ပြန်ကြားရေးဝန်ကြီးဌာန ပြည်ထောင်စု ၀န်ကြီး ဦးရဲထွဋ် သတင်းစာရှင်းလင်း

၂၀၁၅ ရွေးကောက်ပွဲဟာ မြန်မာနိုင်ငံ ပြုပြင်ပြောင်း လဲရေးအတွက် အရေးပါတဲ့ရွေးကောက်ပွဲဖြစ်သလို လွတ်လပ်ပြီး၊ တရားမျှတတဲ့ ရွေးကောက်ပွဲ ကျင်းပသွားဖို့ နိုင်ငံတော်သမ္မတ ဦးသိန်းစိန်က ရည်မှန်းထားတယ်လို့ နိုင်ငံတော်သမ္မတ ပြောရေး ဆိုခွင့်ရှိသူ ပြန်ကြားရေးဝန်ကြီးဌာန ပြည်ထောင်စု ၀န်ကြီး ဦးရဲထွဋ်က ပြောပါတယ်။

ရန်ကုန်မြို့ မြန်မာဂျာနယ်လစ်ကွန်ရက်ရုံးခန်းမှာ ဒီနေ့ ကျင်းပခဲ့တဲ့ သတင်းစာရှင်းလင်းပွဲမှာ ပြည်ထောင်စု ၀န်ကြီး ဦးရဲထွဋ်က သတင်းမီဒီယာသမားတွေကို အခုလိုပြောခဲ့တာဖြစ်ပါတယ်။

ဒါ့အပြင် မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေကို ဥရောပသမဂ္ဂ အီးယူအဖွဲ့က လက်သင့်ခံခဲ့တဲ့အတွက် သမ္မတဦးသိန်းစိန်ရဲ့ ဥရောပခရီးစဉ်ဟာ အောင်မြင်မှုရရှိခဲ့တယ် လို့လည်း ပြောပါတယ်။ နိုင်ငံတော်သမ္မတ ဦးသိန်းစိန်ဟာ ပြီးခဲ့တဲ့ရက်ပိုင်းက အီတလီနိုင်ငံမှာကျင်းပခဲ့တဲ့ ဥရောပ အာရှထိပ်သီးအစည်းအဝေးကို တက်ရောက်ခဲ့တာ ဖြစ်ပါတယ်။

သတင်းစာရှင်းလင်းပွဲအပြီးမှာ   ၀န်ကြီးဦးရဲထွဋ်ဟာ မြန်မာဂျာနယ်လစ်ကွန်ရက် အလုပ်အမှုဆောင်တွေနဲ့ သီးသန့်တွေ့ဆုံခဲ့ပါတယ်။

RFA