မြန်မာ့အားကစား
လက်ရှိ ကလပ်အသင်းဝင်ဦးရေ (၂၈၀၀)ရှိသော မြန်မာဂေါက်ကလပ် (၆၈)နှစ်ပြည့်မြောက်
မြန်မာဂေါက်ကလပ်ရဲ့ ဂေါက်သီးရိုက်ပြိုင်ပွဲ ဆုချီးမြှင့်တဲ့ အခမ်းအနားကို ဖေဖော်ဝါရီ(၁၂)ရက် ညနေ(၆)နာရီက ရန်ကုန်မြို့ မရမ်းကုန်းမြို့နယ် (၉)မ်ိုင်မှာရှိတဲ့ မြန်မာဂေါက်ကလပ်မှာ ကျင်းပပြုလုပ်ခဲ့ပြီး မြန်မာဂေါက်ကလပ် အဖွဲ့ဝင်များ(၁၈၀)ခန့် သီးသန့် ယှဉ်ပြိုင်ခဲ့ကြတာ ဖြစ်တယ်လို့ သိရပါတယ်။
ပြိုင်ပွဲကို ပထမရက်မှာ သက်ကြီးပိုင်းနဲ့ ဒုတိယရက်မှာ အခြားအဆင့်ပြိုင်ပွဲတွေကို ကျင်းပခဲ့တာ ဖြစ်တယ်လို့ သိရပါတယ်။ ဂေါက်သီးရိုက်ပြိုင်ပွဲရဲ့ ဆုရ အားကစားသမားများကို မြန်မာဂေါက်ကလပ်ဥက္ကဋ္ဌ ဦးသန်းရွှေက အဆင့်အလိုက် ဆုများ ချီးမြှင့်ခဲ့ပါတယ်။
မြန်မာဂေါက်ကလပ်ကို (၁၉၄၇)ခုနှစ်က စတင်ကာ တိုင်းရင်းသားများ စုပေါင်းကာ ဖွင့်လှစ်ခဲ့တာဖြစ်ပြီး ယခု(၂၀၁၅)ခုနှစ်မှာ (၆၈)နှစ်ပြည့်မြောက်ခဲ့တာ ဖြစ်တယ်လို့လည်း သိရပါသည်။
အဲဒီဂေါက်ကလပ်မှာ ကလပ်အသင်းဝင် (၂၈၀၀)ခန့်ရှိပြီး ကလပ်တွင်း ပြိုင်ပွဲများမှ မြန်မာ့ဂေါက်သီး အားကစားလောကအတွက် အားကစားသမားကောင်းများ မွေးထုတ်ပေးခဲ့တယ်လို့လည်း သိရပါတယ်။
__________________________________________________________________________________________________________________________________________________________________
MFF Cup ရှုံးထွက်ဖလား ပြိုင်ပွဲအား ဗိုလ်ချုပ်အောင်ဆန်းဒိုင်း ဘောလုံး ပြိုင်ပွဲအဖြစ် ကျင်းပမည်
ဗိုလ်ချုပ်အောင်ဆန်းကို အောက်မေ့ ဂုဏ်ပြုတဲ့အနေနဲ့ (MFF Cup)ရှုံးထွက်ဖလား ဘောလုံးပြိုင်ပွဲကို ဗိုလ်ချုပ်အောင်ဆန်းဒိုင်း အမည်နဲ့ ကျင်းပသွားဖို့ စီစဉ်နေတယ်လို့ မြန်မာနိုင်ငံ ဘောလုံးအဖွဲ့ချုပ်မှ သိရပါတယ်။
မြန်မာ့ဘောလုံးကို ပရော်ဖက်ရှင်နယ်အဖြစ် စတင်ပြောင်းလဲခဲ့တဲ့ (၂၀၀၉)ခုနှစ်မှ မြန်မာ့ဘောလုံး အားကစားမှာ MFF Cup ရှုံးထွက်ဖလား ဘောလုံးပြိုင်ပွဲအဖြစ် ပထမတန်း၊ ဒုတိယတန်း အသင်းများ ယှဉ်ပြိုင်ကစားသည့် အဖွဲ့ချုပ်ဖလားပြိုင်ပွဲကို ယခုနှစ်မှာတော့ ဗိုလ်ချုပ်အောင်ဆန်းရဲ့ နှစ်(၁၀၀)ပြည့် မွေးနေ့ဖြစ်တဲ့ ဖေဖော်ဝါရီလ(၁၃)ရက်နေ့မှ စတင်ကာ ဗိုလ်ချုပ်အောင်ဆန်းဒိုင်း (General Aung San Shield) ဘောလုံးပြိုင်ပွဲကြီးအဖြစ် ကျင်းပသွားတော့မှာ ဖြစ်တယ်လို့ သိရပါတယ်။
ဗိုလ်ချုပ်အောင်ဆန်းဒိုင်း ဘောလုံးပြိုင်ပွဲကို (၁၉၅၇)ခုနှစ်မှ စတင်ကာ ကျင်းပလာခဲ့တဲ့ အစဉ်အလာရှိတဲ့ ကွင်းပိတ်ဖလားပြိုင်ပွဲ တစ်ရပ်ဖြစ်ခဲ့ပေမယ့် နောက်ပိုင်းမှာ အကြောင်းအမျိုးမျိုးကြောင့် ကျင်းပနိုင်ခြင်း မရှိတော့တာ ဖြစ်တယ်လို့လည်း သိရပါတယ်။
SUN
__________________________________________________________________________________________________________________________________________________________________
Category: bcjpnoa, htaynaing, News, winnaingoo, zaw tun, ခွန်ကံလှ, လမ်းမိုင်း, ဝေယံမင်း
