စာနယ်ဇင်းကောင်စီအဖွဲ့နှင့် ကာကွယ်ရေးဦးစီးချုပ်တို့ နေပြည်တော်၌ တွေ့ဆုံဆွေးနွေးမည်
နေပြည်တော် လွှတ်တော်ဝင်းအတွင်းမှာရှိတဲ့ ဇမ္ဗူသီရိ ခန်းမဆောင်မှာ ပြည်သူ့လွှတ်တော်ဥက္ကဌ ဦးရွှေမန်းနဲ့ စာနယ်ဇင်းကောင်စီ(ယာယီ)တို့ သြဂုတ်လ ၂ဝ ရက်နေ့ က တွေ့ဆုံခဲ့စဉ် Photo: Win Naung Toe/RFA
တပ်မတော်နဲ့ သတင်းမီဒီယာတွေရဲ့ ဆက်ဆံရေး တိုးမြင့်နိုင်ရေးအတွက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် နဲ့ မြန်မာနိုင်ငံ စာနယ်ဇင်းကောင်စီ (ယာယီ)အဖွဲ့ တို့ အောက်တိုဘာ ၁၄ ရက်နေ့ နေပြည်တော်မှာ တွေ့ဆုံကြမယ်လို့ သိရပါတယ်။
တပ်မတော် ကာကွယ်ရေးဦးစီးချုပ်နဲ့ စာနယ်ဇင်းကောင် စီတို့ သီးသန့်တွေ့ဆုံမှုဟာ ဒါ ပထမဆုံးအကြိမ်ဖြစ် ပါတယ်။
ဒီတွေ့ဆုံပွဲမှာ တပ်မတော်နဲ့ မီဒီယာရဲ့ လက်ရှိ ဆက်ဆံရေးအခြေအနေနဲ့ တပ်မတော်ဆိုင်ရာ သတင်းတွေအတွက် သတင်းထုတ်ပြန်ရေးဌာန ထားရှိရေးကိစ္စကို ကာကွယ်ရေးဦးစီးချုပ်ကို အဓိကထား တင်ပြမှာဖြစ်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) အဖွဲ့ဝင် ဦးဇော်သက်ထွေးက ပြောပါတယ်။
ပြီးခဲ့တဲ့ အောက်တိုဘာ ၄ ရက်နေ့ ၅ ရက်နေ့က နေပြည်တော်မှာ မီဒီယာနဲ့ အုပ်ချုပ်ရေး၊ တရားစီရင်ရေးနဲ့ ဥပဒေပြုရေး မဏ္ဍိုင်သုံးရပ် တွေ့ဆုံပွဲ ပြုလုပ်ခဲ့ပါတယ်။
RFA
