မလေးရှားရောက် မြန်မာတစ်ဦး ထပ်မံသတ်ဖြတ်ခံရ
၈၈ လူထုအုံကြွမှု အရေးတော်ပုံမှာ ပါဝင်ခဲ့ပြီးနောက်ပိုင်း မလေးရှားနိုင်ငံ ကွာလာလမ်ပူမြို့ကို ရောက်ရှိနေတဲ့ မြန်မာ့အရေးလှုပ်ရှားသူ ကိုအောင်ကြီးဟာ အင်္ဂါနေ့ ပြီးခဲ့တဲ့ ဖေဖေါ်ဝါရီလ ၄ ရက်နေ့က သတ်ဖြတ်ခံခဲ့ရပါတယ်။
မော်တော်ကားရောင်းဖို့ တယ်လီဖုန်းနဲ့ ဆက်သွယ်ပြောဆိုသူတစ်ဦးကို တွေ့ဖို့သွားရောက်စဉ် အခုလိုသတ်ဖြတ်ခံရတယ်လို့ ယူဆကြောင်း မြို့ခံမြန်မာတွေကပြောပါတယ်။ သက်ဆိုင်ရာရဲ့ စစ်ဆေးချက်အရ တစုံတယောက်က ဝက်အူလှည့်လို ချွန်ထက်သော ပစ္စည်းတခုနဲ့ ထိုးသွားတဲ့ ဒဏ်ရာကိုတွေ့ရတယ်လို့ ဆိုပါတယ်။ သူ့ကို သတ်ဖြတ်ဖို့ ကြံစီနေသူတွေရှိကြောင်း ကိုအောင်ကြီးက ပြီးခဲ့တဲ့ လအနည်းငယ်ကပဲ RFA ကိုပြောခဲ့ဖူးပါတယ်။
သူ့ရဲ့ဈာပနကို ဒီကနေ့ စနေနေ့ ကျင်းပမှာဖြစ်ပါတယ်။
RFA
