ရခိုင်ပြည်နယ်သတင်း

ဦးမောင်မောင်အုန်းက “ရခိုင် အက်ရှင်ပလန်မှာ ဘယ်နေရာက ၀င်ပါရမလဲ။ သူတို့ကူညီရမယ့်နေရာက ကူညီဖို့အဆင်သင့်လို့ဆိုတယ်၊ ကျွန်တော်တို့ ပြည်သူတွေ အနေနဲ့လည်း နိုင်ငံတကာနဲ့ ဆက်ဆံတဲ့အခါမှာ ပါးနပ်ဖို့၊ မကြိုက်ရင်တောင် ဘောင်အတွင်းက ဆန့်ကျင်ဖို့လိုတယ်။ မဟုတ်ရင် ကျွန်တော်တို့ ရခိုင်ပြည် နယ် ပုံရိပ်ထိခိုက်ပြီးရသင့်တဲ့ အခွင့်အရေးတွေဆုံးရှုံးမယ်” ဟု သတိပေးပြောကြားလိုက်သည်။

ရခိုင်ပြည်နယ်စစ်တွေ မြို့တွင် နိုင်ငံတကာ အကူအညီပေးရေးအဖွဲ့များ တိုက်ခိုက်ခံရခြင်းနှင့် ပတ်သက်၍ နိုင်ငံတကာ အမြင်တွင် ရခိုင်ပြည်နယ်၏ ပုံရိပ်ပျက်ယွင်းခဲ့ရသည်ဟုလည်း ၎င်းပြောသည်။

နယ်စည်းမထား ဆရာဝန်များအဖွဲ့ (MSF) ထွက်ခွာသွားရန် ဦးဆောင်ဆန္ဒထုတ်ဖော်ခဲ့သူ ရခိုင်အမျိုးသမီး ကွန်ရက် ဥက္ကဋ္ဌ ဒေါ်ညိုအေးက “ကျွန်မတို့က ရန်လိုနေတာမဟုတ်ဘူး၊ ကူညီမယ့်သူတွေဆိုတာ ပွင့်လင်းမြင်သာစွာနဲ့မျှတစွာ ကူညီရင် ဒါတွေဖြစ်စရာမလိုဘူး” ဟု ဆိုသည်။

ရခိုင်ပြည်နယ် စစ်တွေမြို့တွင် ၂၀၁၄ ခုနှစ် မတ်လအတွင်းက မာတေဇာ အမည်ရှိ နိုင်ငံတကာ အကူအညီပေးရေး အဖွဲ့တစ်ခုက သာသနာ့ အလံဖြုတ်ယူမှုနှင့် ပတ်သက်ပြီး စစ်တွေလူထုနှင့် အကူအညီပေးရေးအဖွဲ့များကြား အဆင်မပြေမှုများ ဖြစ်ပွားခဲ့သည်။ 

ကေဇူး

ရန်ကုန် (မဇ္ဈိမ)

ပြည်နယ်အတွင်း ၁၉၈၂ ခုနှစ်၊ နိုင်ငံသား ဥပဒေဖြင့် ဘင်္ဂါလီများကို စိစစ်နေမှု ရပ်နားထားမည်ဟု ဝန်ကြီးချုပ် ဦးမောင်မောင်အုန်းက ထုတ်ဖော်ပြောဆိုလိုက်သည်။

မြေပုံမြို့နယ်အတွင်း စိစစ်ရာတွင် လုပ်ထုံးလုပ်နည်းနှင့် မညီဘဲ ခွင့်ပြုမှုများရှိနေသည်ဟု ရခိုင်တိုင်းရင်းသားတို့ အောက်တိုဘာလ ၁၉ ရက်က ကြေညာချက် ထုတ်ပြန်ပြီးနောက် ယင်းသို့ ဆုံးဖြတ်လိုက်ခြင်း ဖြစ်သည်။

အောက်တိုဘာလ ၂၄ ရက်က စစ်တွေမြို့တွင် ဝန်ကြီးချုပ်နှင့် မြို့မိမြို့ဖများ တွေ့ဆုံစဉ် ယင်းသို့ အသိပေးခြင်းဖြစ်သည်ဟု စစ်တွေမြို့နေ ဦးသန်းထွန်းက ပြောသည်။

"ဆွေးနွေးပွဲအဓိက အကြောင်းအရာကတော့ ၈၂ ခုနှစ်ဥပဒေအရ နိုင်ငံသားစိစစ်မှုကို ရပ်နားထားမယ်။ အချိန်တစ်ခုအထိပေါ့" ဟု ဦးသန်းထွန်းက ဆိုသည်။

ပြီးခဲ့သော လပိုင်းအတွင်းက မြေပုံမြို့နယ်တွင် နိုင်ငံသားဖြစ်ခွင့် စိစစ်ခဲ့ရာ ၅၇ ဦး နိုင်ငံသားဖြစ်ခွင့်ရခြင်းအပေါ် ပြည်နယ်အစိုးရက ပြန်လည် စိစစ်ရန်ရှိသည်ဟု  ဦးသန်းထွန်းက ပြောသည်။

  မင်းအောင်ခိုင်

ရန်ကုန် (မဇ္ဈိမ)