင်း လင်းပြရန် လိုအပ်ပြီး အမှန်တကယ် မပေးနိုင်ကြောင်း ထင်ရှားပါက လိုအပ် ချက်များအပေါ် ညှိနှိုင်းပံ့ပိုးမှုများပြု လုပ်ပေးသွားမည်ဖြစ်ကြောင်း အနည်း ဆုံး အခကြေးငွေ သတ်မှတ် နိုင်ရေး အမျိုး သား ကော်မတီအတွင်းရေးမှူး နှင့် အလုပ်သမား၊ အလုပ်အကိုင် နှင့် လူမှုဖူလုံရေးဝန်ကြီးဌာန အမြဲ တမ်းအတွင်းဝန် ဦးမျိုးအောင် က ဒီမို ကရေစီတူဒေးသို့ပြောသည်။
အဆိုပြုနှုန်းထား အားကန့်ကွက် ရက် နှစ်ပတ်အတွင်း ကန့်ကွက်မှု များတွင် အလုပ်သမားများကန့်ကွက် မှုထက် အလုပ်ရှင်များက ကျပ်၂၅၀၀ သာ ပေးနိုင်ကြောင်း အဆိုပြုကန့် ကွက် မှုများက ပိုမိုများပြားလျက်ရှိ ပြီး ၎င်းအဆိုပြုကန့်ကွက်မှုများကို ရက်ပေါင်း ၆၀ အတွင်း အပြီးသတ် ဖြေရှင်းပေးမည်ဖြစ်ကာ ကန့်ကွက် သူများအပေါ် ပြန်လည်မေတ္တာရပ်ခံ ညှိနှိုင်း ၍ကန့် ကွက်ရခြင်းနှင့်မပေး နိုင် ခြင်းအကြောင်းအရင်းများကို ခိုင်မာ သည့်ဖြေရှင်းချက်မျိုးကို တောင်းခံ သွားမည်ဖြစ်ကြောင်းလည်းသိရသည်။

အမျိုး သားကော်မတီအတွင်းရေးမှူး နှင့် အလုပ်သမား၊ အလုပ်အကိုင် နှင့် လူမှုဖူလုံရေးဝန်ကြီးဌာန အမြဲ တမ်းအတွင်းဝန် ဦးမျိုးအောင်။

အနည်းဆုံး အခကြေးငွေသတ် မှတ်နိုင်ရေး အမျိုးသားကော်မတီ အ တွင်းရေးမှူး အလုပ်သမားဝန်ကြီးဌာန အမြဲတမ်း အတွင်း ဝန် ဦးမျိုးအောင် က ''အကယ်၍ မပေးနိုင်ဘူးလား၊ မ ပေးနိုင်တာ အမှန်ပဲ လားဆိုတဲ့သူ (အလုပ်ရှင်)က ထင်သာမြင်သာရှိ ဖို့လိုပြီ။ ဥပမာ-သူ့ရဲ့ဝင်ငွေအမှန်နဲ့ ကုန်ငွေအမှန်နဲ့ ဘာလဲပြော။ ပြော တဲ့သူက ဃူနမေ ဖြစ်ဖို့လိုတယ်။ အဲဒါ ကို သူကတကယ်ပဲ ဃူနမေ ပေးမ လား။ အဲဒီလိုမျိုးတွေလုပ်သွားဖို့ စဉ်း စားထားတယ်။ တကယ်ပဲ မပေးနိုင် တာမှန်ရင်တော့ အဲဒီအပေါ်ကြည့်ရ မှာပေါ့''ဟု ပြောသည်။
မပေးနိုင်သည့် အလုပ်ရှင်များ၏ လက်ရှိပေးနေသည့် လုပ်ခလစာများ ကိုပြန်ကြည့်ရမည်ဖြစ်ကြောင်း၊ လက် ရှိပေးနေသည့် လစာနှုန်းထားများ သည် ယခုအဆိုပြုနှုန်းထားဝန်းကျင် များဖြစ်နေပါ က မည်သည့်အတွက် မပေးနိုင်ကြောင်းနှင့် ကန့်ကွက်သည့် အကြောင်းရင်းအား ရှင်းလင်းရမည် ဖြစ်ကြောင်း ဦးမျိုးအောင်က ဖြည့် စွက်ပြောသည်။
''လစာထုတ်လို့ မပေးနိုင်ဘူး ဆိုတဲ့ စက်ရုံကလူတွေက တစ်သိန်း တစ်သောင်းနှစ်သောင်းတွေရနေ မယ်ဆိုရင် ဒီလစာနှုန်းထား ကို မပေး နိုင်ဘူးလို့ပြောရင် သူ့ကိုတော့ မေးရ တော့မှာပေါ့''ဟု အမြဲတမ်း အတွင်းဝန် ဦးမျိုးအောင်က ဖြည့်စွက်ပြောသည်။
ထိုနည်းတူ အလုပ်သမားများ ကိုလည်း လက်ရှိရသည့် အခြေခံလ စာနှင့်သတ်မှတ်မည့် အခြေခံလစာ ဖြင့်နှိုင်းယှဉ်ကြည့်ပါက သတ်မှတ် နှုန်းထားပိုရနေပါက အလုပ်သမား များအနေဖြင့် လိုက်နာ ကျင့်သုံးရန် မေတ္တာရပ်ခံသွားမည်ဖြစ်ကြောင်း အများစု သဘောထားအပေါ် လက်ခံ သွားမည်ဖြစ်ကြောင်းလည်း ဦးမျိုး အောင်ကဆိုသည်။




မြန်မာသင်္ဘောသား အများစု ဓာတ်ငွေ့တင်သင်္ဘောများ ပေါ်တွင် အလုပ်လုပ်ကိုင်မှု နည်းပါးလာ

ယခုနှစ် နှစ်ဆန်းပိုင်းမှ စ၍ မြန်မာ သင်္ဘောသား များသည် ဓာတ်ငွေ့တင် သင်္ဘောများ ပေါ်၌ အလုပ်လုပ် ရာတွင် ရောဂါရရှိမှု များပြား လာသောကြောင့် အဆိုပါ သင်္ဘောများ ပေါ်၌ အလုပ်လုပ်ကိုင်မှု အရေအတွက် မှာ နည်းပါးလာကြောင်း ပြည်ပ သင်္ဘောလိုင်း အေဂျင်စီ တချို့မှ တာဝန်ရှိသူ များ၏ ပြောပြချက် အရ သိရသည်။ ''မြန်မာ သင်္ဘောသားတွေ ဒီနှစ်ထဲမှာ ဓာတ်ငွေ့တင် သင်္ဘောတွေမှာ အလုပ်လုပ် ကိုင်မှု တော်တော် နည်းသွားပါတယ်။ ဘာဖြစ်လို့လဲ ဆိုတော့ သင်တန်းတွေရဲ့ ကျေးဇူးကြောင့် ဓာတ်ငွေ့တင် သင်္ဘောတွေကို လိုက်ရင် ဘယ်လို ရောဂါတွေ ခံစားရမလဲ ဆိုတာကို သိလာတာက တစ်ကြောင်းနဲ့ ဓာတ်ငွေ့တင် သင်္ဘောတွေ ပေါ်မှာ အလုပ်လုပ်ရင် ဓာတ်ငွေ့ရဲ့ ဒဏ်ကြောင့် ဘယ်လို ရောဂါတွေကို ခံစားရလဲ ဆိုတာ ဓာတ်ငွေ့တင် သင်္ဘော လိုက်ဖူးတဲ့ မြန်မာ သင်္ဘောသား တွေက သင်္ဘောသား အသစ်တွေကို အတွေ့ အကြုံတွေ ဖလှယ် လာတာကြောင့် ဓာတ်ငွေ့တင် သင်္ဘောပေါ်မှာ အလုပ်လုပ် မယ့် မြန်မာ သင်္ဘောသားတွေ ရှားလာတာပါ '' ဟု ကျောက်တံတား မြို့နယ်ရှိ ပြည်ပ သင်္ဘောလိုင်း အေဂျင်စီ တစ်ခုမှ တာဝန်ရှိသူ တစ်ဦးက ပြောသည်။

အဆိုပါ ဓာတ်ငွေ့တင် သင်္ဘောများ ပေါ်၌ အလုပ် သွားရောက် လုပ်ကိုင်သည့် မြန်မာ သင်္ဘောသား တစ်ချို့သည် စာချုပ်သက်တမ်း ပြည့်၍ မြန်မာနိုင်ငံ သို့ ပြန်လာလျှင် ဓာတ်ငွေ့များ ဒဏ်ကြောင့် ကင်ဆာရောဂါ နှင့် ခန္ဓာကိုယ် အတွင်းအင်္ဂါ အစိတ်အပိုင်း များ ပျက်စီးခြင်းတို့ ဖြစ်ပေါ် လာကြောင်း သိရသည်။

ထို့ကြောင့် ပြည်တွင်းရှိ သင်္ဘောလိုင်း အေဂျင်စီ တချို့သည် မြန်မာ သင်္ဘောသားများ ဓာတ်ငွေ့တင် သင်္ဘောများ ပေါ်၌ အလုပ်လုပ်ရန် စိတ်ဝင်စားမှု နည်းလာသည့် အတွက် လစာများ တိုးပေးပြီး အလုပ် ခေါ်ယူမှု များကို ပြုလုပ်ကြ သော်လည်း သင်္ဘောသား အများစုမှာ စိတ်မဝင်စား ကြဘဲ ကုန်တင် သင်္ဘောများ ၌သာ အလုပ်လုပ်ကိုင် လာကြကြောင်း သိရသည်။

 မင်းသော်တာလွင်




အလုပ်ပိတ်ပြီး ပြန်သွားတယ်ဆို ဒီအတိုင်းထွက်သွားလို့ မရဘူး၊ ဥပဒေက ရှိပြီးသား၊ အလုပ်သမားကို အလုပ်အတွက် နစ်နာကြေး လျော်ကြေးပေးရမယ် ဦးမျိုးအောင်(အမြဲတမ်းအတွင်းဝန်၊ အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန)

အနည်းဆုံး အခကြေးငွေ အဆိုပြုနှုန်းထား တစ်ရက် ကျပ် ၃၆ဝဝ သတ် မှတ်ခြင်း အပေါ် လုပ်ငန်းရှင်အချို့က ကန့်ကွက်မှုနှင့် ပတ်သက်၍ နယ်ပယ် အသီးသီးမှ ပုဂ္ဂိုလ်များ၏ သဘောထားအမြင်များကို တွေ့ဆုံမေးမြန်း တင်ပြ လိုက်ရပါသည်။


ဦးဇော်ဦး (နိုင်ငံတော်သမ္မတ၏ စီးပွားရေးအကြံပေး)

မေး။ ။ အနည်းဆုံး အခကြေးငွေ အဆိုပြုနှုန်းထား တစ်ရက်(ရှစ်နာရီ)ကျပ် ၃၆ဝဝ သတ်မှတ်လိုက်ခြင်းအပေါ် လုပ်ငန်းရှင်များဘက်က ကန့်ကွက်နေတာ ရှိတဲ့အပြင် လုပ်ငန်းရှင်အချို့က စက်ရုံပိတ်သိမ်းမယ်လို့ ပြောဆိုမှု တွေနဲ့ ပတ်သက်ပြီး ဘာများပြောချင်ပါသလဲ။

ဖြေ။ သုံးရက်ကြာ ဆွေးနွေးခဲ့တဲ့ အနည်းဆုံး အခကြေးငွေသတ် မှတ်ရေး ဆွေးနွေးပွဲမှာ သဘောတူညီမှု ရခဲ့တာပါ။ အများစုသဘောတူပြီးမှ အဆိုပြု နှုန်းထားကျပ် ၃၆ဝဝ ကို ထုတ်ပြန်ခဲ့တာပါ။ အများစု သဘော မတူဘဲနဲ့တော့ ဒီနှုန်းထားကထွက်မလာပါဘူး။ အနည်းဆုံးအခကြေးငွေကို သတ်မှတ်တဲ့အခါ ကျွန်တော်တို့မှာ သတ်မှတ်ထားတဲ့ စံတွေရှိပါတယ်။ အလုပ်ရှင်၊ အလုပ်သမား ကိုယ်စားလှယ်တွေ၊ ဝန်ကြီးဌာနက ကိုယ်စား လှယ်တွေ၊ ကျန်တဲ့တိုင်းဒေသကြီးနဲ့ ပြည်နယ်အသီးသီးက လွှတ်တော် ကိုယ်စားလှယ်တွေလည်း ပါပါတယ်။ ဆိုလိုတာက အလုပ်ရှင် ကိုယ်စား လှယ်ဦးရေနဲ့ အလုပ်သမား ကိုယ်စားလှယ်ဦးရေဟာ တစ်စုံ တစ်ခုသော သတ်မှတ်ချက်ထက်မကျော်ရင် အဲဒီအစည်းအဝေး အထ မမြောက်ပါဘူး။ ကျွန်တော်တို့ နိုင်ငံမှာ အားလုံးက ပွင့်လင်းမြင်သာစွာ ဆောင်ရွက်နေ တာဖြစ်ပါတယ်။ အလုပ်သမားရော အလုပ်ရှင်ရော ဆိုင်တဲ့ ကိစ္စမှာ အင်မတန်မှ ဂရုစိုက်ပြီး ဆောင်ရွက်နေပါတယ်။

အခု ကန့်ကွက်နေတယ်ဆိုတာ အထည်ချုပ် လုပ်ငန်းတွေပဲ ဖြစ်ပါတယ်။ အလုပ်ရုံ ပိတ်သိမ်းတာနဲ့ ပတ်သက်လို့ ပြောရရင် အလုပ်ရှင်တော်တော် များများ လုပ်ဖို့ခက်ပါတယ်။ သူတို့အနေနဲ့ ဒါကိုတော်တော် စဉ်းစားရမယ့် အချက် ဖြစ်ပါတယ်။ ကျွန်တော့်အနေနဲ့ ဒါကို တောင်းဆိုမှုတစ်ခုလို့ပဲ ယူဆ ပါတယ်။ တကယ်ဆို နိုင်ငံတော် အစိုးရနဲ့ အလုပ်သမား ဝန်ကြီးဌာနကို အနည်းဆုံး အခကြေးငွေပေါ်မှာ လျှော့ပေးဖို့ တောင်းဆိုမှုထက်စာရင် ဘယ်ကဏ္ဍတွေမှာ ပံ့ပိုးပေးမလဲ၊ ဘာတွေပြောင်း လဲချင်တာလဲ၊ ဘယ်လို ပူးပေါင်း ဆောင်ရွက်မှာလဲစတာတွေ ဆွေးနွေးမှု တွေလုပ်စေချင်တယ်။ အလုပ်ရှင် အလုပ်သမားနှစ်ဖက်စလုံးအတွက် လိုအပ်တဲ့ သုတေသန လုပ်ငန်းတွေကို ရက်ပေါင်း ၆ဝ အတွင်းမှာ ဆောင်ရွက် သွားဖို့ လုပ်နေပါ တယ်လို့ပြောချင်ပါတယ်။

မေး။ ။ မြန်မာနိုင်ငံကို ဝင်လာမယ့်နိုင်ငံခြား ရင်းနှီးမြှုပ်နှံမှု လုပ်ငန်းတွေအပေါ် အနည်းဆုံးအခကြေးငွေ သတ်မှတ်ချက်က ရိုက်ခတ်မှု ရှိနိုင်၊ မရှိနိုင် ဆရာ့ အမြင်ကို သုံးသပ်ပေးပါ။

ဖြေ။ ။ အဓိက နိုင်ငံတကာက ရင်းနှီးမြှုပ်နှံမှုကုမ္ပဏီတွေ လာတယ်ဆိုတဲ့နေရာ မှာ အရင်တုန်းက ကုမ္ပဏီတွေက ဘယ်လိုတိုင်းပြည်မျိုးကိုပဲဖြစ် ဖြစ်သွားပြီး လုပ်မယ်ဆိုတဲ့ ကုမ္ပဏီ ငယ်လေးတွေပါ။ အခုကျတော့ စီးပွားရေး အလား အလာရှိတဲ့ နိုင်ငံတွေကို စိတ်ဝင်စားပြီး ရင်းနှီးမြှုပ်နှံချင်တဲ့ ကုမ္ပဏီကြီးတွေက ကျွန်တော်တို့ နိုင်ငံကို စိတ်ဝင်စားလာကြတယ်။ တချို့ သူတို့နိုင်ငံမှာ ရင်းနှီးမြှုပ်နှံနေရာကနေ ကျွန်တော်တို့နိုင်ငံကို စိတ်ဝင် စားလာတဲ့ နိုင်ငံတွေ ရှိတယ်။ ဒီလို ကုမ္ပဏီကြီးတွေဝင်လာရင် အနည်းဆုံး အခကြေးငွေမရှိခဲ့ရင် အလုပ် သမားတွေအတွက် လုပ်ခလစာ ခေါင်းပုံဖြတ်ခံရမယ်။ နောက်ပြီး အလုပ်ရုံတွေမှာ လုပ်ခလစာတွေက အမျိုးမျိုး ဖြစ်နေတယ်ဆိုရင် လုပ်ခပိုရတဲ့ အလုပ်ကိုရှာပြီးပြောင်းမယ်။ အဲဒီ အခါ လုပ်ငန်းခွင် မတည်ငြိမ်မှုတွေ ဖြစ် လာမယ်။ အလုပ်ရှင်နဲ့ အလုပ်သမား မလိုလားအပ်တဲ့ ဆူပူမှုတွေ ဖြစ် လာမယ်။ ဒီလိုမတည်ငြိမ်မှုတွေ ဖြစ်နေခဲ့ရင် လာရောက် ရင်းနှီးမြှုပ်နှံ မယ့် နိုင်ငံခြားရင်းနှီး မြှုပ်နှံသူတွေက ဒီလိုနိုင်ငံမျိုးမှာ အလုပ်လာလုပ်ဖို့ စိုးရိမ်ပူပန်မှုတွေ ရှိမှာပဲ။ အနည်းဆုံး အခကြေးငွေ သတ်မှတ်လိုက်ပြီးလို့ တစ်နေ့ ရှစ်နာရီအတွင်းမှာ ဒီနှုန်းပဲ ရမယ်ဆိုရင် အလုပ်သမားတွေက တည်ငြိမ်စွာ အလုပ်လုပ်မယ်။ အလုပ်သမားတွေဘက်က ခေါင်းပုံဖြတ် ခံရတယ်လို့ မြင်နေတဲ့ တိုင်တွေအပေါ် ရှင်းရှင်းလင်းလင်း မြင်လာကြရင် အလုပ်သမား၊ အလုပ်ရှင်ကြားမှာ ပဋိပက္ခနည်းသွားမယ်။
ဒါကြောင့်အလုပ်ရှင်၊ အလုပ်သမားကြား အနည်းဆုံး အခကြေးငွေ သတ် မှတ်ရေးဟာ ဦးစားပေးလုပ်ရမှာပါ။ လုပ်ငန်းခွင် တည်ငြိမ် လာရင် ပြည်ပ က နိုင်ငံခြား ရင်းနှီးမြှုပ်နှံမှုအတွက် အားကိုးစရာ ပတ်ဝန်းကျင်ကောင်း တစ်ခုဖြစ်လာမှာပါ။

မေး။ ။ အနည်းဆုံး အခကြေးငွေ သတ်မှတ်ဖို့အတွက် ဆောင်ရွက်နေတဲ့ အပေါ် တုံ့ပြန်လာမှုတွေနဲ့ပတ်သက်ပြီး ဘာများအကြံပြုပြောကြား လိုပါသလဲ။

ဖြေ။ ။ ကျွန်တော်အကြံပြုချင်တာက အရှေ့ကို ရောက်ဖို့ဆိုတာ အားလုံး ဝိုင်းဝန်းပြီးတွန်းရမှာ ဖြစ်တယ်။ ဖြစ်နေတဲ့ အခက်အခဲတွေကို ဝိုင်းဝန်းဖြေ ရှင်းရင်း ကျော်လွှားနိုင် အောင်ကြိုးစားရမယ့် ကာလဖြစ်ပါတယ်။ အလုပ်သမား ဝန်ကြီးဌာနအပါ အဝင်ဌာနတိုင်းက အလုပ်ရှင်တွေရဲ့ အခက်အခဲရော၊ အလုပ်သမားတွေရဲ့ အခက်အခဲရော ကျော်လွှားနိုင်မယ့် အစီအစဉ်တွေကို စဉ်းစားနေတာ ဖြစ်တဲ့အတွက်ကြောင့် အားလုံး ဝိုင်းဝန်း ပူးပေါင်း ဆောင် ရွက်ကြရင် အနည်းဆုံးအခကြေးငွေကို နိုင်ငံတကာစံနှုန်းနဲ့အညီ သတ်မှတ် လို့လည်းရမယ်။အခက်အခဲတွေကိုလည်း ကျော်လွှားနိုင်မယ်ဆို ကောင်းမွန်တဲ့ အရွေ့တစ်ခုကိုသွားနိုင် မှာပါ။


ဦးမျိုးအောင်(အမြဲတမ်းအတွင်းဝန်၊အလုပ်သမား၊ အလုပ်အကိုင်နှင့် လူမှု ဖူလုံရေး ဝန်ကြီးဌာန)


မေး။ ။ အနည်းဆုံး အခကြေးငွေ တစ်ရက် ကျပ် ၃၆ဝဝ သတ်မှတ် လိုက်တဲ့ အပေါ် နိုင်ငံခြားသားလုပ်ငန်း ရှင်တွေက စက်ရုံပိတ်မယ်။ လျော်ကြေး မပေးနိုင်ဘူးလို့ ပြောဆိုတဲ့အပေါ် တကယ်လို့ အဲဒီလိုများလုပ်ခဲ့မယ် ဆိုရင် ဘယ်လိုဆောင်ရွက်သွားဖို့ ရှိတယ်ဆိုတာ သိပါရစေ။

ဖြေ။ ။ နိုင်ငံခြားသား အလုပ်ရှင်တွေ မလုပ်နိုင်တဲ့အပိုင်းရယ်။ မလုပ်နိုင်လို့ ထွက်သွားရင် အရေးယူမယ့် အပိုင်းရယ်။ အလုပ်ပိတ်ပြီး ပြန်သွားတယ်ဆို ဒီအတိုင်းထွက်သွားလို့မရဘူး၊ ဥပဒေ ကရှိပြီးသား၊ အလုပ်သမားကို အလုပ်အတွက် နစ်နာကြေးလျော်ကြေးပေးရမယ်။ အရင်တုန်းက ဒီလိုလုပ်ခဲ့လို့ အရေး ယူခဲ့ဖူးတဲ့ သာဓကတွေရှိတယ်။ ပိတ်သိမ်းတာက သူတို့ရဲ့ ကဏ္ဍ။ အဲဒီအပေါ်မှာ သူတို့ရဲ့ စီးပွားရေး အခြေအနေနဲ့ လုပ်ငန်းအခြေ အနေအရ ပိတ်မယ်ဆို ပိတ်ပိုင်ခွင့် ရှိတယ်။ ဒါပေမယ့် လုပ်ထုံးလုပ်နည်း နဲ့အညီ၊ ဥပဒေနဲ့အညီ ဖြစ်ဖို့လိုတယ်။ တကယ်ပြန်၊ မပြန်ဆိုတဲ့ကိစ္စ။ တကယ် ရုပ်သိမ်း၊ မသိမ်းဆိုတဲ့ကိစ္စ။ အခု ဖြစ်နေတာက အထည်ချုပ်မှာ။ အထည်ချုပ် လုပ်ငန်းရှင်တွေထဲမှာမှ တချို့ပေးနိုင်တယ်။ ဒီမှာဖြစ်နေတာက ရန်ကုန် မှာရှိတဲ့ အထည်ချုပ် လုပ်ငန်းရှင်တွေပဲ။ အဲဒီထဲမှာတောင် အကုန်မဟုတ်ဘူး။စက်ရုံပိတ်မယ်ဆိုတာ အလုပ်ရှင်က တကယ်ပဲပြောခဲ့တာလား။ သူတို့ မန်နေဂျာ၊ ကိုယ်စားလှယ်တွေ က ပြောတာလားဆိုတာ စိစစ်ဖို့လိုတယ်။ စက်ရုံပိတ်သွားတာက သူတို့လုပ်ပိုင် ခွင့်ပဲ။ စက်ရုံပိတ်သွားလို့ အလုပ် သမားတွေအတွက် လုပ်ငန်းခွင်ပြန်ဝင် နိုင်အောင် လုပ်ပေးရမှာကတော့ ကျွန်တော်တို့တွေရဲ့ တာဝန်ပါလို့ ပြောချင်တယ်။


မေး။ ။ နိုင်ငံခြားသားလုပ်ငန်းရှင် တွေအနေနဲ့ မြန်မာနိုင်ငံမှာလာပြီး ရင်းနှီးမြှုပ်နှံရင် မြန်မာနိုင်ငံရင်းနှီး မြှုပ်နှံမှု ကော်မရှင်မှာ အဆိုပြုထားတဲ့ နှုန်း ထားနဲ့ အခုသတ်မှတ်ထားတဲ့ နှုန်းထား ဘယ်လောက်ကွာခြားမှု ရှိလဲဆိုတာ သိပါရစေ။

ဖြေ။ ။နိုင်ငံခြားသား အလုပ်ရှင် မှန်ရင် မြန်မာနိုင်ငံ ရင်းနှီးမြှုပ်နှံမှု ကော်မရှင်မှာ အနိမ့်ဆုံးအလုပ်သမား ကို ဘယ်လောက်ပေးမှာလဲဆိုတဲ့ အဆိုပြုနှုန်း ထားတွေ ရှိတယ်။ အဆိုပြု နှုန်းထားတွေ ပြန်ကြည့်လိုက်ရင်လည်း အနည်းဆုံး ဒေါ်လာ ၉ဝ နဲ့ ၁ဝဝ ကျော်မှာရှိတယ်။ အခုပေးလိုက် တဲ့ နှုန်းထားက မြန်မာနိုင်ငံ ရင်းနှီး မြှုပ်နှံမှုကော်မရှင်မှာ အဆိုပြု ထားတဲ့ နှုန်းထားနဲ့ ဘာမှ ကွာဟမှုမရှိဘူး။
မေး။ ။ အလုပ်ရှင်တွေ ဘက်က တောင်းဆိုထားတဲ့ အချက်တွေကို လုပ်ဆောင်ပေးဖို့ရှိပါသလား။
ဖြေ။ ။ အလုပ်ရှင်တွေ တောင်းဆို ထားတာတွေထဲမှာ လူမှုဖူလုံရေးကြေးက အလုပ်ရှင်ရော၊ အလုပ်သမားရော ထည့်ရတာပါ။ အဲဒီအပေါ်မှာ အလုပ်ရှင်တွေပြောနေတာရှိတယ်။ ဒါကဝန်ကြီးဌာနက လုပ်ပေးရမယ့် အပိုင်း၊ ဆောင်ရွက်ပေးနိုင်တဲ့အပိုင်း ဖြစ်တယ်။ လမ်းတွေ၊ မီးတွေကတော့ ကျွန်တော်တို့ဝန်ကြီးဌာန မတတ်နိုင်တဲ့ အပိုင်းပါ။ ဒါက နိုင်ငံတော်နဲ့ အခြားသက်ဆိုင်တဲ့ ဝန်ကြီးဌာနတွေနဲ့ ပေါင်းစပ်လုပ်ဆောင်ရမှာ။ အလုပ်ရှင်တွေ တောင်းဆိုတဲ့ အထဲက လတ်တလော လုပ်ပေးနိုင်တာ လုပ်ပေးမယ်။ ရေရှည်လုပ်ရမှာရှိသလို ပေါင်းစပ်လုပ်ရမှာ ရှိတယ်။ အချိန်တော့ ပေးရမယ်။ ချက်ချင်းလုပ်ပေးပါ တောင်းဆိုလာရင်တော့ မဖြစ်နိုင်ပါဘူးလို့ ပြောချင်တယ်။


ဦးဇာနည်သွေး (မြန်မာနိုင်ငံတောင်သူ လယ်သမားနှင့် စိုက်ပျိုးရေး အလုပ်သမားသမဂ္ဂများ အဖွဲ့ချုပ်)

မေး။ ။ အဆိုပြုနှုန်းထား တစ်နေ့ ကျပ် ၃၆ဝဝ က လူတစ်ယောက်ရဲ့ အခြေခံ စားဝတ်နေရေးကို ဖြေရှင်း ပေးနိုင်မယ့် နှုန်းထားလို့ ထင်ပါသလား။

ဖြေ။ ။ ကျွန်တော်တို့ အလုပ်သမား မိသားစုတွေနဲ့ တွေ့တယ်။ အလုပ် သမားတွေ အခြေအနေကို လေ့လာ ကြည့်တယ်။ တိုင်းပြည်ရဲ့ တစ်ဦးချင်း ဝင်ငွေနဲ့ ချိန်ပြီးတော့ မိသားတစ်စုရဲ့ စားသောက်နေထိုင်မှု စားဝတ် နေရေး ကိုကြည့်လိုက်တဲ့အခါ ကျပ် ၃၆ဝဝ က သင့်တင့်လျောက်ပတ်တဲ့ သတ် မှတ် နှုန်းထားလို့ မြင်တယ်။ ဒါပေမယ့် ပြည့်စုံလုံလောက်မှုတော့ ဘယ်ရှိမှာလဲ။

မေး။ ။ လုပ်ငန်းရှင်တချို့က တစ်ရက် လုပ်ခ ကျပ် ၃၆ဝဝ အတည်ပြုသတ်မှတ် မယ်ဆို မပေးနိုင်ဘူးလို့ ငြင်းဆိုနေတဲ့ အပေါ် ဘာများပြောချင်ပါသလဲ။

ဖြေ။ ။ ကျွန်တော်တို့နိုင်ငံက တစ်ဦးချင်းဝင်ငွေနည်းပါးလို့ ဆင်းရဲလို့ နိုင်ငံ တကာမှာ မျက်နှာငယ်ရတယ်။ ဒါကို ရုန်းထွက်ဖို့ အခြေခံအကြောင်း တရားဖြစ်တဲ့ အနည်းဆုံးအခကြေးငွေ သတ်မှတ်ဖို့။ သတ်မှတ်တဲ့နေရာမှာ ဒါကို မပေးနိုင်ဘူးဆိုတာ ဆင်းရဲခိုင်း တာနဲ့သွားတူတယ်။ အဲဒါမျိုးမဖြစ်သင့် ဘူး။ တိုင်းပြည်ရဲ့ အရေးပါတဲ့အပြောင်း အလဲမှာ လုပ်ငန်းရှင်တွေကလည်း တက်တက်ကြွကြွ လက်တွဲပူးပေါင်း ပါဝင်ဖို့လိုပါတယ်။ အလုပ်သမားတွေ ဘက်ကလည်း ငွေကြေးတိုးပေးဖို့ တောင်းဆိုတာ တစ်ခုတည်းမဟုတ် ဘဲနဲ့ လုပ်အားစွမ်းရည်ကို တိုးမြှင့် ပေးဖို့လိုတယ်။ မပေးနိုင်ဘူး။ ပိတ်သိမ်းမယ် ဆိုတာ မပြောဘဲ တေ့တေ့ဆိုင်ဆိုင် တွေ့ဆုံပြီး ဘယ်လို လုပ်ပေးရမလဲ ဆိုတဲ့ နည်းလမ်းကိုသာ ညှိနှိုင်းဆောင်ရွက်ကြပါလို့ ပြောချင်တယ်။

ဦးမောင်မောင်
(မြန်မာနိုင်ငံ အလုပ်သမား သမဂ္ဂများအဖွဲ့ချုပ်ဥက္ကဋ္ဌ- CTUM)

မေး။ ။ အနည်းဆုံး အခကြေးငွေ နှုန်းထား ကျပ် ၃၆ဝဝ ထွက်လာတဲ့ အပေါ် အလုပ်ရှင်တွေဘက်က မပေးနိုင်လို့ ကန့်ကွက်နေတာ ကြားနေရပါတယ်။ အဲဒီအပေါ်မှာ ဘာများ ပြောချင်ပါသလဲ။

ဖြေ။ ။ မပေးနိုင်တဲ့ လူတွေရှိနိုင်ပါတယ်။ ဒါပေမယ့် ကျွန်တော်တို့ ဆွေးနွေးတဲ့ အထဲမှာလည်း ပေးနိုင်တဲ့ အလုပ်ရှင်တွေ ရှိနေပါတယ်။ ပေးမယ် လို့ပြော ထားတဲ့အထဲမှာ မြန်မာနိုင်ငံသား မြန်မာပိုင်တဲ့ စက်ရုံရှိတယ်။ ဂျပန်နိုင်ငံ ကလာပြီး ရင်းနှီးမြှုပ်နှံတဲ့ စက်ရုံရှိတယ်။ ကိုရီးယားကလာတာ ရှိတယ်။ ဟိုနေ့က ပြောတဲ့အထဲမှာ မြန်မာနိုင်ငံသားပိုင်တွေ ပါတယ်။ တရုတ်နိုင်ငံ သားပိုင်၊ ကိုရီးယား နိုင်ငံသားပိုင်တွေပါတယ်။ မပေးနိုင်တဲ့ သူရှိသ လို ပေးနိုင်တဲ့သူရှိပါတယ်။ မပေးနိုင်တဲ့စက်ရုံတွေကြောင့်တော့ လုပ်ငန်း ပျက်မသွားပါဘူးလို့ ပြောချင် ပါတယ်။ အလုပ်ရှင်နဲ့ အလုပ်သမား ဆိုတာ ညှိနှိုင်းလို့ရပါတယ်။ ရန်သူ တွေမဟုတ်ပါဘူး။ အလုပ်ရှင်ရှိမှ အလုပ်သမား ဆိုတာရှိမယ်။ အလုပ် သမားရှိမှလည်း အလုပ်ရှင်ရှိမှာပါ။အလုပ်သမားတွေက အရင်တုန်းကလို လမ်းမပေါ်ထွက်မှာ မဟုတ်ပါဘူး။
ကျွန်တော်တို့တောင်းဆိုတာ ကျပ် ၄ဝဝဝ ဖြစ်ပေမယ့် ကျပ် ၃၆ဝဝ ကို ညှိနှိုင်းတဲ့အခါ နောင်တစ်နှစ်ကြာရင်လည်း ပြန်သုံးသပ်ပြီး ပြင်ဆင်လို့ ရသေးပါလားဆိုတာ ဥပဒေရှိထားပြီး သား။ ဒါကအသေမဟုတ်ဘူးဆိုတာ အလုပ်သမားတွေက နားလည်တယ်။ ကျပ် ၃၆ဝဝ ပေးဖို့ အတင်းငြင်းဆန်တဲ့ အလုပ်ရှင်တွေက နားမလည်လို့ပဲဖြစ် ပါလိမ့်မယ်။ ပြင်ဆင်မှုအပိုင်းမှာ လည်း အားနည်းလို့ဖြစ်ပါလိမ့်မယ်။ ဘာဖြစ်လို့လဲဆိုတော့ အနည်းဆုံး အခကြေးငွေ ကိစ္စက ရက်ပိုင်းအတွင်းလုပ်တာ မဟုတ်ဘူးလေ။
လွန်ခဲ့တဲ့ နှစ်နှစ်လောက်ကတည်းက ကြိမ်ဖန် များစွာဆွေးနွေးပြီးသားပါ။ အခု အဆိုပြုထားတဲ့ အနည်းဆုံး အခကြေးငွေ ကျပ် ၃၆ဝဝ ပေါ်မှာ တချို့ လုပ်ငန်း ရှင်တွေက လွန်ခဲ့တဲ့ နှစ်နှစ် လောက်ကတည်းက ပေးနိုင်ဖို့ပြင်ဆင် ထားကြ တယ်။ မပေးနိုင်လို့ စက်ရုံ ပိတ်မယ်လို့ ပြောတာတော့ မကောင်း ဘူးပေါ့ဗျာ။ ရာခိုင်နှုန်းတော်တော် များများကတော့ မပိတ်ပါဘူး။ သူတို့ရဲ့ ရင်းနှီးမြှုပ်နှံမှုက မနည်းဘူးလေ။

မေး။ ။ အလုပ်ရှင်တွေက အလုပ် သမားတွေကို လစာပေးတဲ့အခါ အခြေခံ လစာကိုမတိုးမြှင့်ဘဲ အခြား ခံစားခွင့်တွေထဲကနေ လစာပေး ချင် နေတာနဲ့ ပတ်သက်ပြီး သုံးသပ်ပေးပါ။

ဖြေ။ ။ လစာနဲ့ ကပ်လျက်တိုင်တွေပါ။ တိုင်တွေဆိုတာ မုန့်ဖိုးပဲပေါ့။အလုပ် ရှင်က သဘောကျရင်ပေး မယ်။ အလုပ်သမားကလည်း သဘော ကျရင် လုပ်မယ်။ မုန့်ဖိုးဆိုတာ အမြဲ မရှိဘူးဆိုတော့ အချိန်ပိုလုပ်ခဆိုတာ မမြဲဘူး။ အချိန်ပိုလုပ်တဲ့အချိန်မှာ ရတဲ့လစာက မူရင်းလစာနီးပါးရှိနေတယ်။ အဲဒါ မဖြစ်သင့်ဘူး။ အလုပ်ရှင် က ပြန်ပြောတယ်။ အချိန်ပိုထွက်တဲ့ နှုန်းက များလို့ ပါလို့။ အချိန်ပိုထွက်တဲ့ နှုန်းများရင် အချိန်ပိုမလုပ်ရင် လစာ မလောက်ဘူး ဆိုတာ ပေါ်လွင်လာတယ်။ အလုပ်ရှင်ကိုမေးချင်တယ်။ ဒီလောက် အချိန်ပိုခေါ်ဖို့လိုလား။တစ်ရက် အလုပ်ချိန်ပြီးမယ့်အလုပ်ကို တွက်ဆပြီး လုပ်လို့မရဘူးလား။ အချိန် ပိုခေါ်တာကို မဖြစ်စေချင်တော့ဘူး။ ဒါတွေကို ပြန်ပြီးပြင်ဆင်ဖို့လိုတယ်။အချိန်ပိုတိုင်တွေကို ဖြုတ်ချဖို့လိုတယ်။ ဒါကြောင့် အခြေခံလစာတစ်ခုတည်း ကိုတိုးမြှင့်ပေးပါလို့တောင်းဆိုချင်တယ်။


ဒေါ်မျိုးမျိုးအေး
(အထည်ချုပ်စက်ရုံကြီးကြပ်ရေးမှူး)

မေး။ ။ အထည်ချုပ်လုပ်ငန်းတွေမှာလုပ်ကိုင်နေတဲ့ အမျိုးသမီးတွေ အတွက် ဒီအဆိုပြုနှုန်းထား ကျပ် ၃၆ဝဝ ဟာ လုံလောက်တဲ့ငွေကြေးလို့ ထင်ပါသလား။

ဖြေ။ ။ အခု ကျပ် ၃၆ဝဝ နှုန်းထားက ပြည့်စုံလုံလောက်မှုတော့ မရှိဘူး။ အတတ်နိုင်ဆုံး လိုက်လျောပြီး လက်ခံ ထားတာပါ။ အနည်းဆုံးတော့ ကျပ် ၄ဝဝဝ ဆိုပြီး တောင်းထားတာပါ။ အခုချိန်ထိတော့ ကျပ် ၄ဝဝဝ က မလျှော့သေးပါဘူး။

မေး။ ။ အထည်ချုပ်လုပ်ငန်းတွေမှာ ခန့်ထားမယ့် အမျိုးသမီးလုပ်သား တွေရဲ့ လုပ်ငန်းအတွက် အဓိက လိုအပ်တာက ဘာများဖြစ်မယ်ထင်ပါသလဲ။

ဖြေ။ ။ အထည်ချုပ် လုပ်ငန်းမှာ လုပ်ကိုင်နေတဲ့အထဲမှာ ဘွဲ့ရအမျိုး သမီးတွေလည်းရှိပါတယ်။ အစ်မ ဆိုလိုချင်တာက စက်ချုပ်ကျွမ်းကျင် ရမယ့်နေရာမှာ စက်လာချုပ်မယ့်သူက လုပ်ငန်းကျွမ်းကျင်ရမှာ ဆိုတော့ အတန်းပညာနဲ့ တိုင်းတာလို့မရဘူး လေ။ အစ်မကဘွဲ့ရ တစ်ယောက်ဖြစ် ပေမယ့် လောလောဆယ်စက်ရုံမှာ ခေါင်းဆောင်ခန့်ထားတဲ့ အမျိုးသမီး လေးနဲ့ အစ်မယှဉ်ပြီးမချုပ်နိုင်ဘူး။ သူ့လိုစက်ချုပ်ပညာ အစ်မ မတတ်ဘူး။ လေ။ ဒီတော့သူ့လုပ်ငန်းမှာ သူက ဆရာပဲ။ ဒီလိုနေရာမျိုးမှာ အတန်း ပညာဘယ်လောက်ပဲရှိရှိ လုပ်ငန်း ကျွမ်းကျင်ရာ တန်ဖိုးကိုမြှင့် တင်ပေး ဖို့လိုအပ်တယ်။ ဘွဲ့ရတွေ၊ Ph.Dတွေ ခန့်ရမယ့် နေရာမဟုတ်ဘူး။ စက်ချုပ် ကျွမ်းကျင်သူကို ခန့်ရမှာ။ ဒီတော့ သင့်တင့်လျောက်ပတ်တဲ့ ငွေကြေး လစာတော့ ပေးရမှာပေါ့။ အဲဒါကိုမှ ဘွဲ့မရလို့၊ ဆယ်တန်းမအောင်လို့ ကျပ် ၂၅ဝဝ တောင် မတန်ဘူးလို့ မပြောပါနဲ့ လက်မခံနိုင်ပါဘူး။

မေး။ ။ လစာတိုးမပေးနိုင်လို့ စက်ရုံ ပိတ်မယ်လို့ ပြောနေကြတဲ့အပေါ်မှာ အလုပ်သမား တစ်ယောက်အနေနဲ့ ဘာများပြောချင်ပါသလဲ။

ဖြေ။ ။ အခုတောင် တချို့စက်ရုံတွေက ကျပ် ၃၆ဝဝနဲ့ ထည့်တွက်ရတော့ မလားဆိုပြီး မေးနေတာတွေရှိပါတယ်။အလုပ်သမားတွေက အလုပ်ရှင်တွေကို မတောင်းဆိုရဘဲ အခုလို တိုးပေး တဲ့ အလုပ်ရှင်ကို သိပ်ချစ်ကြမှာပါ။ အလုပ်သမားတွေ လစာကိုကြည့်ရင် တိုင်တွေကွာနေတာ။ အဲဒါကလည်း အခြေခံလုပ်ခလစာကို မထည့်ချင်တာ။ အချိန်ပိုကြေးဆိုတဲ့ တိုင်တွေကွာနေ တာ။ တကယ်တော့ စကားလုံးလေး တစ်လုံးနဲ့ ရှုပ်နေတာ။ လစာတိုးပေးနိုင် တဲ့ အလုပ်ရှင်တွေရှိပါတယ်။ စက်ရုံပိတ်သိမ်းမယ်ဆိုတဲ့ စက်ရုံ နည်းပါ လိမ့်မယ်။ တော်တော်များများ အလုပ်ရှင်တွေမပိတ်ပါဘူး။ အခု လည်း ပေးနေတဲ့အလုပ်ရှင်တွေ ရှိပါတယ်။ မပေးနိုင်လို့ ပိတ်သွားမယ့် စက်ရုံတွေနေရာမှာ တခြားရင်းနှီး မြှုပ်နှံမှုသစ်တွေဝင်လာမယ်။ သူတို့ ထက် ကောင်းမွန်တဲ့ဖန်တီးမှုတွေ ပေးနိုင်မယ့် အလုပ်ရှင်တွေ ဝင်လာ လိမ့်မယ်လို့ ယုံကြည်ပါတယ်။

 သီသီမင်း 



ပြည်ပရောက် မဲဆန္ဒရှင်များအတွက် လိုအပ်သည့် မဲပြားများ ထပ်ပို့မည်

၂၀၁၅ ရွေးကောက်ပွဲအတွက် ကြိုတင်မဲပေးခွင့် ရရှိခဲ့ပြီး မဲဆန္ဒ လက်မှတ်များ အပြည့်အ၀ မရရှိခဲ့သည့် ပြည်ပရောက် မဲဆန္ဒရှင်များအတွက် လိုအပ်သည့် မဲပြားများကို ပြည်ထောင်စု ရွေးကောက်ပွဲကော်မရှင်က ထပ်မံပေးပို့မည်ဖြစ်ကြောင်း နိုင်ငံခြားရေး ၀န်ကြီးဌာနက အတည်ပြု ပြောကြားသည်။ ကြိုတင် မဲဆန္ဒရှင်များအတွက် လိုအပ်နေသည့် မဲပြားများ ထပ်မံပေးပို့နိုင်ရေးအတွက် နိုင်ငံခြားရေး ၀န်ကြီးဌာနနှင့် ပြည်ထောင်စု ရွေးကောက်ပွဲကော်မရှင်တို့ ယနေ့ အောက်တိုဘာ ၁၉ရက်နေ့ နေ့လည်ပိုင်းက တွေ့ဆုံဆွေးနွေး ညှိနှိုင်း ခဲ့ကြောင်းလည်း သိရသည်။

နိုင်ငံခြားရေးဝန်ကြီးဌာန စီမံကိန်းနှင့်စီမံရေးရာဌာန လက်ထောက်ညွန်ကြားရေးမှူး ဒေါ်ဇင်မာသိန်းက“သံရုံးတချို့က မဲအပြည့် မရခဲ့တဲ့သူတွေ စာရင်းတော့ ပြန်ပို့နေတာ ရှိတယ်။ ဒါကိုကော်မရှင်ကို ပြန်တင်ပြပြီး မဲပြားတွေ အမြန်ဆုံး ပြန်ပို့နိုင်ဖို့ လုပ်နေတယ်။ ဘယ်တော့ပြန်ပို့မလဲ ဆိုတာတော့ ကော်မရှင်ပဲ သိလိမ့်မယ်”ဟု ဧရာဝတီသို့ ပြောသည်။

မဲဆန္ဒလက်မှတ်များ အပြည့်မရရှိသည့် စာရင်းများအား ပြန်လည် ပေးပို့ရာတွင် စင်ကာပူ၊ တောင်ကိုရီးယားနှင့် ဂျပန် နိုင်ငံတို့ရှိ မြန်မာ သံရုံးများက အများဆုံးဖြစ်ကြောင်းလည်း နိုင်ငံခြားရေးဝန်ကြီးဌာနက ပြောသည်။


မြန်မာနိုင်ငံကို ရောက်ရှိနေတဲ့ EU ဥရောပသမဂ္ဂ ရွေးကောက်ပွဲ စောင့်ကြည့်လေ့လာရေးအဖွဲ့ဟာ ရွေးကောက်ပွဲနေ့မှာ ဆောင်ရွက်မယ့် လုပ်ငန်းတွေနဲ့ ပတ်သက်ပြီး ရန်ကုန်မြို့ ဆီဒိုးနားဟိုတယ်မှာ သတင်းစာရှင်းလင်းပွဲ ပြုလုပ်ခဲ့ပါတယ်။






ပြည်ထောင်စု ရွေး ကောက်ပွဲ ကော်မရှင်က ပါတီ များ၊ အရပ်ဘက်အဖွဲ့အစည်းများ နှင့် ထပ်မံတွေ့ဆုံမည်


ပြည်ထောင်စု ရွေး ကောက်ပွဲ ကော်မရှင်က ပါတီ များ၊ အရပ်ဘက်အဖွဲ့အစည်းများ နှင့် ရန်ကုန်မြို့ ပါ့ခ်ရွိုင်ရယ်ဟို တယ်၌ အောက်တိုဘာ ၂၀ ရက် တွင် ထပ်မံတွေ့ဆုံမည် ဖြစ် ကြောင်း သတင်းရရှိသည်။

ကော်မရှင်က အရပ်ဘက် အဖွဲ့အစည်းများ၊ နိုင်ငံရေးပါတီများနှင့်အဆိုပါနေ့တွင် သီးခြားစီတွေ့ဆုံမည် ဖြစ်သည်။ေ က်ာမရှင်သည် ရန်ကုန်မြို့ ပါ့ခ်ရွိုင်ရယ်ဟိုတယ်၌ပင် သြဂုတ်၃၁ ရက် အရပ်ဘက်အဖွဲ့အစည်း များနှင့်လည်းကောင်း၊ စက်တင် ဘာ ၁ ရက်တွင် နိုင်ငံရေးပါတီများ နှင့်လည်းကောင်း တွေ့ဆုံခဲ့ပြီး ယခုတွေ့ဆုံမှုသည် ရွေးကောက် ပွဲ မတိုင်မီ နောက်ဆုံးအကြိမ် တွေ့ဆုံခြင်းဖြစ်ကြောင်း ကော်မ ရှင် ဥက္ကဋ္ဌ ဦးတင်အေးက ပြော ကြားခဲ့သည်။

ယခုအခါ ကော်မရှင်၏ထပ် မံတွေ့ဆုံမှုနှင့်ပတ်သက်၍ ‘‘လို အပ်လို့ ထပ်တွေ့တာပါ’’ဟု ကော်မရှင်အဖွဲ့ဝင် ဦးဝင်းကြည်က ပြောသည်။

___________________________________________________________-

ပြည်ထောင်စုရွေးကောက်ပွဲကော်မရှင်နှင့်နိုင်ငံရေးပါတီများတွေ့ဆုံ






________________________________________________________________


ဆုံးရှုံးခဲ့သည့်မဲများ ပြန်ပေးနိုင်ရန် စင်ကာပူသံရုံးမှ ထောက်ခံစာ ထုတ်ပေးမည်

ကြိုတင်ဆန္ဒမဲပေးခွင့် မရခဲ့သည့် စင်ကာပူနိုင်ငံရောက် မြန်မာနိုင်ငံသားများ အနေနှင့် ရွေးကောက်ပွဲ ကျင်းပမည့်နေ့ရက်၌ နစ်နာခဲ့သည့် ဆန္ဒမဲများ ပြန်ထည့်နိုင်ရန် ထောက်ခံစာများ ထုတ်ပေးသွားမည် ဖြစ်ကြောင်း စင်ကာပူနိုင်ငံရှိ မြန်မာသံရုံးမှ ယနေ့ (အောက်တိုဘာလ ၁၈ ရက်) နေ့စွဲဖြင့် ကြေညာချက်တစ်စောင် ထုတ်ပြန်လိုက်သည်။ အကြောင်း အမျိုးမျိုးကြောင့် ဆန္ဒမဲပေးခွင့် မရရှိခဲ့သည့် သူများ၏ မှတ်တမ်းနှင့် ကိုယ်ရေးတိုင်ကြားစာ များကို စုစည်းထားရှိပြီး ပြည်ထောင်စုရွေးကောက်ပွဲ ကော်မရှင်သို့ ပေးအပ်သွားမည် ဖြစ်ကြောင်း၊ နစ်နာခဲ့သည့် ဆန္ဒမဲများ ပြန်လည်ထည့်ဝင်နိုင်ရန် အတွက် အောက်တိုဘာလ ၂၆ ရက်နေ့မှ စ၍ ထောက်ခံစာများ ထုတ်ပေးသွားမည် ဖြစ်ကြောင်း အဆိုပါ ထုတ်ပြန်ချက်တွင် ဖော်ပြပါရှိသည်။



ရခိုင်ပြည်နယ်အတွင်းရှိ ဌာနဆိုင်ရာဝန်ထမ်းများနှင့် မဲရုံတွင် တာဝန်ထမ်းဆောင်ကြမည့် မဲရုံမှူးများ၊ ဒုမဲရုံမှူးများနှင့် အခြားမဲရုံအဖွဲ့ဝင်များတို့မှာ ယခုလာမည့် ၂၉ ရက်တွင် သက်ဆိုင်ရာ မြို့နယ်၊ ရပ်ကွက်နှင့် ကျေးရွာများရှိ ကော်မရှင်အဖွဲ့ခွဲရုံးများတွင် ကြိုတင်မဲစပေးနိုင်ပြီဖြစ်ကြောင်း သိရသည်။ ကြိုတင်မဲပေးနိုင်သည့် ပုံစံ (၃) မျိုးဖြင့် ခွဲခြားသတ်မှတ်ထားကြောင်း ရခိုင်ပြည်နယ် ရွေးကောက်ပွဲကော်မရှင်အဖွဲ့ခွဲ့မှ အရာရှိ ကိုသူရိန်ထွဋ်က ယခုလိုပြောသည်။ "တပ်မတော်သား ကြိုတင်မဲက အခု ဒီ ၁၆ ရက်နေ့က စနေပါပြီ။ ၂၉ ရက်နေ့ကျတော့ ဌာနဆိုင်ရာတွေ၊ ရွေးကောက်ပွဲမှာပါမယ့် အဖွဲ့ခွဲအဖွဲ့ဝင်တွေ၊ ပြီးရင် မဲရုံအဖွဲ့ဝင်တွေ၊ ၂ ရက် အလိုကျတော့ ၆၊ ၇ ပေါ့နော်။ ဒီမဲဆန္ဒနယ်တွေမှာရှိတဲ့ ကြိုတင်မဲတွေပေါ့။ နာမကျန်းလို့ အိပ်ရာထဲမှာ လဲနေတဲ့သူတွေပေါ့ စပေးလို့ရပြီ။" ဟု ပြောသည်။

ကျောင်းသား၊ ကျောင်းသူများအတွက် ကြိုတင်မဲပေးနိုင်ရန် ယခု ပုံစံ ၁၅ လျှောက်လွှာများအား တက္ကသိုလ်များသို့ ပေးပို့ထားပြီဖြစ်ကြောင်း၊ ကြိုတင်မဲပေးရန် ရရှိလာသည့် မဲစာရင်းများကို သက်ဆိုင်ရာ မြို့နယ်များသို့ လှမ်းအကြောင်းကြားကာ ပေးပို့သွားမည်ဖြစ်ကြောင်း၊ သက်ဆိုင်ရာမြို့နယ်များမှ ပြန်ပြီး ကြိုတင်မဲထုတ်ပေးမှသာ ကျောင်းသားများမှာ ကြိုတင်မဲပေးနိုင်မည်ဖြစ်ကြောင်း ကိုသူရိန်ထွဋ်က ဆိုသည်။

တခြား တိုင်းနှင့်ပြည်နယ်များတွင် စစ်တပ်အတွက် သီးသန့် မဲရုံထားရှိသော်လည်း ရခိုင်ပြည်နယ်တွင် စစ်တပ်အတွက် သီးသန့် မဲရုံထားရှိခြင်းမရှိကြောင်း၊ သို့သော်လည်း စစ်တပ်ထဲတွင် မဲရုံများထားရှိရန် ခွင့်ပြုထားသော်လည်း ရဲဌာနများတွင် ထားရှိရန် ခွင့်မပြုထားကြောင်း၊ ရခိုင်ပြည်နယ်အတွင်း မဲရုံပေါင်း ၂၅၅၀ အသုံးပြုသွားမည်ဖြစ်ကြောင်း သူကပြောသည်။

ရခိုင်ပြည်နယ်အတွင်း ပုံစံ ၃(က) ဖြင့်မဲပေးရန် လျှောက်ထားသူ အရေအတွက် ၃၇၈၅ ဦးရှိကြောင်း ပြည်နယ်ရွေးကောက်ပွဲကော်မရှိအဖွဲ့ခွဲထံမှ သိရသည်။

ရွေးကောက်ပွဲ ဥပဒေအရ ရွေးကောက်ပွဲတွင် မဲဆန္ဒနယ် ပြင်ပရောက်နေသည့် တပ်မတော်သားများနှင့်အတူနေ အိမ်ထောင်စုဝင်များ၊ မဲဆန္ဒနယ်ပြင်ပရောက် နိုင်ငံ့ဝန်ထမ်းများ၊ သင်တန်းသားများ ၊ ကျောင်းသားများ၊ အချုပ်ခံနေရသူများ၊ ဆေးရုံတက် ရောက်နေရသော အတွင်းလူနာများ ကြိုတင်မဲပေးခွင့်ရမည် ဖြစ်သည်။



မြန်မာနယ်စပ်က မဏိပူရပြည်နယ် ၆ လ ညမထွက်ရအမိန့် ထုတ်ပြန်

တိုင်းရင်းသားလက်နက်ကိုင်အဖွဲ့ ၈ ဖွဲ့နဲ့ မြန်မာအစိုးရတို့ ပြီးခဲ့တဲ့ ကြာသပတေးနေ့က အပစ်အခတ်ရပ်စဲရေး သဘောတူလက်မှတ် ရေးထိုးလိုက်တဲ့ ဂယက်ကြောင့် အိန္ဒိယနယ်စပ်ကနေ တချို့စိမ့်ဝင်လာကောင်း လာနိုင်တဲ့အတွက် မြန်မာနဲ့နယ်စပ်ချင်းထိစပ်နေတဲ့ မဏိပူရပြည်နယ်က ခရိုင်သုံးခုက အလျားကီလိုမီတာ ၃၈ဝ တလျှောက်မှာ ၆ လ ညမထွက်ရအမိန့် ထုတ်ပြန်ထားပါတယ်။ အိန္ဒိယစစ်တပ်နဲ့ အာသံရိုင်ဖယ်တပ် အာဏာပိုင်တွေက မေတ္တာရပ်ခံတဲ့အတွက် ညနေ ၅ နာရီက မနက် ၅ ထိ ညမထွက်ရအမိန့် ထုတ်ပြန်တာပါ။ ခရိုင်သုံးခုက တရားသူကြီးတွေက ဆိုင်ရာ နေရာတွေမှာ ညမထွက်ရအမိန့် သီးခြားစီထုတ်ပြန်လိုက်ပြီး နယ်စပ်က ၃ ကီလိုမီတာအကွာမှာ ဘာမှမလှုပ်ရှားဖို့လည်း အမိန့်ထုတ်ပြန်တယ်လို့ အစိုးရတာဝန်ရှိသူတွေက ပြောပါတယ်။ မဏိပူရ ပြည်နယ်နယ်စပ်တလျှောက်မှာချထားတဲ့ အိန္ဒိယစစ်တပ်နဲ့ အာသံရိုင်ဖယ်တပ်တွေဟာ ညဘက်လှုပ်ရှားမှုတွေကို နိုးနိုးကြားကြား စောင့်ကြည့်နေတယ်လို့ တာဝန်ရှိသူတွေက ပြောပါတယ်။



ရွေးကောက်ပွဲအတွက် မြန်မာ-ဘင်္ဂလားဒေ့ရ်ှ နယ်စပ် လုံခြုံရေး တိုးမြှင့်မည်

လာမယ့် နိုဝင်ဘာ ၈ ရက်နေ့မှာကျင်းပမယ့် ရွေးကောက်ပွဲအတွက် မြန်မာ-ဘင်္ဂလားဒေ့ရ်ှ နယ်စပ်တစ်လျှောက်မှာ တပ်မတော်လုံခြုံရေး အင်အားတွေကို တိုးမြှင့်ချထားမှာဖြစ်တယ်လို့ သိရပါတယ်။ ဘင်္ဂလားဒေ့ရ်ှနိုင်ငံနဲ့ထိစပ်နေတဲ့ ရခိုင်ပြည်နယ်နဲ့ ချင်းပြည်နယ် နယ်စပ်တစ်လျှောက်မှာ အခုလ နောက်ဆုံးပတ် မှာ တပ်ရင်း ၁၂ ခုလောက်အထိ တိုးမြှင့်ချထားဖို့ ပြင်ဆင်ထားတယ်လို့ အမည်မဖော်လိုတဲ့ တပ်မတော် အရာရှိတစ်ဦးက RFA ကို ပြောပါတယ်။ေ ရွးကောက်ပွဲ အောင်မြင်အောင်ကျင်းပနိုင်ဖို့နဲ့ ရွေးကောက်ပွဲကာလအတွင်း နယ်စပ်ဒေသတွေကနေ တစ်ဆင့် အဖျက်အမှောင့်သမားတွေ ဝင်ရောက်မလာနိုင်ဖို့အတွက် အခုလို စစ်တပ်နဲ့ လုံခြုံရေး တိုးမြှင့်ဖို့ ပြင်ဆင်ထားတာ လို့လည်း သိရပါတယ်။ တပ်မတော်လုံခြုံရေးတွေကို အခုလ ဒုတိယပတ်အတွင်းကနေ စတင်ပြီးချထားဖို့ စီစဉ်ခဲ့ပေမဲ့၊ ဘင်္ဂလားဒေ့ရ်ှ နိုင်ငံ ဘက်က တင်ပြချက်တွေအရ လုံခြုံရေးတိုးမြှင့်မယ့် အစီအစဉ်ကို အခုလ နောက်ဆုံးပတ်ကို ရွှေ့ဆိုင်းခဲ့ရကြောင်း သိရပါတယ်။




မောင်တောခရိုင်တွင် ရွေးကောက်ပွဲအတွက် လုံခြုံရေးတိုးမြှင့်

မြန်မာနိုင်ငံ အနောက်ဘက်နယ်စပ် မောင်တောခရိုင်ဖြစ်သော ဘူးသီးတောင်မြို့နယ်များနှင့် မောင်တောမြို့နယ်များတွင် ရွေးကောက်ပွဲအတွက် ရည်စူး၍ ယခုအချိန်ကစပြီး ယခင်ထက်ပိုသော လုံခြုံးရေးကို တိုးမြှင့်ဆောင်ရွက်နေကြောင်း ခရိုင်အုပ်ချုပ်ရေးမှူး ဦးခင်မောင်လွင်က ပြောသည်။ "ရွေးကောက်ပွဲအတွက်ကို ရည်စူးပြီး လုံခြုံရေးကို အခုကတည်းကနေ တိုးမြှင့်ချထားပြီးပါပြီ။ ညမထွက်ရအမိန့်ကိုလည်း သက်တမ်းတိုးထားပြီး ည ၁၁ နာရီနဲ့ မနက် ၄ နာရီ သတ်မှတ်ထားပါတယ်။ ရွေးကောက်ပွဲနီးတဲ့ရက်တွေမှာပါ၊ ကျင်းပတဲ့ရက်တွေမှာပါ ဒီအတိုင်းပဲ သွားမှာဖြစ်ပါတယ်။ ထပ်မတိုးတော့ပါဘူး။ အခုကတော့ အားလုံးငြိမ်းငြိမ်းချမ်းချမ်းပါ။ ပြည်ပထက်တောင် အေးချမ်းပါသေးတယ်။ ပြည်ပမှာတောင် လုယက်မှုတွေ၊ ခိုးမှုတွေ ဖြစ်သေးတယ်။ ဒီမှာ လုံးဝမရှိဘူး။ " ဟု ပြောသည်။

မောင်တောခရိုင်တွင် ညမထွက်အမိန့် ပုဒ်မ ၁၄၄ ကို ယခု ဒေသအခြေအနေ အပေါ်မူတည်ပြီး နှစ်လ တစ်ကြိမ် သက်တမ်းတိုးကြောင်း၊ ယခု အောက်တိုဘာလ ၈ ရက်နေ့ကနေ ဒီဇင်ဘာလ ၈ ရက်နေ့ထိ သက်တမ်းထပ်တိုးထား ကြောင်း ခရိုင်အုပ်ချုပ်ရေးမှူး ဦးခင်မောင်လွင်က ဆိုသည်။

ယခုလာမည့် ၂၀၁၅ အထွေထွေ ရွေးကောက်ပွဲကြီးမှာ တရားမျှတသော ရွေးကောက်ပွဲဖြစ်မြောက်ရေးနှင့် စစ်မှန်သော ပါတီစုံဒီမိုကရေစီစနစ် ပေါ်ထွန်းရေးအတွက် ဒီမိုကရေစီဘက်တော်သား များအနေဖြင့် မိမိတို့အချင်းချင်းကြား စိတ်ဝမ်းမကွဲစေရန်၊ အင်အားပြိုကွဲစေမည့် အမျိုးမျိုးသော လူမျိုးရေး၊ ဘာသာရေး၊ မှိုင်းတိုက်မှု၊ ပုဂ္ဂိုလ်ရေးအပုပ်ချမှု၊ လုပ်ကြံဝါဒဖြန့်မှု၊ သွေးထိုးလှုံ့ဆော်မှုများကို သတိထားရှောင်ရှားကြရန် ထိုင်းနိုင်ငံအခြေစိုက် ရခိုင်ပြည်လုံးဆိုင်ရာ ကျောင်းသားနှင့် လူငယ်များအစည်းအရုံး (AASYC) အဖွဲ့မှ အောက်တိုဘာလ ၁၇ ရက်နေ့ တိုက်တွန်းထားကြောင်း သိရသည်။

ရခိုင်ပြည်နယ် လက်ရှိဝန်ကြီးချုပ်သစ် ဦးမြအောင်ကလည်း မကြာမီကျင်းပတော့မည့် ရွေးကောက်ပွဲ၌ ရခိုင်ပြည်နယ်အတွင်း တစ်ဖက်နိုင်ငံက RSO အဖွဲ့က အကြမ်းဖက်တိုက်ခိုက်မည်ကို စိုးရိမ်မိကြောင်း ရခိုင်ပြည်ရှိ မီဒီယာများထံ ပြောကြားထားသည်။

ရလဒ်ကို ငြင်းပယ်ရန် မဲစာရင်းမှားသည်ဟု အကြောင်းပြနေကြောင်း ဦးတင်အေးပြော

၂၀၁၅ ခု၊ နိုဝင်ဘာရွေးကောက်ပွဲအပြီး လိုချင်သည့်ရလဒ်မရပါက ပြည်တွင်း၊ ပြည်ပ ဖိအားကို အသုံးပြု၍ ရလဒ်ကို ငြင်းပယ်ရန် မဲစာရင်းမှားသည်ဟု အကြောင်းပြနေကြောင်း ပြည်ထောင်စုရွေးကောက်ပွဲကော်မရှင် ဥက္ကဌက ပြောသည်။ေ အာက်တိုဘာ ၁၆ ရက်တွင် နေပြည်တော်၌ မြန်မာနိုင်ငံဆိုင်ရာ ဗြိတိန်သံအမတ်ကြီး မစ္စတာအင်ဒရူး ပက်ထရစ်အား ပြန်လည်ဆွေးနွေးရာတွင် ယင်းသို့ 'ယူဆရကြောင်း' ပြောဆိုခြင်းဖြစ်သည်။ ဗြိတိန်သံအမတ်ကြီးက မဲစာရင်းဆောင်ရွက်နေမှု၊ ကြိုတင်မဲပေးခြင်းကိစ္စ၊ မဲဆန္ဒရှင်သက်သေခံလက်မှတ်ထုတ်ပေးခြင်း များနှင့် ပတ်သက်၍ ဆွေးနွေးခဲ့သည်ကို ပြန်လည်ရှင်းလင်း ဆွေးနွေးခြင်းဖြစ်သည်။


ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေးက ဆွေးနွေးရာတွင် ၂၀၁၂ ခု ကြားဖြတ်ရွေးကောက်ပွဲတွင် မဲလက်မှတ်များ ဖယောင်းသုတ်ထားသည်ဟု အကြောင်းပြ ပြဿနာပေါ်ပေါက်ရန် 'ဖန်တီးခဲ့' သည်ဟု စွပ်စွဲပြောဆို သော်လည်း ဖန်တီးသူမည်သူဖြစ်သည်ကိုမူ ထုတ်ဖော်ခြင်း မတွေ့ရပါ။

ကော်မရှင်က မဲစာရင်းအား သတ်မှတ်ရက်တွင်ကပ်၍ ကြေညာပြီး၊ မဲဆန္ဒရှင်များမှာမှ လာရောက်ကြည့်ရှု၍ 'တောင်းခံခြင်း၊ ပယ်ဖျက်ခြင်း၊ ပြင်ဆင်ခြင်း' ပြုလုပ်၍ ပူးပေါင်းဆောင်ရွက် ရမှာဖြစ်သည်ဟုဆိုသည်။ မဲစာရင်းမှန်ကန်ရန် ဆောင်ရွက်ရမည့် လုပ်ငန်းစဉ်တွင် ပူးပေါင်းဆောင်ရွက်မှုမရှိဘဲ အပြစ်တင်ပြောဆိုနေမှုသာရှိသည်ဟု ဗြိတိန်သံအမတ်ကြီးအား ပြောပြသည်။

နိုင်ငံခြားတွင်ရောက်ရှိနေသည့် အစိုးရအသိအမှတ်ပြုခြင်းမခံရသည့် ရွှေ့ပြောင်းအလုပ်သမားများမပါ 'အစိုးရခွင့်ပြုချက် ဖြင့် နိုင်ငံပြင်ပရောက်နေသူများ' ကြိုတင်မဲပေးရာတွင် အခက်အခဲနှင့် အမှားအယွင်းများရှိနေသည့် နိုင်ငံခြားသံရုံးများတွင် ကြိုတင်မဲပေးရန် လုပ်ငန်းစဉ်များကိုလည်း ရှင်းပြသည်။

သက်သေခံလက်မှတ်တစ်ခုခု မပါလျင်လည်း 'မဲဆန္ဒရှင်သက်သေခံလက်မှတ်' ဖြင့် မဲပေးနိုင်မည်ဟု ဆိုလိုက်ပြီး သက်ဆိုင်ရာ ရပ်ကွက်/ ကျေးရွာအုပ်စု ကော်မရှင်အဖွဲ့ခွဲရုံးများတွင် ထုတ်ယူနိုင်သည်ဟု ပြောသည်။

ကော်မရှင်အနေဖြင့် လွတ်လပ်မျှတသော ရွေးကောက်ပွဲဖြစ်စေရန် ဥပဒေနှင့်အညီသာ ဆောင်ရွက်မည်ဟု ဦးတင်အေးက ထပ်မံပြောဆိုသည်။


၁၉၈၈ ခုနှစ်မှ ၂၀၁၅ ခုနှစ် ဇူလိုင်လကုန်အထိ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က ခွင့်ပြုပေးခဲ့သည့် ရင်းနှီးမြှုပ်နှံမှုလုပ်ငန်းများမှ အလုပ်အကိုင်ပေါင်း ခုနစ်သိန်းဝန်းကျင် ဖန်တီးပေးနိုင်ခဲ့ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားသည်။ “မြန်မာနိုင်ငံမှာ အလုပ်အကိုင်အခွင့်အလမ်းနဲ့ ပတ်သက်ရင် ၁၉၈၈ ခုနှစ်ကနေ ၂၀၁၅ ဇူလိုင်လကုန်အထိ ကျွန်တော်တို့ တိုင်းပြည်ထဲမှာ MIC က ခွင့်ပြုပေးလိုက်တဲ့ ရင်းနှီးမြှုပ်နှံမှုတွေကြောင့် အလုပ်အကိုင်တွေ ဘယ်လောက်ရရှိခဲ့လဲဆိုရင် အားလုံး ၆၉၄,၀၇၇ ယောက် ရှိပါတယ်”ဟု မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောကြားသည်။

ယင်းကဲ့သို့ အလုပ်အကိုင်အခွင့်အလမ်း ခုနစ်သိန်းဝန်းကျင် ရရှိမှုကို နှစ်ပိုင်းခွဲ လေ့လာကြည့်ပါက ၁၉၈၈ ခုနှစ်မှ ၂၀၁၁ အထိ လက်ရှိအစိုးရ မတက်ခင်အထိ ၂၃ နှစ် အတွင်း ခွင့်ပြုခဲ့သည့် လုပ်ငန်းများမှ အလုပ်အကိုင်အခွင့်အလမ်း ရရှိမှုမှာ ၃၆၅,၇၅၃ ဦး ရှိခဲ့ကြောင်း သိရသည်။

လက်ရှိအစိုးရလက်ထက် ၂၀၁၁ မှ ၂၀၁၅ ခုနှစ် ဇူလိုင်လကုန်အထိ လေးနှစ်တာကာလအတွင်း ခွင့်ပြုလိုက်သည့် MIC လုပ်ငန်းများမှ အလုပ်အကိုင် အခွင့်အလမ်းပေါင်း ၃၂၈,၃၂၄ ဦး ရရှိခဲ့ကြောင်း သိရသည်။

“ရာခိုင်နှုန်းနဲ့ ပြန်တွက်ကြည့်မယ်ဆိုရင် ယခင်အစိုးရလက်ထက် ၂၃ နှစ်မှာ ၅၄ ရာခိုင်နှုန်း ဖန်တီးပေးနိုင်ခဲ့ပါတယ်။ အခု လေးနှစ်တာ ကာလအတွင်းမှာတော့ ၄၆ ရာ ခိုင်နှုန်း ဖန်တီးနိုင်ခဲ့ပါတယ်”ဟု MIC မှ အတွင်းရေးမှူး ဦးအောင်နိုင်ဦးက ပြောကြားသည်။

“ဒါတွေက Direct employment တွေပါ။ indirect employment ဆိုတာ ရှိပါသေးတယ်။ ဥပမာ စက်ရုံတစ်ရုံပေါ်လာရင် ဒီစက်ရုံမှာရှိတဲ့ အလုပ်သမားတွေအပြင် အလုပ်သမားတွေကို သယ်ပို့ဖို့အတွက် ယာဉ်မောင်းတဲ့ သူတွေ အလုပ်ရတယ်။ စက်ရုံတည်ဆောက်တဲ့အခါမှာ ကျန်တဲ့ ပန်းရန်သမားတွေ အလုပ်ရတယ်။ စက်ရုံမှာ Maintainence လုပ်ပေးတဲ့ အလုပ်သမားတွေ အလုပ်ရတယ်။ ဒါတွေက indirect employment တွေပါ။ Indirect employment ဘယ်လောက်ပေါ်လဲဆိုတာကိုတော့ အတိအကျ စာရင်းကောက်ယူဖို့ သူ့ရဲ့ nature အရ ကောက်ယူဖို့ မလွယ်ပါဘူး”ဟု ၎င်းက ဆက်လက်ပြောကြားသည်။



နီလာ









သတင်းမီဒီယာများမှ ထုတ်လွှင့်ချက်များသည် တိကျမှန်ကန်မှုမရှိဘဲ ဘက်လိုက်သည့်ထုတ်လွှင့်ချက်များဖြစ်ပါက ရွေးကောက်ပွဲ တည်ငြိမ် အေးချမ်းစွာကျင်းပနိုင်ရေးကိုထိခိုက်နိုင်သဖြင့် ကျင့်ဝတ်နှင့် အညီ ရေးသားထုတ်လွှင့်ရန် ပြည်ထောင်စုရွေးကောက်ပွဲကော်မရှင် ထုတ်ပြန်


သတင်း မီဒီယာများမှ ထုတ်လွှင့်ချက်များသည် တိကျမှန်ကန်မှုမရှိဘဲ ဘက်လိုက်သည့် ထုတ်လွှင့်ချက်များဖြစ်ပါ က ရွေးကောက်ပွဲတည်ငြိမ်အေးချမ်းစွာ ကျင်းပနိုင်ရေးကို ထိခိုက်နိုင်သည့်အတွက် မီဒီ ယာကျင့်ဝတ်နှင့်အညီ ရေးသားထုတ် လွှင့်ရန် ပြည်ထောင်စုရွေးကောက်ပွဲ ကော်မရှင်မှ အောက်တိုဘာ၁၈ရက် ရက်စွဲဖြင့် ထုတ်ပြန်ကြေညာလိုက်သည်။ြ ပည်ထောင်စုကြံ့ခိုင်ရေးနှင့်ဖွံ့ ဖြိုးရေးပါတီက ရေဒီယိုနှင့်ပိုက်ဆံများ ပေးပြီး မဲဆွယ်လျက်ရှိကြောင်း၊ မှတ် ပုံတင်နံပါတ်များ တောင်းခံကြောင်း၊ လှိုင်သာ ယာမြို့နယ်နေ ကိုအောင်ဆို သူမှ ရွေးကောက်ပွဲနှင့်ပတ်သက်ပြီး ပြော ဆိုချက်ကို အောက်တိုဘာ ၁၈ရက်တွင် ထုတ်လွှင့်ခဲ့သည့် ဘီဘီစီ(မြန်မာပိုင်း အစီအစဉ်)၏ နံနက်ပိုင်းအစီအစဉ် တွင်ထုတ်လွှင့်ခဲ့ကြောင်း ပြည်ထောင် စုရွေးကောက်ပွဲကော်မရှင်၏ ထုတ် ပြန်ချက်တွင်ဖော်ပြထားသည်။

အဆိုပါရွေးကောက်ပွဲကော်မရှင်၏ ထုတ်ပြန်ချက်တွင် NLD အလံ ထောင်ထားပြီး နဖူးစည်းထားသူအား အခြားပါတီမှ ငွေပေး မဲဆွယ်စည်းရုံး မည်မဟုတ်ဘဲ ငွေပေးစည်းရုံးပါက လည်းသိက္ခာချလို၍ လုပ်ကြံဆောင် ရွက်ချက်သာဖြစ်မည်ဟု ယူဆရကြောင်း၊ အဆိုပါထုတ်လွှင့်ပြောကြားချက်အရ ငွေပေးမဲဆွယ်ပါက ရွေးကောက်ပွဲ ဥပဒေ ၅၈(က)အရ လာဘ်ပေးခြင်း နှင့်ငြိစွန်းပြီး တစ်နှစ်ထက်မပိုသော ထောင်ဒဏ်ဖြစ်စေ၊ ကျပ်တစ်သိန်း ထက်မပိုသောငွေဒဏ်ဖြစ်စေ၊ ဒဏ် နှစ်ရပ်လုံးဖြစ်စေ ချမှတ်ခံရမည်ဖြစ် ကြောင်း ပြည်ထောင်စုရွေးကောက် ပွဲကော်မရှင်၏ ထုတ်ပြန်ချက်တွင်ဖော် ပြထားသည်။

ပြည်ထောင်စုရွေးကောက်ပွဲကော် မရှင်အဖွဲ့ဝင် ဦးသိန်းဦးက ''ဘီဘီစီ ကနေ ထုတ်လွှင့်ချက်ဟာမမျှတတဲ့ ထုတ်လွှင့်ချက်ဖြစ်နေတယ်။ တစ်ဖက် ကိုအကောင်းပြောပြီး တစ်ဖက်ကို မကောင်းဘူး၊ ဇောင်းပေးပြီးပြောရင် မမျှတသလိုဖြစ်နေတယ်။ ကော်မရှင် အနေနဲ့က အားလုံးကို မျှမျှတတဖြစ် စေချင်တယ်။ ပြည်ထောင်စုကြံ့ခိုင်ရေး နဲ့ဖွံ့ဖြိုးရေးပါတီက ဒီကိစ္စနဲ့ပတ်သက် ပြီးတိုင်ကြားလာတာတော့ မရှိပါဘူး။ ကော်မရှင်က မီဒီယာတွေရဲ့ထုတ်လွှင့် ချက်တွေကို နားထောင်နေတာပါ'' ဟုပြောသည်။

ယင်းကဲ့သို့ကော်မရှင်၏ ထုတ် ပြန်ချက်နှင့်ပတ်သက်ပြီး သတင်းစာ ဆရာဖြစ်သူ ဦးမြင့်ကျော်က ''ဒါက သက်ဆိုင်ရာသူ့ပါတီက ဖြေရှင်းတာ သဘာဝကျတယ်။ မှန်တယ်၊ မမှန်တယ် ဆိုတာကို တိုင်မှကော်မရှင်ကသိမှာ လေ။ ပါတီတစ်ခုကလုပ်တယ်၊ မလုပ် ဘူးဆိုတာကိုမသိနိုင်ဘူး။ မီဒီယာက မျက်မြင်သက်သေရဲ့ ပြောကြားချက် ကိုထုတ်လွှင့်တာ။ ဒါကပြောဆိုတင် ပြခွင့်ရှိတယ်။ သူက ကောက်ချက်ချ တာမဟုတ်ဘူး။ ကော်မရှင်ဆိုတာ ဒိုင် လူကြီး၊ မီဒီယာရဲ့တင်ပြချက်က ဘက် မမျှဘူးဆိုရင် သက်ဆိုင်ရာအဖွဲ့အ စည်းတွေက တိုက်ရိုက်ကိုင်တွယ်လိမ့် မယ်။ ကော်မရှင်က ကြားထဲကဝင်ပြီး အာမခံပြောဖို့ အခန်းကဏ္ဍမဟုတ်ဘူး လို့မြင်တယ်''ဟု သုံးသပ်ပြောသည်။

ကော်မရှင်၏ထုတ်ပြန်ချက်တွင် လှိုင်သာယာမြိုနယ်မှ ကိုအောင်ဟု သုံးနှုန်းခဲ့သော်လည်း ဘီဘီစီ မြန်မာ ပိုင်းအစီအစဉ်၏ ထုတ်လွှင့်ချက်တွင် လှိုင်မြို့နယ်မှ ဆိုက်ကားဆရာ ကိုအောင် ဟု ထုတ်လွှင့်ခဲ့ခြင်းဖြစ်သည်။
ဘီဘီစီဝက်ဘ်ဆိုက်တွင် လွှင့် တင်ထားသည့် မြန်မာပိုင်းဆိုင်ရာထုတ် လွှင့်မှုတွင် ''ကျွန်တော်ကတော့ လှိုင် မြို့နယ်မှာနင်းနေတဲ့ ဆိုက်ကားဆရာ ကိုအောင်ပါခင်ဗျ။ အခုလောလော ဆယ်တော့ ဘာမှလုပ်လို့ မရတော့ ပြောင်းလဲဖို့ကို တောင့်တနေတာပေါ့။ ပြောင်းများ ပြောင်းလဲမလားလို့ပေါ့။ မနေ့တုန်းကကြံ့ခိုင်ရေးဘက်က လာ ပြီးတော့ မဲဆွယ်ပါတယ်။ ရေဒီယိုတွေ ပိုက်ဆံတွေပေးပြီးတော့ မဲဆွယ်ပါ တယ်။ ကျွန်တော်တို့ သွားကိုမသွား ကြဘူးခင်ဗျ။ ဆိုက်ကားဆရာတွေအ ကုန်လုံးလိုလိုပဲခင်ဗျ။ လှိုင်မြင့်မိုရ်မှာ ပါခင်ဗျ။ ရေဒီယိုတို့၊ ပိုက်ဆံတို့ ပေး တယ်။ ငါးထောင်ပါခင်ဗျ။ ဒီလိုပဲလိုက် ဝေတယ် ပြောပြီးပေးတယ်ခင်ဗျ။ သွား ယူတဲ့သူတွေကို မှတ်ပုံတင်နံပါတ်တောင်း ပါတယ်ခင်ဗျ။ လိပ်စာတွေတောင်း တယ်ခင်ဗျ။ တချို့ကတော့ လာပြီးမဲ ဆွယ်တယ်လို့ပြောတယ်ခင်ဗျ။ ကျွန် တော်အဝေးကနေပဲ ကြည့်လိုက်တယ်။ မယူပါဘူးခင်ဗျ။ အဲဒီနားမှာရှိတဲ့လူ တွေကိုမေးပြီးတော့ အဲဒီလို အဲဒီလို ပေးတဲ့အကြောင်းကိုပဲ ကြားရတယ် ခင်ဗျ။ တစ်ယောက်တော့ ယူသွား တာတွေ့တယ်။ ကျန်တဲ့သူတွေတော့ ယူမသွားဘူးခင်ဗျ။ သူငယ်ချင်းကတော့ ပေး လို့ယူတယ်ဆိုပြီးတော့ ပြောတယ် ခင်ဗျ။ လာဝေတဲ့သူက ဘယ်သူဆို တာ တော့မသိဘူး။ ကြံ့ခိုင်ရေးကလာဝေ တာပဲသိတယ်ခင်ဗျ။ ကျွန်တော်တို့က NLD ကိုပဲစိတ်ဝင်စားတော့ NLD လွှတ်တော်အမတ်တွေ ကိုပဲ စိတ်ဝင် စားပါတယ်ခင်ဗျ။ ကျွန်တော်တို့ဆိုက် ကားမှာလဲအလံချိတ် ထားတယ်။ တချို့ က တစ်ခါတလေနဖူးမှာစည်းပြီး ဆိုက်ကားနင်းတယ်ခင်ဗျ။ ဆိုက်ကားမှာလဲ ချိတ်ထားတယ်ခင်ဗျ။ ကျွန်တော်တို့က NLD အစိုးရဖွဲ့နိုင်ရင် ပိုပြီးကောင်း လာမယ် မျှော်လင့်ပါတယ်ခင်ဗျ''ဟု ထုတ်လွှင့်ချက် တွင် ဖော်ပြထားသည်။








မြန်မာ့ လက်ရွေးစင် အသင်းနည်းပြချုပ် အဖြစ် ဂျာမန်နည်းပြ ဂတ်ဆီဇီကို ပြောင်းလဲခန့်အပ်


မြန်မာနိုင်ငံ ဘောလုံး အဖွဲ့ချုပ် (MFF) အနေဖြင့် မြန်မာ့ လက်ရွေးစင်အသင်း လာမည့် နိုင်ငံတကာ ပြိုင်ပွဲအသီးသီးတွင် အောင်မြင်မှု ရရှိရေး၊ ပိုမိုကောင်းမွန်သည့် ခြေစွမ်းရရှိရေး၊ ကစားသမားကောင်းများ ပေါ်ထွက် လာရေးတို့အတွက် လက်ရှိနည်းပြ အဗရာမိုဗစ် နေရာတွင် ဖီဖာ ယူ၂၀ ကမ္ဘာ့ဖလား ၀င်ခွင့်ရရှိအောင် စွမ်းဆောင်ပေးခဲ့သည့် ဂျာမန် နည်းပြ ဖရိုင်းဒရစ် ဂတ်စ်ဆီဇီအား ယနေ့ အောက်တိုဘာ ၁၇ ရက်နေ့မှ စတင်ကာ အစားထိုး တာဝန်ပေး ခန့်အပ်လိုက်ပြီ ဖြစ်သည်။

MFF သည် နည်းပြဟောင်း ရာဒီ အဗရာမိုဗစ်ခ်ျအား လစာ(၃)လစာ ပေးအပ်၍ နှစ်ဖက်သဘောတူ စာချုပ်ဖျက်သိမ်း လိုက်ပြီး ဆာဘီးယား ကြံ့ခိုင်ရေး နည်းပြ လူကာ ကိုလည်း လစာ(၂)လစာ ပေးအပ်၍ စာချုပ်ဖျက်သိမ်းခဲ့ပြီးဖြစ်သည်။ မိုဗစ်ခ်ျသည် မြန်မာအသင်းကို ၂၀၁၄ ဖေဖော်ဝါရီမှ စတင်ကာ တာဝန်ယူခဲ့ရာတွင် ပွဲပေါင်း ၂၂ ပွဲကိုင်တွယ်ကြီးကြပ်ခဲ့ရာ နိုင်ပွဲ (၇)ပွဲ၊ သရေ (၄)ပွဲ၊ ရှုံးပွဲ (၁၁)ပွဲ ရလဒ် ထွက်ပေါ်ခဲ့သည်။

JI7A2122
ဂျာမန်နည်းပြ ဂတ်ဆီဇီ တာဝန်ယူမည့် မြန်မာ့လက်ရွေးစင် အသင်းတွင် လက်ထောက်နည်းပြ အဖြစ် ဦးကြည်လွင် (မကွေးအက်ဖ်စီ)မှ ဆက်လက် ပူးပေါင်းတာဝန်ယူ ကိုင်တွယ်သွားမည် ဖြစ်ပြီး ကြံ့ခိုင်ရေး နည်းပြတစ်ဦးကိုလည်း အမြန်ဆုံး ခန့်အပ်သွားရန် စီစဉ်လျက် ရှိသည်။

မြန်မာ့ လက်ရွေးစင် အသင်းသည် နိုဝင်ဘာ ၇ ရက်နေ့ ဒေသစံတော်ချိန် ညနေ (၅း၀၀)နာရီတွင် ဟောင်ကောင်ရှိ မောင်းဂွတ် အားကစားကွင်းတွင် ဟောင်ကောင် လက်ရွေးစင် အသင်းနှင့် နိုင်ငံတကာ ခြေစမ်းပွဲ ယှဉ်ပြိုင် ကစားမည်ဖြစ်ပြီး နိုဝင်ဘာ ၁၂ ရက်နေ့တွင် တောင်ကိုရီးယား လက်ရွေးစင် အသင်းနှင့် ကမ္ဘာ့ဖလား ခြေစစ်ပွဲ ယှဉ်ပြိုင် ကစားမည်ဖြစ်သည်။

အဗရာမိုဗစ် လက်ထက် မြန်မာအသင်း ရလဒ်များ

2014 AFC Challenge Cup (အုပ်စုပြုတ်)

မော်လ်ဒိုက်စ် (၂-၃) မြန်မာ
မြန်မာ (၀-၂) ပါလက်စတိုင်း
ကာဂျစ္စတန် (၁-၀) မြန်မာ

၂၀၁၄ ဖိလစ်ပိုင် ငြိမ်းချမ်းရေးဖလား (ချန်ပီယံ)

မြန်မာ (၄-၁) ပါလက်စတိုင်း
ဖိလစ်ပိုင် (၂-၃) မြန်မာ

၂၀၁၄ ဆူဇူကီးဖလား (ခြေစစ်ပွဲ) အောင်မြင်ခဲ့

မြန်မာ (၀-၀) အရှေ့တီမော
ဘရူနိုင်း (၁-၃) မြန်မာ
ကမ္ဘောဒီးယား (၀-၁) မြန်မာ
မြန်မာ (၂-၁) လာအို

၂၀၁၄ ဆူဇူကီးဖလား (အုပ်စုမှပြုတ်)

မလေးရှား (၀-၀) မြန်မာ
မြန်မာ (၂-၄) စင်ကာပူ
ထိုင်း (၂-၀) မြန်မာ

၂၀၁၈ ကမ္ဘာ့ဖလား ခြေစစ်ပွဲများ

လာအို (၂-၂) မြန်မာ
မြန်မာ (၀-၂) တောင်ကိုရီးယား
ကူဝိတ် (၉-၀) မြန်မာ
မြန်မာ (၀-၂) လက်ဘနွန်
မြန်မာ (၃-၁) လာအို

နိုင်ငံတကာ ခြေစမ်းပွဲများ

ဗီယက်နမ် (၆-၀) မြန်မာ
အင်ဒိုနီးရှား (၂-၁) မြန်မာ
မြန်မာ (၀-၁) ကမ္ဘောဒီးယား
ယူအေအီး (၁-၀) မြန်မာ
မြန်မာ (၁-၁) နယူးဇီလန်






မြန်မာ့ရိုးရာ လက်ဝှေ့အထူးစိန်ခေါ်ပွဲကြီး ကျင်းပမည်





ပထမဆုံး နိုင်ငံတကာအဆင့်မီ စကိတ်ကွင်း သုံးပတ်နှင့် အပြီးဆောက်မည်

ရန်ကုန်မြို့တော် အတွင်းရှိ စကိတ်ဝါသနာရှင် လူငယ်များ အခမဲ့ ဝင်ရောက်နိုင်မည့် ပထမဆုံး နိုင်ငံတကာအဆင့်မီ စကိတ်ကွင်းကို အချိန်သုံးပတ်နှင့် အပြီးတည်ဆောက်မည် ဖြစ်ကြောင်း တာဝန်ယူ တည်ဆောက်မည့် Make Life Skate Life (INGO) အဖွဲ့အစည်းမှ ထုတ်ပြန်ထားသည်။ မြို့တော်စည်ပင်၏ ခွင့်ပြုချက်ဖြင့် ကမာရွတ်မြို့နယ် ဘုရင့်နောင်လမ်းပေါ်ရှိ မြလေးရုံကျောင်း လမ်းကစားကွင်းအတွင်း စတုရန်မီတာ ၃၀၀ အကျယ် ဆောက်လုပ်မည်ဖြစ်ပြီး နိုဝင်ဘာလ ၁၅ ရက်မှ အောက်တိုဘာ ၅ ရက်အတွင်း အပြီးသတ် ဆောက်လုပ်မည်ဖြစ်ကြောင်း၊ ပြည်ပမှ လာရောက်မည့် အင်ဂျင်နီယာများနှင့် ရန်ကုန်မြို့ရှိ စကိတ်အဖွဲ့အစည်းများ ပူးပေါင်း၍ တည်ဆောက်မည်ကြောင်း Make Life Skate Life မှ တာဝန်ရှိသူတစ်ဦးက ပြောကြားသည်။
“စကိတ်ကွင်းရဲ့ အဓိက ရည်ရွယ်ချက်က ရန်ကုန်မြို့မှာရှိနေတဲ့ စကိတ်ဝါသနာ ပါတဲ့ လူငယ်တွေအတွက် လွတ်လပ်မှု ပြည့်ပြည့်ဝဝနဲ့ စကိတ်စီးနိုင်ဖို့ပါ” ဟု ၎င်းက ဆိုသည်။

စကိတ်ကွင်း မရှိသော ရန်ကုန်မြို့တွင် စကိတ်ဝါသနာရှင်များ စုစည်းတွေ့ဆုံကာ အတွေ့အကြုံများ ဖလှယ်နိုင်ခြင်း၊ အန္တရာယ်ကင်းရှင်းစွာ စီးနင်းနိုင်ခြင်း၊ ဝါသနာရှင် အသစ်များလည်း တိုးပွားလာနိုင်ခြင်းကြောင့် ယခုဆောက်မည့် အခမဲ့ စကိတ်ကွင်းအသစ်သည် ဝမ်းသာစရာ သတင်းတစ်ခု ဖြစ်ကြောင်း စကိတ်ဝါသနာရှင်တစ်ဦး ဖြစ်သူ ကိုအာကာဗိုလ်က ပြောကြားသည်။

ယင်းစကိတ်ကွင်း၏ ဆောက်လုပ်ကုန်ကျစရိတ်ကို ငွေကျပ်သိန်း ၂၀၀ ခန့် မှန်းထားပြီး အဆိုပါ ကုန်ကျစရိတ်အတွက် ဂီတဖျော်ဖြေပွဲတစ်ခု ကျင်းပကာ ရန်ပုံငွေ ရှာဖွေသွားမည်ဖြစ်ကြောင်း ၎င်းက ဆက်လက်ပြောကြားသည်။

လက်ရှိ ရန်ကုန်မြို့တွင် စကိတ်စီးနင်းသူ ၁၀၀ ကျော် ရှိကြောင်း အဆိုပါ Make Life Skate Life အဖွဲ့အစည်း၏ စစ်တမ်းကောက်ယူချက် ထုတ်ပြန်ချက်အရ သိရှိရသည်။





စစ်ကိုင်း ငါးထပ်ကြီး ဘု ရား ပွဲ မြန် မာ့ရိုး ရာ လက် ဝှေ့ နောက်ဆုံးနေ့ ပြိုင်ပွဲ ပရိသတ် အထူးစည်ကား


မြန်မာနိုင်ငံရိုးရာ လက်ဝှေ့အဖွဲ့ချုပ်က ကြီးမှူး၍ ပထမတန်း လက်ဝှေ့ကျော်ကြီး စစ်ကိုင်း ကျောင်းသားနှင့် သားကျောင်းသားတို့ စီစဉ်သည့် စစ်ကိုင်းဝေဠုဝန် ငါးထပ်ကြီး ဘုရားပွဲ မြန်မာ့ရိုးရာ လက်ဝှေ့စိန်ခေါ်ပွဲ (စတုတ္ထနေ့)နောက်ဆုံးနေ့ ပွဲစဉ်များကို ယနေ့မွန်းလွဲ ၁နာရီတွင် စစ်ကိုင်းမြို့ အဆိုပါဘုရားဝင်း အောင်မင်္ဂလာ လက်ဝှေ့ရုံ၌ ကျင်းပရာ ပွဲကြည့်ပရိသတ် များဖြင့်အထူး စည်ကားခဲ့သည်။

မြန်မာ့ရိုးရာလက်ဝှေ့မှ သုံးချီစိန်ခေါ်ပွဲများတွင် ငါးမာန်းလေး (မိဘရိပ်)နှင့် ရဲရဲတောက် (မီးသား)၊ မိုက်ခဲ (မီးရထား)နှင့် ဇွဲနိုင် (မြို့သစ်)၊ ငဂျစ်(ချင်းစု) နှင့် ရဲမင်း (မိဘရိပ်) တို့ အလူးအလဲ ပူးတွဲသရေ ရလဒ်ဖြစ်ပေါ်ခဲ့သည်။ ဆိုးတေ (ညောင်ကုန်း) က မိုက်တီး(အုတ်စက်)ကို ဒုတိယ အချီတွင်လည်းကောင်း၊ ရန်နိုင်(မိဘရိပ်)က ဖြိုးအောင် (အုတ်စက်)ကို ဒုတိယအချီတွင် လည်းကောင်း၊ အောင်ဇေယျာ (စစ်ကိုင်း)က ကောလင်း(ကောလင်းမြို့)ကို ဒုတိယ အချီတွင် လည်းကောင်း၊ ကရင်လေး (ရွာထောင်)က ဇွဲသတ်္တိ(မိဘရိပ်)ကို ပထမအချီတွင် လည်းကောင်း အနိုင်ရရှိသည်။

အထူးလေးချီ စိန်ခေါ်ပွဲတွင် ရှိုင်းထက်အောင်(အဖြူရောင် သွေးသစ်)နှင့် အောင်ခဲစော (တိုက်ဂါး- ဘားအံ)တို့ အကျိတ်အနယ် ယှဉ်ပြိုင်ပြီး သရေရလဒ် ထွက်ပေါ် ခဲ့သည်။

အထူးငါးချီ စိန်ခေါ်ပွဲတွင် ကြယ်စင်ဖြိုး(အဖြူ ရောင်သွေးသစ်)နှင့် စောဘဦး(တောင်ကလေး- ကရင်ပြည်နယ်-ဘားအံ)တို့ အလူးအလဲ ပူးတွဲ သရေကျသည်။

ခင်ခင်ဝင်း(ပညာရေး)





၂ဝ၁၅ ခုနှစ် အထွေထွေရွေးကောက်ပွဲတွင် အစိုးရ၏ခွင့်ပြုချက်ဖြင့် နိုင်ငံပြင်ပတွင်ရောက်ရှိနေသူမဲဆန္ဒရှင်များ ကြိုတင်ဆန္ဒမဲပေးခြင်းနှင့်စပ်လျဉ်း၍ အသိပေးကြေညာခြင်း

၁။ ပြည်ထောင်စုရွေးကောက်ပွဲကော်မရှင်သည် သက်ဆိုင်ရာလွှတ်တော်ရွေးကောက်ပွဲဥပဒေပုဒ်မ ၄၇ နှင့်အညီ နိုင်ငံခြားရေးဝန်ကြီးဌာနနှင့် ညှိနှိုင်း၍ အစိုးရ၏ခွင့်ပြုချက်ဖြင့် နိုင်ငံပြင်ပတွင်ရောက်ရှိနေသူများ ကြိုတင်ဆန္ဒမဲပေးနိုင်ရေးအတွက် စီစဉ်ဆောင်ရွက်ခဲ့သည်။

၂။ နိုင်ငံခြားရေးဝန်ကြီးဌာနမှ ပြည်ထောင်စုရွေးကောက်ပွဲကော်မရှင်သို့ ပေးပို့လာသော နိုင်ငံပြင်ပရောက်မဲဆန္ဒရှင်များ၏ ပုံစံ(၁၅)များကို နေရပ် လိပ်စာပါ ရပ်ကွက်/ကျေးရွာအုပ်စု မဲစာရင်းတွင် ပါ/မပါ စိစစ်ရန်အတွက် သက်ဆိုင်ရာ မြို့နယ်ရွေးကောက်ပွဲကော်မရှင်အဖွဲ့ခွဲများသို့ ပေးပို့ပြီး ဥပဒေနှင့်အညီစိစစ်၍ မဲစာရင်းတွင် အမည်ပါဝင်ရေးနှင့် ကြိုတင်ဆန္ဒမဲပေးနိုင်ရေး စီစဉ်ဆောင်ရွက်ခဲ့သည်။

၃။ မဲစာရင်းတွင် အမည်ပါဝင်သူများအား ကြိုတင်ဆန္ဒမဲပေးနိုင်ရေးအတွက် သက်ဆိုင်ရာ တိုင်းဒေသကြီး/ပြည်နယ်များအလိုက် မြို့နယ်ရွေးကောက်ပွဲ ကော်မရှင်အဖွဲ့ခွဲအသီးသီးမှ တာဝန်ရှိသူများကို ပြည်ထောင်စုရွေးကောက်ပွဲကော်မရှင်သို့ ခေါ်ယူဆောင်ရွက်ခဲ့ပါသည်။ မြို့နယ်ရွေးကောက်ပွဲကော်မရှင် အဖွဲ့ခွဲ အသီးသီးမှ တာဝန်ရှိသူများအား မဲလက်မှတ်များနောက်ကျောဘက်တွင် ကော်မရှင်အဖွဲ့ခွဲ၏ တံဆိပ်ရိုက်နှိပ်စေခြင်း၊ တာဝန်ခံထုတ်ပေးသူ၏ အမည်နှင့်လက်မှတ်ရေးထိုးစေခြင်းတို့ကို ဆောင်ရွက်စေခဲ့ပြီး နိုင်ငံခြားရေးဝန်ကြီးဌာနမှတစ်ဆင့် သက်ဆိုင်ရာနိုင်ငံများရှိ သံရုံး၊ အမြဲတမ်းကိုယ်စားလှယ်ရုံးနှင့် ကောင်စစ်ဝန်ရုံးများထံသို့ ဆန္ဒမဲလက်မှတ်များ ပေးပို့ခဲ့ပြီးဖြစ်သည်။

၎။ နိုင်ငံခြားရှိသံရုံးများ အသီးသီးအနေဖြင့်လည်း တစ်နိုင်ငံလုံးရှိ မြို့နယ်အနှံ့မှ လက်ခံရရှိသော မဲလက်မှတ်များအား သက်ဆိုင်ရာမဲဆန္ဒရှင်များသို့ လည်းကောင်း၊ မဲပေးရမည့်လွှတ်တော်များအလိုက် လည်းကောင်း အဆင်ပြေစွာမဲပေးနိုင်ရေးသည် လွန်စွာမှကြီးမားသော လုပ်ငန်းပမာဏဖြစ်သည်။ ရွေးကောက်ပွဲအတွေ့အကြုံနည်းခြင်း၊ သံရုံးများ၌ ဝန်ထမ်းကန့်သတ်ချက်ရှိခြင်းသည် အဆင်ပြေစွာ ဆန္ဒမဲပေးနိုင်ရေး ဆောင်ရွက်ရန်အတွက် သံရုံးအသီးသီး၌ အခက်အခဲရှိမည်ဟု ပြည်ထောင်စုရွေးကောက်ပွဲကော်မရှင်မှ ခံစားနားလည်မိပါကြောင်း၊ ပြည်တွင်း/ပြည်ပရှိမဲဆန္ဒရှင်များအနေဖြင့်လည်း နားလည်ပေးစေလိုပါကြောင်း မေတ္တာရပ်ခံအသိပေးကြေညာအပ်ပါသည်။








ပြည်ပရှိ မြန်မာသံရုံး၊ မြန်မာအမြဲတမ်း ကိုယ်စားလှယ်အဖွဲ့ရုံး၊ မြန်မာကောင်စစ်ဝန် ချုပ်ရုံး များတွင် မြန်မာ နိုင်ငံသားများ ကြိုတင်ဆန္ဒမဲပေးလျက်ရှိ


ပြည်ပရှိ မြန်မာသံရုံး၊ မြန်မာအမြဲတမ်းကိုယ်စားလှယ်အဖွဲ့ရုံး၊ မြန်မာကောင်စစ်ဝန်ချုပ် ရုံးများတွင် ပြည်ပ ရောက်မြန်မာနိုင်ငံသားများ ကြိုတင်ဆန္ဒမဲပေးနိုင်ရန်အတွက် အောက်တိုဘာ(၁၃) ရက်မှ (၂၃)   ရက်အတွင်း သံရုံးများ အလိုက် နေ့ရက်များသတ်မှတ်ပြီး မဲရုံများ ဖွင့်လှစ်ဆောင်ရွက်ပေးလျက်ရှိရာ အောက်တိုဘာ (၁၃) ရက်တွင် အင်ဒိုနီးရှားနိုင်ငံ၊ ဂျကာတာမြို့ရှိ အာဆီယံဆိုင်ရာ မြန်မာအမြဲတမ်းကိုယ်စားလှယ်အဖွဲ့ရုံး၌ (၁၁) ဦး၊ အောက်တိုဘာ (၁၄)ရက်တွင် သြစတြေးလျနိုင်ငံ၊ ကင်ဘာရာမြို့ရှိ မြန်မာသံရုံး၌ (၄၂)ဦး ၊ အောက်တိုဘာ (၁၅)ရက်တွင် သြစတြေးလျနိုင်ငံ၊ ကင်ဘာရာမြို့ရှိ မြန်မာသံရုံး၌ (၆)ဦး၊ တောင်ကိုရီးယားနိုင်ငံ၊ ဆိုးလ်မြို့ရှိ မြန်မာသံရုံး၌ (၄၃)ဦး၊ စင်ကာပူနိုင်ငံ၊ စင်ကာပူမြို့ရှိ မြန်မာသံရုံး၌ (၁၈၉၀)ဦး၊ အစ္စရေးနိုင်ငံ တဲလ်အဗီးမြို့ရှိ မြန်မာ သံရုံး၌ (၃၀) ဦး၊ အောက်တိုဘာ (၁၆)ရက်တွင် ဘရူနိုင်းဒါရူဆလမ်နိုင်ငံ ဘန်ဒါဆရီဘီဂါဝန်မြို့ရှိ မြန်မာ သံရုံး၌ (၁၂၀) ဦး၊ ဂျာမနီနိုင်ငံ ဘာလင်မြို့ရှိ မြန်မာသံရုံး၌ (၁၆)ဦး၊ သြစတြေးလျနိုင်ငံ ကင်ဘာရာမြို့ရှိ မြန်မာ သံရုံး၌ (၇) ဦး၊ သီရိ လင်္ကာနိုင်ငံ  ကိုလံဘိုမြို့ရှိ မြန်မာသံရုံး၌ (၄)ဦး၊ ကူဝိတ်နိုင်ငံ ကူဝိတ်မြို့ရှိ မြန်မာသံရုံး၌ (၈) ဦး၊ တောင်ကိုရီးယားနိုင်ငံ ဆိုးလ်မြို့ရှိ မြန်မာသံရုံး၌ (၈၁)ဦး၊ စင်ကာပူနိုင်ငံ စင်ကာပူမြို့ရှိ မြန်မာသံရုံး၌ (၃၁၅၁) ဦး ၊ အစ္စရေးနိုင်ငံ တဲလ်အဗီးမြို့ရှိ မြန်မာသံရုံး၌ (၁၂၆)ဦး စုစုပေါင်း  (၅၅၃၇) ဦး ကြိုတင် ဆန္ဒမဲများ ပေးခဲ့ ကြသည်။
အောက်တိုဘာ (၁၇)ရက်တွင် ထိုင်းနိုင်ငံ၊ တရုတ်၊ ဂျာမဏီ၊ ဘယ်လ်ဂျီယံ၊ အီဂျစ်၊ သြစတြေးလျ၊ ဘင်္ဂလားဒေ့ရှ်၊ ဗီယက်နမ်၊ ပါကစ္စတန်၊ နီပေါ၊ ကူဝိတ်၊ ဗြိတိန်၊ ဖိလစ်ပိုင်၊ အိန္ဒိယ၊ နော်ဝေ၊ ကနေဒါ၊ ပြင်သစ်၊ တောင်ကိုရီးယား၊ စင်ကာပူ၊ ဂျပန်၊ လာအိုနှင့် အမေရိကန် ပြည်ထောင်စုရှိ မြန်မာသံရုံး (၂၂)ရုံး၊ အမေရိကန် ပြည်ထောင်စု နယူးယောက်မြို့နှင့် ဆွစ်ဇာလန်နိုင်ငံ ဂျီနီဗာမြို့ရှိ မြန်မာအမြဲတမ်း ကိုယ်စားလှယ်အဖွဲ့ရုံး (၂) ရုံး၊  ဟောင်ကောင်မြို့၊ အိန္ဒိယနိုင်ငံ ကော်လ်ကတ္တားမြို့၊ တရုတ်နိုင်ငံ ကူမင်းမြို့နှင့်နန်နင်းမြို့၊ အမေရိကန် ပြည်ထောင်စု  လော့စ်အိန် ဂျယ်လိစ်မြို့နှင့် ထိုင်းနိုင်ငံ ချင်းမိုင်မြို့ရှိ မြန်မာကောင်စစ်ဝန်ချုပ်ရုံး (၆) ရုံးတို့၌ မဲဆန္ဒရှင် (၆၃၆၉) ဦးတို့  လာရောက်၍ ကြိုတင်ဆန္ဒမဲများပေးခဲ့ကြသဖြင့် အောက်တိုဘာ (၁၃)ရက်မှ (၁၇)ရက် အထိ ကြိုတင်ဆန္ဒမဲပေးခဲ့ကြသည့် မဲဆန္ဒရှင်စုစုပေါင်း (၁၁၉၀၆) ဦးရှိကြောင်း သိရသည်။ ကြိုတင် ဆန္ဒမဲလာရောက်ပေးကြသည့် ပြည်ပရောက် မြန်မာနိုင်ငံသားများ အဆင်ပြေ ချောမွေ့စွာ မဲပေးနိုင်ရေးအတွက် မြန်မာသံရုံး၊ မြန်မာအမြဲတမ်း ကိုယ်စားလှယ်အဖွဲ့ရုံး၊ မြန်မာကောင်စစ် ဝန်ချုပ်ရုံးများအနေဖြင့် လိုအပ် သည်များ စနစ်တကျ စီမံဆောင်ရွက်ပေးလျက်ရှိသည်။
နိုင်ငံပြင်ပရောက် ဆန္ဒမဲပေးခွင့်ရှိသူများအနေဖြင့် အကြောင်းအမျိုးမျိုးကြောင့် ကြိုတင် ဆန္ဒမဲပေးခဲ့ခြင်း မရှိဘဲ ရွေးကောက်ပွဲ ကျင်းပသည့်နေ့တွင် မိမိသက်ဆိုင်ရာမဲရုံသို့ ပြန်လည် ရောက်ရှိ ဆန္ဒမဲ ပေးလိုပါက သက်ဆိုင်ရာ မြန်မာသံရုံး၊ မြန်မာအမြဲတမ်းကိုယ်စားလှယ်အဖွဲ့ရုံး၊ မြန်မာကောင်စစ်ဝန်ချုပ်ရုံး အကြီးအမှူးတို့ထံမှ ဆန္ဒမဲ မပေးရ သေးကြောင်း သက်သေခံလက်မှတ်ကိုရယူပြီး သက်ဆိုင်ရာ မဲရုံမှူးထံ တင်ပြ၍ ဆန္ဒမဲပေးနိုင်ကြောင်း သတင်း ရရှိသည်။
MOI



အင်းလေး ဖောင်တော်ဦးဘုရားပွဲ















ရှမ်းပြည်နယ် တောင်ပိုင်း ညောင်ရွှေမြို့နယ် အင်းလေး ဒေသရှိ နှစ်စဉ်ကျင်းပ မြဲဖြစ်တဲ့ ဖောင်တော်ဦး ဘုရားပွဲ ကျင်းပနေပါတယ်။


ဆံတော်ရှင်ကျိုက်ထီးရိုးစေတီတော် ဗုဒ္ဓပူဇနိယပွဲတော်နီးကပ်လာသည်နှင့် အမျှ ဘုရားဖူးများဖြင့် အထူးစည်ကား


မွန် ပြည်နယ် ကျိုက်ထိုမြို့နယ်ရှိ ဆံ တော်ရှင် ကျိုက်ထီးရိုးစေတီတော် မြတ်ကြီး၏ ဗုဒ္ဓပူဇနိယပွဲတော်ဖွင့်ပွဲ ကို လာမည့် သီတင်းကျွတ်လပြည့် နေ့ အောက်တိုဘာ ၂၈ ရက်တွင် ကျင်းပတော့ မည်ဖြစ်ရာ ဆံတော် ရှင်ကျိုက်ထီးရိုးစေတီတော်မြတ်ကြီးအား လာရောက်ဖူးမြော်ကြ သောအနယ်နယ်အရပ်ရပ်မှ ဘုရားဖူးဧည့် သည်များဖြင့် ဘုရားရင်ပြင်တော်ပေါ်တွင် စည်ကားနေပြီဖြစ် ကြောင်း သိရသည်၊၊ ''နှစ်စဉ်နှစ်တိုင်းကတော့ သီတင်း ကျွတ်လပြည့် ဖွင့်ပွဲနေ့ဆို ဘုရားဖူးတွေက ရင်ပြင်တော်အပြည့်ပဲ။ ဖွင့် ပွဲမှာ ပြည်နယ်သံဃာ့ဝန်ဆောင် ဆရာ တော်ကြီးတွေကြွရောက်ပြီးတော့ ဘု ရားအနေကဇာတင်မယ်။ အန္တရာယ် ကင်းပရိတ်တရားတော်တွေကို ရွတ် ဖတ်ပူဇော်မယ်။

မွန်ပြည်နယ်ဝန်ကြီး ချုပ်နဲ့ ပြည်နယ်အစိုးရအဖွဲ့ဝင် ဝန်ကြီးတွေ ဖွင့်ပွဲတက်မယ်။ ဟိုတလော က ကင်မွန်းစခန်းမှာဖြစ်သွားတဲ့ ရေ ကြီးရေလျှံမှုကြောင့် ဘုရားဖူးဧည့်သည် တွေ ကျိုက်ထီးရိုးလာလို့အဆင်ပြေ ပါ့မလားမေးကြတာတွေရှိတယ်။ အခု ရေပြန်ကျသွားပြီ။ တောင်တက်ကား လမ်းလဲကောင်းတယ်။ အခုဆို ဘုရား ဖူးတွေလဲ တော်တော်လာနေကြပြီ။ ဒါကြောင့်မို့ ကျိုက်ထီးရိုးဘုရားလာဖူး ဖို့ အားလုံးအဆင်ပြေမှုရှိပါတယ်''ဟု ကျိုက်ထီးရိုးစေတီတော် ဂေါပကအဖွဲ. ရုံးမှ တာဝန်ရှိသူတစ်ဦးက ပြောသည်၊၊
ကျိုက်ထီးရိုးစေတီတော်မြတ်ကြီး ဘုရားပွဲတော်ဖွင့်ပွဲနေ့တွင် ရိုးရိုးလေး ကုမ္ပဏီမိသားစုက ဘုရားဖူးလာဧည့် သည်များအား စတုဒိသာကျွေးမွေး လှူဒါန်းသွားမည်ဖြစ်သည်။ ညပိုင်း တွင် ဆီမီးတစ်ထောင်၊ ဆီမီးငါးထောင်၊ ဆီမီးကိုးထောင်အဖွဲ့များက ကျိုက် ထီးရိုးဆံတော်ရှင်စေတီတော်မြတ် ကြီးအား ဆီမီးပူဇော်ကြမည်ဖြစ်ပြီး ဝတ်အသင်းအဖွဲ့များက ဓမ္မစကြာ နှင့် ပဋ္ဌာန်းပရိတ်တရားတော်များ ရွတ် ဆိုပွားများကြမည်ဖြစ်ကြောင်း သိရသည်၊၊

''ကျိုက်ထီးရိုးတောင်ပေါ်မှာ မြေ ပြိုတာတွေ မကြာခဏဖြစ်နေတော့ ကျိုက်ထီးရိုးတောင်တက်လမ်းကို စိုးရိမ်နေကြသူတွေရှိတယ်။ ကျိုက် ထီးရိုးတောင်တက်လမ်းကတော့ လမ်း သားကြံ့ခိုင်မှုရှိတယ်။ ဘာမှစိုးရိမ်စ ရာမရှိပါဘူး''ဟု ကျိုက်ထီးရိုးတောင်တက်မော်တော်ယာဉ်ပိုင်ရှင်တစ်ဦး က ပြောသည်၊၊

ကျိုက်ထီးရိုးစေတီတော်မြတ်ကြီး၏ ဘုရားပွဲတော်မှာလာမည့် ၂၀၁၅ ခု နစ် အောက်တိုတာ ၂၈ ရက်မှ ၂၀၁၆ ခုနှစ် ဧပြီလအထိ ခုနစ်လတိုင်တိုင် ကျင်းပမည်ဖြစ်ကြောင်း သိရပြီး မြန်မာနိုင်ငံတွင် ရက်အရှည်ကြာဆုံး ဘုရားပွဲတော် တစ်ခုလည်းဖြစ်ကြောင်း သိရသည်၊၊




ပုဂံဒေသကမ္ဘာ့အမွေအနှစ်စာရင်း တင်သွင်းရေးအတွက် ညှိနှိုင်းဆွေးနွေးပွဲ




ပုဂံဒေသတွင် နိုင်ငံခြားသားများအား ၀န်ဆောင်မှုပေးနေသည့် ရှုခင်းကြည့် မီးပုံးပျံ စီးနင်းခြင်းများကို ရှေးဟောင်း စေတီပုထိုး၊ အဆောက်အအုံများတည်ရှိရာ Monument Zone၏ ပြင်ပ၌သာ ခွင့်ပြုတော့မည်

ပုဂံရှေးဟောင်း ယဉ်ကျေးမှုနယ်မြေအား ကမ္ဘာ့အမွေအနှစ် စာရင်းဝင် ဖြစ်တည်လာရေး ဆောင်ရွက်လျက်ရှိရာ နိုင်ငံခြားသားများအား ၀န်ဆောင်မှု ပေးနေသည့် ရှုခင်းကြည့် မီးပုံးပျံ စီးနင်းခြင်းများကို ရှေးဟောင်းစေတီ၊ ပုထိုး၊ အဆောက်အအုံများတည်ရှိရာ Monument Zoneနှင့် ကင်းလွတ်သည့် နေရာများတွင်သာ ပျံသန်းခွင့် ပြုတော့မည်ဖြစ်ကြောင်း သတင်းရရှိသည်။ ပုဂံရှေးဟောင်း သုတေသန ပြတိုက်တွင် အောက်တိုဘာ ၁၆ ရက်က ယဉ်ကျေးမှု ၀န်ကြီးဌာနမှ ဦးဆောင် ပြုလုပ်သည့် ပုဂံရှေးဟောင်း ယဉ်ကျေးမှုနယ်မြေအား ကမ္ဘာ့ယဉ်ကျေးမှု အမွေအနှစ်စာရင်း ၀င်ရောက်နိုင်ရေး အလုပ်ရုံ ဆွေးနွေးပွဲကျင်းပရာ ယဉ်ကျေးမှု ၀န်ကြီးဌာန၊ ဒုတိယ၀န်ကြီး ဒေါ်စန္ဒာခင်နှင့် တာဝန်ရှိသူများ၊ ရှေးဟောင်း သုတေသန ပညာရှင်များ၊ ဗိသုကာ ပညာရှင်များ၊ ယူနက်စကိုမှ ကျွမ်းကျင် ပညာရှင်များ၊ ဟိုတယ်၊ ခရီးသွားနှင့် ၀န်ဆောင်မှုပိုင်းဆိုင်ရာ လုပ်ငန်းရှင်များ၊ ဒေသခံ အဖွဲ့အစည်းများနှင့် ပုဂံအမွေ အနှစ် ထိန်းသိမ်းစောင့်ရှောက်ရေးအသင်းမှ တာဝန်ရှိသူများ တက်ရောက်ခဲ့ကြောင်း သိရသည်။

“ပုဂံဆိုက်တစ်ခုလုံးကို တင်ဖို့အတွက် ဆွေးနွေးကြတယ်။ ပုဂံကို ကမ္ဘာ့အမွေအနှစ် စာရင်းတင်သွင်းတဲ့အခါ ကွက်တိကွက်ကျား မတင်ဘဲနဲ့ ဆိုက်တစ်ခုလုံးကို တင်ဖို့ ဆုံးဖြတ်တယ်။ နောက်တစ်ခုက ရှုခင်းကြည့် မီပုံးပျံတွေ ပျံသန်းမှုကို ကျွန်တော်တို့ Monument Zoneပြင်ပကနေပဲ ပျံသန်းခွင့်ပြုတော့မယ်”ဟု ရှေးဟောင်း သုတေသနဦးစီးဌာနတွင် ဒုညွှန်ကြားရေးမှူးအဖြစ် တာဝန်ထမ်းဆောင်ခဲ့ဖူးပြီး၊ ယခုအခါ ပုဂံအမွေအနှစ် ထိန်းသိမ်းစောင့်ရှောက်ရေးအသင်း တွဲဖက်အတွင်းရေးမှူးအဖြစ် ဆောင်ရွက်နေသူ ဦးမျိုးညွန့်အောင်က ပြောကြားသည်။

ပုဂံရှေးဟောင်း ယဉ်ကျေးမှုနယ်မြေအား ရှေးဟောင်းစေတီပုထိုး၊ အဆောက်အအုံများ တည်ရှိရာဇုန် Monument Zon ရှေးဟောင်းနယ်မြေဇုန် Ancient Zoneနှင့် ကာကွယ်ထိန်းသိမ်းရေး ဇုန် Prevention Zoneဟူ၍ ပညာရှင်များက သတ်မှတ် ထားရှိသည်။

“အစည်းအဝေးကသုံးရက် ကျင်းပတာပေါ့။ အရင်နေ့တွေကတော့ စာတမ်းဖတ်တာတို့၊ ပုံမှန် ဆွေးနွေးတာတို့လောက်ပဲ။ ဒီနေ့ကတော့ ဘောလုံးတွေ ပျံသန်းမှုကို နေရာသတ်မှတ်တာတို့၊ ကျူးကျော် အိမ်ရာတွေနဲ့ ပတ်သက်တာတွေ ဆွေးနွေး ဆုံးဖြတ်တာတွေ ဆောင်ရွက်ခဲ့ကြတယ်ဟု ပုဂံဇုန်ဧည့် လမ်းညွှန်အသင်းဥက္ကဋ္ဌ ဦးဇော်ဝင်းချိုက ပြောကြားသည်။

အဆိုပါအစည်းအဝေးအား ရှေးဟောင်း သုတေသနပြတိုက်တွင် အောက်တိုဘာ ၁၄ ရက်မှ စတင် ကျင်းပခဲ့ခြင်းဖြစ်ပြီး အောက်တိုဘာ ၁၆ ရက်တွင်မူ ခရီးသွားလုပ်ငန်းအဖွဲ့အစည်းများ၊ ၀န်ဆောင်မှု လုပ်ငန်းလုပ်ကိုင် နေသူများပါ တက်ရောက်ခဲ့သည်။

 ကိုနော် ( ပုဂံ )



(၅၂)ကြိမ်မြောက် ရုပ်ရှင်သက်ကြီးပူဇော်ပွဲ ကျင်းပ




(၅၂)ကြိမ်မြောက် ရုပ်ရှင်သက်ကြီးပူဇော်ပွဲသို့ နာမည်ကြီးရုပ်ရှင်သရုပ်ဆောင်များနှင့် ရုပ်ရှင်လောကသား အားလုံးနီးပါး တက်ရောက်ဂါရ၀ပြုခဲ့ကြောင်း သိရှိရပါသည်။


 “အနုပညာကို တန်ဖိုး ထားကြ ပါ။ တကယ်လည်း လေးလေးစားစား နဲ့ လိုက်စားကြပါ။ ရုပ်ရှင်ကောင်စီ အားလုံးကို မမေ့ကြပါနဲ့။ ဘုရား၊ တ ရား၊ သံဃာ ကို မမေ့ကြပါနဲ့။ အားလုံး ကိုချစ်ပါတယ်”

မြန်မာနိုင်ငံ ရုပ်ရှင် အစည်းအရုံး မှာ ကျင်းပတဲ့ ရုပ်ရှင်သက်ကြီး ပူ ဇော် ကန်တော့ပွဲ မှာ တစ်ခေတ်တစ်ခါ က ရုပ်ရှင် မင်းသမီးကြီး တစ်ဦး ဖြစ်တဲ့ ဒေါ်စံရှားတင် အနေနဲ့ အပူဇော် ခံသက်ကြီး အနုပညာရှင်တစ်ယောက် အဖြစ် တက်ရောက် ခဲ့ပါတယ်။ ဒေါ် စံရှားတင်ရဲ့ ဒီပွဲ အပေါ် ပီတိစကား က “အဘွား အရွယ်တွေဖြစ်နေပြီ ဆိုတော့ ခံစားချက်က ထူးထူးထွေ ထွေတော့ မရှိပါဘူး။ ညီအစ်မတွေ ဆုံကြ လို့ ပျော်ရပါတယ်” လို့ပြောပါ တယ်။ အသက်အရွယ် ရလာတဲ့ အတွက် အနုပညာ အလုပ်တွေ မလုပ် တော့ပေ မယ့် ဒေါ်စံရှားတင် ကို ရုပ် ရှင်လောကရဲ့ ဝါရင့် အနုပညာရှင် တစ်ယောက် အနေနဲ့ ယနေ့ခေတ် မျိုးဆက်သစ် အနုပညာရှင်တွေအ တွက် အမှာ စကားပြောပေးပါ လို့ပြော တဲ့အခါ “အနုပညာကို တန်ဖိုး ထားကြ ပါ။ တကယ်လည်း လေးလေးစားစား နဲ့ လိုက်စားကြပါ။ ရုပ်ရှင်ကောင်စီ အားလုံးကို မမေ့ကြပါနဲ့။ ဘုရား၊ တ ရား၊ သံဃာ ကို မမေ့ကြပါနဲ့။ အားလုံး ကိုချစ်ပါတယ်”လို့ဒေါ်စံရှားတင်က ဆိုပါတယ်။

ရုပ်ရှင်နှစ် (၁ဝဝ) ပြည့်ဖို့ ငါး နှစ်ပဲ လိုတော့တဲ့ အချိန်ကာလတစ်ခု မှာ ဒေါ်စံရှားတင် က အနုပညာသမား အားလုံး အသက်ရာကျော် ရှည်ပြီး ရုပ်ရှင်သက်တမ်းနှစ် (၁ဝဝ) ပြည့်ကို မီကြပါစေလို့ ဆုတောင်းကြောင်း လည်း ဒေါ်စံရှားတင် က ဆက် လက် ပြော ကြားပါ တယ်။ ဒေါ်စံရှားတင်ရဲ့ သရုပ်ဆောင် ဘဝအစကတော့ ဒါရိုက်တာ တင်ညွန့် ရိုက်ကူးတဲ့ “ချစ်မုန်တိုင်း” ဇာတ်ကား မှာပါဝင် သရုပ်ဆောင်ခဲ့ ခြင်းပါ။ သူမ အောင်မြင်ခဲ့တဲ့ ဇာတ် ကားတွေ အနေနဲ့ကတော့ “အတွေ့”၊ “ဆောင်း”၊ “ကညာပျိုနဲ့ဇရာအို”၊ “စိမ်း နဲ့တေဇာ”၊ “စံအိမ်ကိုစိန် နဲ့မွမ်းမယ်” စတဲ့ဇာတ်ကား များဖြစ်ပြီး “ဆောင်း” ဇာတ်ကားနဲ့ အမျိုးသမီး ဇာတ်ဆောင် ဆု၊ “စိမ်းနဲ့တေဇာ” ဇာတ်ကား နဲ့အမျိုး သမီးဇာတ်ပို့ဆု တို့ကိုလည်း ရရှိထား ခဲ့ပါတယ်။ “သမီးသမက် ခမည်းခမက်” ဇာတ်ကား ရိုက်ကူးပြီး ရုပ်ရှင်လောက နဲ့ ကင်းကွာ သွားခဲ့ပေမယ့် ဒီနေ့အထိ ရုပ်ရှင်ကို ချစ်မြတ်နိုးနေဆဲဖြစ်တဲ့ ဒေါ်စံရှားတင် က သရုပ်ဆောင် ဘဝ တုန်းက သူမကို အားပေး ခဲ့တဲ့ ပရိသတ် တွေအတွက် အမှတ်တရစကားကို လည်း “အမေ့ကိုချစ်တဲ့ ပရိသတ်အား လုံးကို တန်ဖိုးထားတယ် ။လေးစား တယ်။ အားလုံး ကျန်းမာချမ်းသာကြပါ စေ”လို့ ပြောခဲ့ပါတယ်။

မျိုးမောင်


မိဘများစောင့်ရှောက်ရေးကူညီမှုအသင်းဒုတိယအကြိမ် နှစ်ပတ်လည်အလှူငွေ လက်ခံပွဲ




အ.ထ.က(၂)လမ်းမတော် အငြိမ်းစားဆရာ/ဆရာမများ ကျန်းမာရေးကူညီစောင့်ရှောက်ရေးအဖွဲ့မှ ကျင်းပပြုလုပ်တဲ့ ကျန်းမာရေးထောက်ပံ့ငွေပေးအပ်ပွဲ




အသက် (၆၅)နှစ်အထက် အငြိမ်းစားပညာရေးဝန်ထမ်းကြီးများအား 
ဒုတိယအကြိမ်ပူဇော်ပွဲ



ရှေးဟောင်းဆင်းတုတော် ၁၀၀ ကျော် မြစ်ကြီးနားတွင် တူးဖော်ရရှိ





မြစ်ကြီးနားမြို့နယ် ဟိုကပ်ကျေးရွာအုပ်စု သာပတောင်းရွာမှာ ရှေးဟောင်းဆင်းတုတော် ၁၀၀ ကျော် အောက်တိုဘာလ ၁၃ ရက်နေ့က တူးဖော်ရရှိထားပါတယ်။ ရွှေစစ်စစ် ဆင်းတုတော် တဆူပါဝင်ပြီး ငွေဆင်းတုများ၊ ကျောက်ဆင်းတုများ၊ မယ်တော်ပုံရုပ်တု၊ ရှေးဟောင်းအုတ်ပြားဟု ယူဆရသောအုတ်ပြားများ တူးဖော်ရရှိထားပါတယ်။ အောက်တိုဘာလ ၁၉ ရက်နေ့အထိ ဆက်လက်တူးဖော်နေဆဲဖြစ်ပါတယ်။ တူးဖော်ရရှိထားတဲ့ ဆင်းတုတော်တွေ ဟိုကပ်ကျေးရွာဘုန်းကြီးကျောင်းမှာ ပင့်ဆောင်ထားပြီး ရွာအလိုက် ပြည်သူ့စစ်တွေက လုံခြုံရေးစောင့်ပေးနေပါတယ်။

 ယမင်းဦး
စကျင်ကျောက်ပြားဖြင့် ရေးထိုးထားသော ပိဋကတ်သုံးပုံ ကျောက်စာသည် ကမ္ဘာ့ပထမဆုံး နှင့် တစ်ခုတည်းသော ဗုဒ္ဓ၏ သမိုင်းမှတ်တမ်း အမွေအနှစ်ဖြစ်ဟု ပြောကြား

မန္တလေးမြို့ ကုသိုလ်တော် ဘုရားဝင်း အတွင်းတွင် ထိန်းသိမ်း ထားရှိသော မင်းတုန်းမင်း၏ လက်ရာ ပိဋကတ် သုံးပုံ ကျောက်စာသည် ဗုဒ္ဓ၏ နှုတ်ကပါဋ္ဌ်တော်၊ ဝိနည်းတော် နှင့် တရားတော် များကို ကျောက်စာ ရေးသား ကျောက်ထက် အက္ခရာတင် ထားသည့် ကမ္ဘာ့ ပထမဆုံးနှင့် တစ်ခုတည်းသော သမိုင်း မှတ်တမ်း အမွေအနှစ် ရှိရာ နေရာတစ်ခု ဖြစ်ကြောင်း သြစတြေးလျ နိုင်ငံ ဆစ်ဒနီ တက္ကသိုလ်မှ ကျောက်စာ ပညာရှင် များ၏ လေ့လာချက်များ အရ သိရသည်။

မင်းတုန်း မင်းတရားကြီး၏ ပိဋကတ်သုံးပုံ ကျောက်စာများ သည် ဗုဒ္ဓဘာသာကို ကမ္ဘာက သိရှိစေရန်၊ ဗုဒ္ဓဘာသာ ပြန့်ပွားမှုသည် အိန္ဒိယနိုင်ငံ၊ သီဟိုဠ်ကျွန်း၊ မြန်မာနိုင်ငံ၊ ထိုင်းနိုင်ငံ တို့သို့ အဆင့်ဆင့် ပြန့်ပွားပြီး အရှေ့တောင် အာရှမှ တစ်ဆင့် ကမ္ဘာသို့ ပျံ့နှံ့ခဲ့မှုကို ဖော်ညွှန်းရာ နေရာတစ်ခု ဖြစ်ကြောင်း၊ မြန်မာလူမျိုး တို့၏ ထူးခြားသော အတွေးအခေါ် အမြော်အမြင် နှင့် နည်းပညာကို ကမ္ဘာသို့ ပြန့်ပွား စေခဲ့ကြောင်း ကျောက်စာ ပညာရှင် Dr. Mark က ပြောပြသည်။
.
''ဒီ နည်းပညာကို အတုယူပြီး ရေးထိုးထားတဲ့ ကျောက်စာတွေ ထိုင်းနိုင်ငံ မှာလဲ လွန်ခဲ့တဲ့ ကိုးနှစ် လောက်ကစပြီး တွေ့ရပါတယ်။ စကျင် ကျောက်ပြား ပေါ်မှာ စာရေးသား နိုင်ခြင်း အတွေးအခေါ် ဟာ မင်းတုန်းမင်းရဲ့ ထူးခြားတဲ့ အတွေးအခေါ် ဖြစ်ပါတယ်''ဟု ၄င်းက ဆက်လက် ပြောပြသည်။
.
ကုသိုလ်တော် ဘုရားရှိ ကျောက်စာ များသည် နှစ်ပေါင်း ၁၅ဝ ကျော် ကြာမြင့်ခဲ့ပြီ ဖြစ်ကြောင်း၊ ကျောက်စာ ရေးထိုးချိန်သည် ဗြိတိသျှတို့က အောက် မြန်မာနိုင်ငံကို သိမ်းပိုက်ပြီး စစ်ဖြစ်ပွား နေသော အချိန် ဖြစ်ကြောင်း၊ စစ်ဖြစ်ပွား နေချိန်၌ မင်းတုန်းမင်း သည် အဆိုပါ ကျောက်စာ များကို အထိမ်းအမှတ် အဖြစ် ပြီးမြောက် အောင်မြင်အောင် ဆောင်ရွက် နိုင်ခဲ့ကြောင်း၊ အဆိုပါ အချက် သည်လည်း မင်းတုန်းမင်း ၏ ထူးခြားသော အချက်တစ်ခု ဖြစ်ကြောင်း ပညာရှင်များက မှတ်ချက်ပြု ပြောပြသည်။
.
အဆိုပါ ကျောက်စာ များသည် ယနေ့တိုင် တည်ရှိ နေခြင်းသည် ကမ္ဘာ့သမိုင်း တွင် ဗုဒ္ဓနှင့် ပတ်သက်သော အမွေအနှစ် များကို ထိန်းသိမ်း ထားရှိသော နေရာ တစ်နေရာ ကို ဖော်ညွှန်း ပြဆိုလျက် ရှိကြောင်း ၊ ဗုဒ္ဓ တရားတော် များအား ကျောက်ထက် အက္ခရာ ရေးထိုး ခြင်းသည် မင်းတုန်းမင်း ၏ ပိဋကတ်သုံးပုံ ကျောက်စာ ၇၂၉ ချပ်မှာ ပထမဆုံး ကျောက်စာများ ဖြစ်ကြောင်း သိရသည်။



(၂၂)ကြိမ်မြောက် ခရိုင်အဆင့် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊အတီး ပြိုင်ပွဲ ကျင်းပ

၂ဝ၁၅ ခုနှစ် (၂၂)ကြိမ်မြောက် မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ ခရိုင်အဆင့်ပြိုင်ပွဲကို စစ်ကိုင်းတိုင်းဒေသကြီး၊ မုံရွာမြို့၊ မုံရွာ ပညာရေးကောလိပ်ခန်းမတွင် အောက်တို ဘာလ(၁၈)ရက်နေ့ နံနက်(၉)နာရီက ကျင်းပရာ စစ်ကိုင်းတိုင်းဒေသကြီးအစိုးရအဖွဲ့ဝင်လူမှုရေးဝန်ကြီး ဒေါက်တာ မြင့်သိန်း၊ မုံရွာခရိုင်စီမံခန့်ခွဲမှုကော်မတီဥက္ကဌ ဦးစောထွန်းဝင်း၊ မုံရွာပညာရေးကောလိပ်မှ ကထိက ဦးခင်မောင်အေးတို့က တက်ရောက်ဖွင့်လှစ်ပေးခဲ့ကြောင်း သိရသည်။

'' မျိုးရိုးစဉ်ဆက်လက်ဆင့်ကမ်း သယ်ဆောင်ထိန်းသိမ်းခဲ့သည့် ရိုးရာယဉ်ကျေးမှု အနုသုခုမပညာရပ် များနှင့် သတင်းအချက်အလက်နည်းပညာပံ့ပိုးမှုကို အခြေခံသည့် အမြင်ဆန်း၊ အကြားဆန်းသည့် ခေတ်ပေါ် အနုပညာရှင်များသည် အပြန်အလှန်လွန်ဆွဲနေတဲ့အချိန်မှာ မျိုးရိုးစဉ်ဆက်လက်ဆင့်ကမ်းသယ်ဆောင် ထိန်းသိမ်းခဲ့ သည့် ရိုးရာယဉ်ကျေးမှုအမွေအနှစ်များ ကွယ်ပျောက်မသွားခြင်းသည် ခေတ်စနစ်ပေါင်းများစွာ တွင်အခြေအနေ ပေါင်းများစွာကို ကြံ့ကြံ့ခံပြီးရိုးရာဓလေ့ထုံးစံများ၊ အနုသုခုမပညာရပ်များကို ဇောင်းပေး ထမ်းတင်ပေးခဲ့သည့် တာဝန်ရှိသူအသီးသီးကြိုးပမ်းအားထုတ်မှု၊ မျိုးဆက်ဟောင်းအနုပညာရှင်များ ဆက်ခံ သင်ယူပွားများခဲ့ကြသည့် မျိုးဆက်သစ်အနုပညာရှင်များကြောင့် ဖြစ်သည်ကိုအသိအမှတ်ပြုရမည် ဖြစ်ပါတယ်၊ ကျွန်တော်တို့လက်ထက် မှာလည်း အခုလို ရိုးရာယဉ်ကျေးမှုအမွေအနှစ်များကို ဆက်လက်ထိန်း သိမ်းတဲ့အနေနဲ့ နိုင်ငံတော်က ဖော်ထုတ်ကျင်းပနေတဲ့အချိန်မှာ မိမိတို့အနေနဲ့လည်း ပါဝင်ဆောင်ရွက်ရမှာ ဖြစ်ပါတယ်''ဟု တာဝန်ရှိသူတစ်ဦးက ပြောသည်။

အဆိုပါ မုံရွာခရိုင်အဆင့်(၂၂)ကြိမ်မြောက် မြန်မာတိုင်းရင်းသားတို့၏ရိုးရာယဉ်ကျေးမှု အဆို၊အက၊ အရေး၊ အတီး ပြိုင်ပွဲတွင် မုံရွာခရိုင်အတွင်းရှိ မုံရွာ၊ အရာတော်၊ ဘုတလင်နှင့် ချောင်းဦးမြို့နယ်အတွင်းမှ ပြိုင်ပွဲဝင် အနုပညာရှင် (၈ဝ)ဦးကျော်တို့ဖြင့် အောက်တိုဘာလ(၁၉)ရက်နေ့အထိ (၂)ရက်ကြာ ကျင်းပသွား မည်ဖြစ်ပြီး၊ ခရိုင်အဆင့်မှ ထူးချွန်အနုပညာရှင်များ ရွေးချယ်ပြီး တိုင်းဒေသကြီးအဆင့်ပြိုင်ပွဲများတွင်ဆက်လက် ယှဉ်ပြိုင်သွားမည်ဖြစ်ကြောင်း သိရသည်။

(ဖိုးချမ်း-မုံရွာ)




မြန်မာ့အမွေအနှစ်၊ ရိုးရာယဉ်ကျေးမှုနှင့် လက်မှုအနုပညာတွေကို ကမ္ဘာကသိအောင်စွမ်းဆောင်သွားမယ်


တရုတ်ပြည်သူ့သမ္မတနိုင်ငံ နန်နင်းမြို့၌ ဒီဇင်ဘာလတွင် ကျင်းပမည့် (၆၅)ကြိမ်မြောက် ကမ္ဘာ့အလှမယ်ပြိုင်ပွဲတွင် မြန်မာ့အမွေအနှစ်၊ ရိုးရာယဉ်ကျေးမှုနှင့် လက်မှုအနုပညာတွေကို ကမ္ဘာကသိအောင် ဖော်ထုတ်စွမ်းဆောင်ပြသသွားမည် ဖြစ်ကြောင်း မြန်မာနိုင်ငံကိုယ်စားပြု သွားရောက်ယှဉ်ပြိုင်မည့် Miss Myanmar World 2015 ပြိုင်ပွဲ၏ သရဖူဆုရှင် အလှမယ်ခင်ရတနာသိန်းမြင့်က ပြောသည်။ ဇူလိုင် ၁၁ ရက် ညပိုင်းကMyanmar Even Park ၌ ကျင်းပ သည့် Miss Myanmar World 2015 ပြိုင်ပွဲမှ winner ဆုရှင်၊Runner Up နှင့် 2nd Runner Up တို့၏ စာနယ်ဇင်းရှင်းလင်းပွဲကို ရန်ကုန်မြို့ ချက်ထရီယံဟိုတယ်၌ ယနေ့ နံနက် ၁ဝ နာရီက ကျင်းပခဲ့ရာ ကျွန်တော် ကျွန်တော်လို့ ပြောတဲ့ အညာသူလေး winner ဆုရှင် ခင်ရတနာသိန်းမြင့်က ယင်းသို့ ပြောကြားခဲ့ခြင်းဖြစ်သည်။

Channel -7 နှင့်ForeverBec-terco တို့ ပူးပေါင်းစီစဉ်သည့် မြန်မာနိုင်ငံမှ ဒုတိယအကြိမ်မြောက် Miss Myanmar World 2015 ပြိုင်ပွဲကြီးကို ဧပြီလမှ စတင်ရွေးချယ် ခဲ့ပြီး နိုင်ငံတစ်ဝန်းမှ လှပျိုဖြူများ လာရောက်ယှဉ်ပြိုင်ခဲ့ရာ နောက်ဆုံးGrand Final ရွေးချယ်ပွဲတွင် အလှမယ်သရဖူ winner ဆုကို မန္တလေးမှ လာရောက်ယှဉ်ပြိုင်သည့် ခါးနံပါတ်-၁ ခင်ရတနာသိန်းမြင့် ကလည်းကောင်း၊ 1st Runner Up ဆုကို ကချင်ပြည်နယ်မှ လာရောက် ယှဉ်ပြိုင်သည့် ခါးနံပါတ်-၁၉ မောရိန်းလုဆန်က လည်းကောင်း၊ 2nd Runner Up ဆုကို ရန်ကုန်မှ နန်းစန္ဒာလှထွန်းက လည်းကောင်း အသီးသီးရရှိခဲ့သည်။

''ကျွန်တော့်အနေနဲ့ ဒီဆုကို ကံ၊ ဥာဏ်၊ ဝီရိယတို့နဲ့ တိုက်ဆိုင်ခဲ့လို့ ရခဲ့တယ်ထင်ပါတယ်။ ပြိုင်ပွဲဝင် တစ်လျှောက်လုံး အခုလို winner ဆုရမယ်လို့လည်း မမျှော်လင့်ထား ပါဘူး။ ဒါပေမယ့် အကောင်းဆုံး ဖြစ်အောင်တော့ အချိန်နဲ့အမျှ ကြိုးစားယှဉ်ပြိုင်ခဲ့ပါတယ်။ ဒါကြောင့် လည်း ရခဲ့တာလို့ ထင်ပါတယ်။ အားလုံး လှကြ၊ တော်ကြတဲ့ထဲမှာ အခုလိုရခဲ့တော့ ကျွန်တော်အလွန်ပဲ ပျော်ပါတယ်။ Organization ကြီးကို လည်း အထူးပဲကျေးဇူးတင်ပါတယ်။ မြန်မာနိုင်ငံ ကိုယ်စားပြုအနေနဲ့ ပြည်ပကိုသွားရောက်ယှဉ်ပြိုင်ရမှာ ဖြစ်တော့ လိုအပ်တာတွေအားလုံး ကျွန်တော် ပြင်ဆင်ရဦးမှာပါ။ အတတ်နိုင်ဆုံး အကောင်းဆုံး ဖြစ်အောင် ကြိုးစားယှဉ်ပြိုင်သွားဖို့ ဆုံးဖြတ်ထားပါတယ်''ဟု မန္တလေး သူလေး winner ဆုရှင် ခင်ရတနာ သိန်းမြင့်က ပြောသည်။

အဆိုပါပြိုင်ပွဲတွင် အလှမယ် သရဖူ winner ဆုရှင်သည် အမေရိကန်ဒေါ်လာ ၄ဝဝဝဝ တန် သရဖူ၊ Air Asia မှ အမေရိကန် ဒေါ်လာ ၁၇၅ဝဝ တန်ဖိုးရှိTicket နှင့်Organization မှငွေကျပ် သိန်း ၁ဝဝ၊ 1st Runner Up ဆုရှင်သည် အမေရိကန်ဒေါ်လာ ၂၁ဝဝဝတန်ဖိုးရှိ သရဖူ၊ Air Asia မှ အမေရိကန်ဒေါ် လာ ၁၅ဝဝ တန်ဖိုးရှိTicket နှင့် Organization မှ ငွေကျပ်သိန်း ၃ဝ၊ 2nd Runner Up ဆုရှင်သည် အမေရိကန်ဒေါ်လာ ၂၁ဝဝဝတန်ဖိုးရှိ သရဖူ၊ Air Asia မှ အမေရိကန် ဒေါ်လာ ၁၅ဝဝ တန်ဖိုးရှိTicket နှင့် Organization မှ ငွေကျပ်သိန်း ၂ဝ တို့ကို အသီးသီးချီးမြှင့်ခဲ့သည်။

တရုတ် ပြည်သူ့သမ္မတနိုင်ငံ နန်နင်းမြို့၌ ဒီဇင်ဘာလတွင် ကျင်းပမည့် ကမ္ဘာ့အလှမယ်ပြိုင်ပွဲကို နိုင်ငံပေါင်း ၁၂၁ နိုင်ငံမှ နိုင်ငံ ကိုယ်စားပြုအလှမယ်များ ဝင်ရောက် ယှဉ်ပြိုင်မည်ဖြစ်သည်။ ယင်းပြိုင်ပွဲ သို့ ဝင်ရောက်ယှဉ်ပြိုင်မည့် မြန်မာ ကိုယ်စားပြု အလှမယ် ခင်ရတနာ သိန်းမြင့်သည် မန္တလေးမြို့ ၇၄ လမ်း၊ ၃၇ လမ်းနှင့် ၃၈ လမ်းကြားတွင် နေထိုင်ပြီး B.A (ဂျာမန်ဘာသာ) ရပ်ဖြင့် ကျောင်းပြီးထားသူဖြစ်သည်။ ကျွန်တော် ကျွန်တော်လို့ ပြောတတ် သည့် သူသည် သရဖူရပြီး ယနေ့မှ စတင်ကာ Organization နှင့်အတူ ဘက်ပေါင်းစုံမှလေ့ကျင့်မှုများ ပြုလုပ် သွားမည်ဖြစ်ပြီး ပြိုင်ပွဲမှရရှိထားသည့် ဆုငွေများကိုလည်း မိခင်အား ကျေးဇူးဆပ်ကန်တော့သွားမည့်အပြင် တောရွာ များတွင်ရှိသည့် ကလေးငယ် များ၏ ပညာရေးပိုင်းဆိုင်ရာ အခက် အခဲများကိုလည်း ပရဟိတလုပ်ငန်း အသွင် ပံ့ပိုးကူညီပေးသွားမည် ဖြစ် ကြောင်း သိရသည်။




သံတွဲမှ တွေ့ရှိသော ရှေးဟောင်း ငွေဒင်္ဂါး ၅ ပြားကိုသက်ဆိုင်ရာသို့ အပ်နှံ



ရခိုင်ပြည်နယ် သံတွဲမြို့နယ် သံပုရာကျေးရွာ အနီးရှိ တောင်ပေါ် ဥယျာဉ်ခြံ တစ်ခုထဲမှ တွေ့ရှိသော ရှေးဟောင်း ငွေဒင်္ဂါး ၅ ပြားကို တွေ့ရှိသူ ဦးနိူင်ကြွယ်မှ သံတွဲခရိုင် ဥက္ကဋ္ဌထံ အပ်နှံလိုက်သည်ဟု သတင်း ရရှိသည်။

ယင်းရှေးဟောင်း ဒင်္ဂါးပြားများကို သံတွဲမြို့နယ်၊ ငပလီမြို့၊ ဂျိတ္တောရပ်ကွက်နေ ဦးနိုင်ကြွယ်မှ ၎င်းပိုင် သံပုရာ ကျေးရွာအနီးရှိ တောင်ပေါ်ဥယာဉ်ထဲရှိ သီဟိုဋ်ပင် ပြိုလဲရာမှ ရရှိခဲ့ခြင်း ဖြစ်သည်ဟု ဦးနိုင်ကြွယ်က နိရဉ္စရာသို့ ပြောဆိုသည်။

“ ကျွန်တော်တွေ့တာက ကျွန်တော်ပိုင်တဲ့ တောင်ပေါ်မှာတွေ့တာပါ။ မိုးကြီးပြီး သီဟိုဋ်ပင်ပြိုလဲရာက အမြစ်ကြား ထဲမှနေ ရှေးက မြုပ်နှံထားတဲ့ ရွှေအိုးကိုတွေ့ရှိပါတယ်။ အထဲမှာ ရှေးဟောင်း ငွေဒင်္ဂါး ၅ ပြား ဘဲ တွေ့တာပါ။ တစ်ခြား ပစ္စည်းတွေကို မတွေ့ပါဘူး။ ရွှေဒင်္ဂါးများ ရရှိတယ်ဆိုပြီး ကောလဟာလ သတင်းတွေ ထွက်ရှိသွားခဲ့တာပါ။ ဒါက လုံးဝ မဟုတ်မှန်ပါ။ အကယ်၍သိုဝှက်ထားခဲ့သည်ရှိသော် သေဒဏ် အထိ အပြစ် ပေးနိုင်ပါတယ်” ဟု ပြောဆိုသည်။

ကိုနိုင်ကြွယ် အပ်နှံသော ရွှေအိုးနှင့် ငွေဒင်္ဂါးများကို ရခိုင်ရှေးဟောင်းသုတေသနဌာနသို့ အပ်နှံပြီးရခိုင်ပြည်နယ် အတွင်း၌ နောင်လာနောက်သားများကြည့်ရှုနိုင်ရန်ထားရှိသင့်ကြောင်း တက်ရောက်လာသူများက ဝိုင်းဝန်း ဆုံးဖြတ် ခဲ့ကြသည်ဟု သိရသည်။

“ ကျွန်တော်က တွေ့ရှိတဲ့ ပစ္စည်းတွေကို နေပြည်တော် ရှေးဟောင်း သုတေသန အဖွဲ့ကို သွားရောက်အပ်နှံဖို့ စီစဉ်ခဲ့တာပါ။ ၂၁ ရက်နေ့ သံတွဲကထွက်မယ်။ ၂၂ ရက်နေ့ နေပြည်တော်မှာ ပစ္စည်း အပ်နှံတဲ့ အခမ်းအနား လုပ်မယ်။ မသမာသူတွေသိသွားရင် လုံခြုံရေး စိတ်မချရလို့ သတင်း ထုတ်ပြန်မှုနဲ့ ဓါတ်ပုံရိုက်တာကို ခွင့်မပြုနိုင်ဘူး။ ၂၂ ရက်နေ့ နေပြည်တော်မှာ ပစ္စည်းအပ်နှံပြီးရင် သတင်းထုတ်ပြန်ပေးမယ်လို့ စီစဉ်ခဲ့တာပါ ” ဟု ကိုနိုင်ကြွယ်က ဆက်လက် ပြောသည်။

ဇသံတွဲမြို့မှ ရခိုင်သမိုင်းသုတေသီ အသျှင် ကောသလ(ဂဝေသီ)မှ ဂျိတ္တောသို့ သွားရောက်ကြည့်ရှု စစ်ဆေးပြီး နိရဉ္စရာသို့ မိန့်ကြားသည်မှာ “ ငွေဒင်္ဂါး ငါးပြားတွေ့ခဲ့ရတယ်။ ရွှေအိုး လို့ ယူဆရတဲ့ အိုးတစ်လုံးလည်း တွေ့ရတယ်။ ရွှေအိုး အစစ်မဟုတ်ဘူး။ လောဟာလို့ခေါ်တဲ့ သတ္တုစပ်အိုးပါ။ ဒင်္ဂါးလက်ရာတွေကတော့ ဝေသာလီခေတ်ဦး ခေတ်က ဒင်္ဂါးတွေဖြစ်တယ်။ အေဒီ ၂ ရာစုလောက်ကပေါ့။ ဒီဒင်္ဂါးတွေကို ရခိုင်ရှေးဟောင်း သုတေသနအဖွဲ့ကိုအပ်နှံသင့်တယ်။ထိုက်သင့်တဲ့တန်ဖိုး ထိုက်ထိုက်တန်တန် ရမှာပါ။ တန်ရာတန်ဖိုးထက် သုံးဆလောက်ပိုရမှာပါ။ ဒါတင်မကရခိုင်သမိုင်းအတွက်ရော ဒွါရာဝတီ သမိုင်း အတွက်ပါ တန်ဖိုး မဖြတ်နိုင်တဲ့ အထောက်အပံ့ကိုဖြစ်စေနိုင်တယ်” ဟု မိန့်ကြားသည်။

အစပိုင်းတွင် ဝေသာလီခေတ်သုံး ရွှေဒင်္ဂါး ၃ ပြားနှင့် ငွေ ဒင်္ဂါး ၈၄ ပြားတွေ့ရှိခဲ့သည်ဟု ကောလဟာလ သတင်းများ ထွက်ပေါ်ခဲ့သည်။

နေဇော်






တူရိယာမျိုးဝင် မြန်မာ့ရိုးရာ ဗုံတို ဗုံရှည်ပြုလုပ်ရောင်းချသူများ ရှိနေ



ကသာခရိုင် အင်းတော်မြို့နယ်၌ တူရိယာမျိုးဝင် မြန်မာ့ရိုးရာ ဗုံတို ဗုံရှည်ပြုလုပ်ရောင်းချသူများ၊ ပွဲလမ်းသဘင်အခမ်းအနားများတွင် အသုံးပြု နိုင်ရန် ပြုလုပ်ရောင်းချလျက်ရှိကြောင်း သိရသည်။ ရှေးမြန်မာမင်းများလက်ထက်ကပင် ဗုံတို ဗုံရှည်၊ စည်တော်များ၊ တူရိယာ၊ နှဲ၊ ပတ္တလားနှင့်စောင်း၊ လင်းကွင်းတို့ကို ပွဲလမ်းသဘင်ဆင်ယင် ကျင်းပရာတွင် သဘင်ပညာရှင်များ တူရိယာသံစဉ်အမျိုးမျိုးပေါင်းစပ်၍ပျော်ရွှင်ကြည်နူးဖွယ် ခေတ်အဆက်ဆက် တီးမှုန်ကခုန်ခဲ့ကြသည်။ ယနေ့ခေတ်ကာလတွင် တိမ်ကောပျောက်ကွယ်မှုမရှိသဖြင့် ပုံသဏ္ဌာန် အရွယ်အစားအမျိုးမျိုးဖြင့် ထုတ်လုပ်ရောင်းချလျက်ရှိသည်။

ယခုခေတ်ကာလတွင် ဗုံတို ဗုံရှည် ပြုလုပ်ရောင်းချသူ ရှားပါးလာ သလို ဗုံပြုလုပ်ရာတွင် သစ်အမျိုးအစားရှားပါးလာခြင်းနှင့် သားရေပစ္စည်း လည်းရှားပါးလာသည်။ ဗုံပြုလုပ်ရာတွင် ဝက်ဝံသား၊ တောင်တမာသား ယမနေသားကို အသုံးပြုသူများကြသည်။ ချင်းတွင်းမြစ်ရိုးတစ်လျှောက် နှင့် ကချင်ပြည်နယ် တောင်တန်းများ၊ ရှမ်းပြည်နယ် မိုးညှင်းနှင့် မိုးကောင်း မှ ရှမ်းတိုင်းရင်းသားများလာရောက်၍ ရှမ်းအိုးစည်အရှည်များကို လာရောက်မှာယူကြသည်။ ဗုံအမျိုးမျိုး ပြုလုပ်တတ်သူနည်းပါးပြီး မန္တလေး ဘက်မှပင် လာရောက်မှာကြားကြသဖြင့် မြန်မာတို့နှစ်သက်လှသော တူရိယာ ဗုံတစ်လုံးကို ငွေကျပ် တစ်သိန်းကျော်မှ သုံးသိန်းခန့်အထိ ရောင်းချ ရသည်။ သို့သော် ဗုံလုပ်ငန်းကို မတိမ်ကော မပျောက်ပျက်အောင် ထိန်းသိမ်း အားပေးမည့်သူမရှိခြင်းကြောင့် မြန်မာ့ဗုံလုပ်ငန်း ကွယ်ပျောက်သွားမည့် အလားအလာများရှိနေသည်။

ငွေအိုး(ကသာ)






နိုင်ငံခြား ခရီးသွား ဧည့်သည်များ နှစ်သက်လာခြင်းကြောင့် ဈေးကွက် တွင်ကျယ်လာသည့် မြန်မာ့လက်မှုလုပ်ငန်း ချင်းပုတီး




အင်ကြင်းကျောက် ဘေးထွက် ပစ္စည်းဖြစ်သော အကာသားများဖြင့် ပြုလုပ်ထားသည့် မြန်မာ့လက်မှု အနုပညာ ချင်းပုတီးများကို နိုင်ငံခြား ခရီးသွား ဧည့်သည်များ နှစ်သက်စွာ ဝယ်ယူနေကြသဖြင့် ဈေးကွက် တွင်ကျယ်လာ ကြောင်း သိရသည်။ ''ချင်းတိုင်းရင်း သားတွေက အဲဒီပုတီးပုံစံကို အရင်က ပယင်းကျောက်တွေနဲ့ ပြုလုပ်ပြီး ဝတ်ဆင်ကြတယ်။ အခုတော့ အင်ကြင်းကျောက်နဲ့ လုပ်ထားတဲ့ ပုတီးက အဲဒီပုတီးနဲ့ ပုံစံတူတော့ ချင်းတိုင်းရင်းသားတွေ အများဆုံး လာဝယ်ကြလို့ ချင်းပုတီးဆိုပြီး အမည်တွင်သွားတယ်။ ချင်းပုတီးကို ဆေးရောင်ခြယ်ရတာ အံ့သြဖို့ ကောင်းတယ်။ ဘာလို့လဲဆိုတော့ အင်ကြင်းကျောက် အပေါ်မှာ ဆေးရောင်ခြယ်လို့ မရဘူး။ ဆေးမစွဲဘူး။ ဒါကြောင့်သူ့ကို ဆေးခြယ်တဲ့ နေရာမှာ မိခင်နို့ရည်ကလွဲပြီး ဘယ်ဟာနဲ့မှ ဆေးခြယ်လို့ မရတာ သူ့ရဲ့ထူးခြားချက်တစ်ခုပါ။ ပြီးတော့ အဲဒီနို့ရည်ကိုလည်း တစ်နှစ်လောက်ကြာအောင် သိမ်းထားပြီးမှ ဆေးခြယ်လို့ရပါတယ်'' ဟု အင်ကြင်းကျောက်ဖြင့် ချင်းပုတီးများ ပြုလုပ်သည့် လုပ်ငန်းလုပ်ကိုင်သူ ကိုမောင်ဇော်က ပြောသည်။

ချင်းပုတီးများကို ယခင်က ပြည်တွင်း၌သာ ဈေးကွက်အနေဖြင့် ချင်းပြည်နယ်သို့ အားထားတင်ပို့ ရောင်းချနေရ သော်လည်း ယခုအခါ ပြည်တွင်းဈေးကွက်၌ ဖန်စီအလှ ပုတီးများအပြင် ကိုးနဝင်း၊ ဂုဏ်တော်၊ ကိုးလုံးပုတီးနှင့် စိပ်ပုတီးစသည့် ဘာသာရေး ပုတီးများအထိ ပြုလုပ်ရောင်းချကာ နိုင်ငံခြားခရီးသွား ဧည့်သည်များမှလည်း အမှတ် တရအဖြစ် ဝယ်ယူမှု များပြားလာသည်။

ထို့အပြင် ချင်းပုတီးများ ထုတ်လုပ်ရာ မြင်းခြံခရိုင် နွားထိုးကြီး မြို့နယ်မှ ချင်းပုတီးများကို နိုင်ငံခြား ခရီးသွား ဧည့်သည်များ အများဆုံး လာရောက် လည်ပတ်သည့် ပုဂံ၊ ညောင်ဦး၊ မန္တလေး၊ ပြင်ဦးလွင်၊ တောင်ကြီး၊ အင်းလေးနှင့် ရန်ကုန်စသည့် ဈေးကွက်များသို့ အဓိက တင်ပို့ရောင်းချမှုများ ပြုလုပ်နေရကြောင်း၊ ချင်းပုတီးများ သည် ဝယ်လိုအားများပြားပြီး ဈေးကွက် သွက်နေသောကြောင့် နွားထိုးကြီး မြို့နယ်အတွင်းရှိ ဒေသခံ ပြည်သူများ အနေဖြင့် အလုပ်အကိုင် အခွင့်အလမ်းများ တိုးတက်လာပြီး လုပ်ခဝင်ငွေများ ရရှိကာ အဆင်ပြေနေကြောင်း သိရသည်။


မြန်မာ့ ထန်းလျက်ခဲများကို Tree Food အမည်နှင့် အသွင်ပြောင်းထုတ်လုပ်