ငြိမ်းချမ်းရေးနှင့် ၂၀၁၅ ရွေးကောက်ပွဲအတွက် ပါတီများ၊ တိုင်းရင်းသားများနှင့် သမ္မတ တွေ့ဆုံ

(ဓာတ်ပုံ - ဟောင်ဆာ (ရာမည)၊ မဇ္ဈိမ)

တွေ့ဆုံဆွေးနွေးရန် နိုင်ငံတော်သမ်္မတရုံးက ဖိတ်ကြားထားခြင်းဖြစ်ပြီး ဖိတ်ကြားစာတွင် ဒီမိုကရေစီ အသွင်ကူးပြောင်းရေးနှင့် ပြုပြင်ပြောင်း လဲရေးများ ဆက်လက်ဖြစ်ထွန်းစေရေး၊ ငြိမ်းချမ်းရေးနှင့် ၂၀၁၅ ရွေးကောက်ပွဲကို လွတ်လပ်ပြီး မျှတသည့်ရွေးကောက်ပွဲ ဖြစ်ရေးနှင့် ညင်သာစွာ အသွင်ကူးပြောင်းရေး ခေါင်းစဉ်ဖြင့် တွေ့ဆုံဆွေးနွေးရန် ဖြစ်သည်ဟု ဆိုသည်။

ပြည်ထောင်စုလွှတ်တော်က ခြောက်ပွင့်ဆိုင်တွေ့ ဆုံဆွေးနွေးရန် တိုက်တွန်းထားသော်လည်း သမ္မတက ယခုကဲ့သို့ စီစဉ် လိုက်ခြင်းဖြစ်သည်။ တွေ့ဆုံဆွေးနွေးပွဲသို့ ဖိတ်ကြားထားသူ အရေအတွက်ကို “ကျွန်တော် တို့ဘက်ကတော့ အဲ့ဒါကို သတင်း မထုတ်ခိုင်းဘူး။ အဲ့ဒါနဲ့ ပတ်သက်လို့ No Comment ပါ” ဟု သမ္မတရုံး တာဝန်ရှိသူတစ်ဦးက ငြင်းဆိုလိုက်ပြီး မဇ္ဈိမ၏ မေးမြန်းချက်အရ ဖိတ်ကြားထားသူများတွင် နိုင်ငံရေးပါတီ ခေါင်းဆောင်အချို့နှင့် တိုင်းရင်းသားရေးရာဝန်ကြီးများ ပါဝင်သည်။

မြန်မာနိုင်ငံတွင် တိုင်းရင်းသားရေးရာ ၀န်ကြီး ၂၉ဦးရှိသည့်အတွက် ယခုတွေ့ဆုံ ဆွေးနွေးပွဲသည် ပထမ အကြိမ်ထက် လူဦးရေများမည့် သဘောရှိသည်။ ၂၀၁၃ခုနှစ် အောက်တိုဘာ ၃၁ရက်ကလည်း ၁၄ ဦး ပါဝင် သည့်တွေ့ဆုံပွဲကို သမ္မတဖိတ်ကြား ချက်ဖြင့် တွေ့ဆုံဆွေးနွေးခဲ့သေးသည်။

ယခုအကြိမ်ဆွေးနွေးပွဲသို့ ဖိတ်ကြားထားသူများတွင် အမျိုးသားဒီမိုကရေစီအဖွဲ့ချုပ်(NLD)ဥက္ကဋ္ဌ၊ ဒေါ် အောင်ဆန်းစုကြည်ကိုလည်း ဖိတ်ကြားထားပြီး ဒေါ် အောင်ဆန်းစုကြည်အနေဖြင့်လည်း တက်ရောက် မည်ဟု NLD ၏ ဗဟိုကော်မတီဝင် ဦးဝင်းမြင့်က အတည်ပြုသည်။

 ဆွေးနွေးပွဲခေါင်းစဉ် သုံးခုအနက် ပြည်တွင်းငြိမ်းချမ်းရေးကို ဦးစားပေးဆွေးနွေးသွားမည်ဟု ဦးခင်မောင်ဆွေက ဆိုသည်။

ဖိတ်ကြားခံထားရသူ တစ်ဦးဖြစ်သည့် ရခိုင်အမျိုးသားပါတီမှ ဦးအေးသာအောင်ကလည်း ဆွေးနွေးပွဲတွင် နိုင်ငံရေးအကျပ်အတည်း များဖြစ်သည့် ဖွဲ့စည်းပုံအခြေခံ ဥပဒေပြင်ဆင်ရေးနှင့် ရှေ့မတိုးနိုင်သေးသော ငြိမ်းချမ်းရေးလုပ်ငန်းစဉ်များကို ဆွေးနွေးသွားမည်ဖြစ်သည်။

ဦးအေးသာအောင်က “ဘယ်လို အကောင်အထည်ဖော်အောင် ကြိုးပမ်းမလဲဆိုတဲ့ အဖြေတစ်ခု ထွက်စေ ချင်တယ်လေ။ အဲ့လိုထွက်မှ လည်း တွေ့ဆုံဆွေးနွေးရေးက အဓိပ်္ပာယ်ရှိမယ်။ တွေ့ကြတယ်၊ ပြောကြ တယ်။ ဘာမှ အဖြေမထွက်ဘူးဆိုရင်တော့ တိုင်းပြည်အတွက်ရော၊ ပြည်သူတွေ အတွက်ရော အကျိုးရှိ မယ်မထင်ဘူး” ဟု ပြောသည်။

ယခုအကြိမ်ဖိတ်ခေါ်သည့် ဆွေးနွေးပွဲတွင် ရန်ကုန်တိုင်းမှ ရခိုင်တိုင်းရင်းသားရေးရာဝန်ကြီး ဦးဇော်အေး မောင်နှင့် ရှမ်းပြည်နယ်မှ အင်းတိုင်းရင်းသားရေးရာဝန်ကြီး ဦးဝင်းမြင့်တို့ကလည်း ၎င်းတို့ကို ဖိတ်ကြား ထားသည်ဟု မဇ္ဈိမကို အတည်ပြုသည်။

“တိုင်းရင်းသားရေးရာဝန်ကြီးတွေက ဒီလိုဆွေးနွေးပွဲတွေမှာ ပါသင့်ပါတယ်ဗျာ။ ကျွန်တော်ကတော့ ပေးထားတဲ့ ခေါင်းစဉ်တွေ အားလုံးကို ဆွေးနွေးသွားမယ်” ဟု ဦးဇော်အေးမောင်က ပြောသည်။

 မင်းမင်း

ရန်ကုန် (မဇ္ဈိမ)

Edited (TEAM BCJP)