ပြည်ပရောက် မဲဆန္ဒရှင်များအတွက် လိုအပ်သည့် မဲပြားများ ထပ်ပို့မည်

ပြည်ပရောက် မဲဆန္ဒရှင်များအတွက် လိုအပ်သည့် မဲပြားများ ထပ်ပို့မည်

၂၀၁၅ ရွေးကောက်ပွဲအတွက် ကြိုတင်မဲပေးခွင့် ရရှိခဲ့ပြီး မဲဆန္ဒ လက်မှတ်များ အပြည့်အ၀ မရရှိခဲ့သည့် ပြည်ပရောက် မဲဆန္ဒရှင်များအတွက် လိုအပ်သည့် မဲပြားများကို ပြည်ထောင်စု ရွေးကောက်ပွဲကော်မရှင်က ထပ်မံပေးပို့မည်ဖြစ်ကြောင်း နိုင်ငံခြားရေး ၀န်ကြီးဌာနက အတည်ပြု ပြောကြားသည်။ ကြိုတင် မဲဆန္ဒရှင်များအတွက် လိုအပ်နေသည့် မဲပြားများ ထပ်မံပေးပို့နိုင်ရေးအတွက် နိုင်ငံခြားရေး ၀န်ကြီးဌာနနှင့် ပြည်ထောင်စု ရွေးကောက်ပွဲကော်မရှင်တို့ ယနေ့ အောက်တိုဘာ ၁၉ရက်နေ့ နေ့လည်ပိုင်းက တွေ့ဆုံဆွေးနွေး ညှိနှိုင်း ခဲ့ကြောင်းလည်း သိရသည်။

နိုင်ငံခြားရေးဝန်ကြီးဌာန စီမံကိန်းနှင့်စီမံရေးရာဌာန လက်ထောက်ညွန်ကြားရေးမှူး ဒေါ်ဇင်မာသိန်းက“သံရုံးတချို့က မဲအပြည့် မရခဲ့တဲ့သူတွေ စာရင်းတော့ ပြန်ပို့နေတာ ရှိတယ်။ ဒါကိုကော်မရှင်ကို ပြန်တင်ပြပြီး မဲပြားတွေ အမြန်ဆုံး ပြန်ပို့နိုင်ဖို့ လုပ်နေတယ်။ ဘယ်တော့ပြန်ပို့မလဲ ဆိုတာတော့ ကော်မရှင်ပဲ သိလိမ့်မယ်”ဟု ဧရာဝတီသို့ ပြောသည်။

Category: bcjpnoa, bcjpnob, Ei Ei Htwe, htaynaing, Maung Thura mYint, winnaingoo, zaw tun, ခွန်ကံလှ, လမ်းမိုင်း, ဝေယံမင်း