ကုလ လူ့အခွင့်အရေးကောင်စီ၏ အသုံးအနှုန်းများအပါအဝင် ပြည်တွင်းရေးကို ၀င်ရောက် စွက်ဖက်ထားသော ပြဋ္ဌာန်းချက်များ မြန်မာ ပယ်ချ
ဂျီနီဗာမှာ ကျင်းပတဲ့ (၂၈)ကြိမ်မြောက် ကုလသမဂ္ဂ လူ့အခွင့်အရေး ကောင်စီ အစည်းအဝေးမှာ မြန်မာကိုယ်စားလှယ် ဦးမောင်ဝေ တက်ရောက်။
လူ့အခွင့်အရေးကောင်စီ အစည်းဝေးမှာ တင်သွင်းတဲ့ ဆုံးဖြတ်ချက် မူကြမ်းကို မြန်မာအစိုးရက ကန့်ကွက်ခဲ့ပြီး ဓမ္မဓိဌာန်ကျစွာ သုံးသပ်ဖေါ်ပြထားတာ မဟုတ်ပဲ အားနည်းချက်တွေ ရှိနေတဲ့အပြင် ပြည်တွင်းရေးကို ၀င်ရောက် စွက်ဖက်တာသာဖြစ်တယ်လို့ ဂျီနီဗာ ကုလသမဂ္ဂ ဆိုင်ရာ မြန်မာ အမြဲတမ်းကိုယ်စားလှယ် ဦးမောင်ဝေက တုန့်ပြန်ပြောဆိုသွားပါတယ်။
"ဥရောပသမဂ္ဂက တင်သွင်းတဲ့ ဆုံးဖြတ်ချက်မူကြမ်းထဲမှာ မြန်မာနိုင်ငံရဲ့ စီရင်ပိုင်ခွင့် အတွင်းမှာရှိတဲ့ ဖွဲ့စည်းပုံ အခြေခံဥပဒေ၊ နိုင်ငံရေး၊ တရားစီရင်ရေး စနစ်တွေမှာ ၀င်ရောက် စွက်ဖက်တဲ့ အသုံးအနှုန်းတွေ ပါဝင်နေပါတယ်။ နိုင်ငံတိုင်း နဲ့ ကိုက်ညီတဲ့ ဖွဲ့စည်းပုံတခုတည်း ဆိုတာမျိုး ကမ္ဘာပေါ်မှာ မရှိပါဘူး။ အထွေထွေရွေးကောက်ပွဲမှာ ထင်သာမြင်သာရှိဖို့၊ လွတ်လပ်ပြီးမျှတဖို့ လုံလောက်တဲ့ဆောင်ရွက် ချက်တွေ မြန်မာနိုင်ငံမှာ ရှိနေပါတယ်။"
ဒါအပြင် ရခိုင်ပြည်နယ်မှာ ၂၀၁၂ခုနှစ်နောက်ပိုင်းကစပြီး လူ့အသိုင်း အ၀ိုင်း နှစ်ဖက်ကြားဖြစ်ပွားတဲ့ အကြမ်းဖက်မှုဆိုတာ မရှိတော့ဘူးလို့ လည်း ဦးမောင်ဝေက ပြောသွားပါတယ်။ ဒါအပြင် ဆုံးဖြတ်ချက် မူကြမ်းမှာ ပါတဲ့ ရိုဟင်ဂျာဆိုတဲ့ အသုံးအနှုန်းကို လည်း ပြင်းပြင်းထန်ထန်ကန့်ကွက်သွားပါတယ်။ ဆက်လက်ပြီးတော့ လူ့အခွင့်အရေးဆိုင်ရာ မဟာမင်းကြီးရုံး မြန်မာနိုင်ငံမှာ ဖွင့်ဖို့ ကိစ္စမှာ မြန်မာအစိုးရရဲ့ သဘောထားကိုအခုလိုပြောသွားပါတယ်။
"မြန်မာနိုင်ငံမှာ လူ့အခွင့်အရေးဆိုင်ရာ မဟာမင်းကြီးရုံးဖွင့်ဖို့ဆိုရင် နှစ်ဖက် လက်ခံနိုင်တဲ့ အချက်တွေအပေါ် အခြေခံညှိနှိုင်းရမှာဖြစ်ပါတယ်။ ယူချင်ယူ၊ မယူချင်နေဆိုတဲ့ သဘောထားနဲ့ချဉ်းကပ်လို့ အလုပ်မဖြစ်နိုင်ပါဘူး။ အချုပ်အချာ အာဏာရဲ့ ဆုံးဖြတ်ချက်ကိုလေးစားလိုက်နာရမှာဖြစ်ပါတယ်။
ကုလသမဂ္ဂ လူ့အခွင့်အရေးကောင်စီမှာ ဥရောပသမဂ္ဂက တင်သွင်းတဲ့ မြန်မာ့ အရေး ဆုံးဖြတ်ချက် မူကြမ်းကို ထောက်ခံ တဲ့ နိုင်ငံ ၂၀ ၊ ကန့်ကွက်တဲ့နိုင်ငံပေါင်းက ၁၁ နိုင်ငံ၊ ကြားနေ ၁၆ နိုင်ငံနဲ့ အတည်ပြုခဲ့တာဖြစ်ပါတယ်။
VOA
Edited (TEAM BCJP)
Category: bcjpnoa, htaynaing, News, winnaingoo, zaw tun, ခွန်ကံလှ, လမ်းမိုင်း, ဝေယံမင်း
